Ортақ іс табысы тақырыбына сабақ жоспары, 4-сынып

Күні:12.12.17 ж

Пәні: Өзін-өзі тану

Сыныбы: 4 «А»

Машықкер: Мұсатай Т.Ә.

Тақырыбы: «Ортақ іс табысы»

Мақсаты: Оқушылардың «еңбек», «сыйластық», «ынтымақ» құндылықтары туралы түсініктерін кеңейту.

Міндеттері.

-ынтымақ, бірліктің адам өміріндегі маңызын түсіндіру.

-бірлесіп жұмыс істей білу іскерліктерін дамыту.

-өзара көмекке, достыққа тәрбиелеу.

Әдісі: Ойын,әңгімелесу,түсіндіру,сұрақ-жауап.

Типі:Жаңа материялды игерту.

Түрі:Дәстүрлі.

Көрнекі құралдар: смайлик,оқулық, қорап, шаблондар, дәптер.

Кезеңдері

Өту барысы

Ұйымдастыру кезеңі

1 мин

Шаттық шеңбері

3 мин

Әңгімелесу

2 мин

Жаңа сабақ

1 мин

Оқулықпен жұмыс

5 мин

Сұрақ – жауап

3 мин

Дәйексөз

4 мин

Шығармашылық жұмыс

6 мин

Ойын

3 мин

Өзім мен өзім

2 мин

Жаңа ақпарат

1 мин

Дәптермен жұмыс

8 мин

Жүректен жүрекке

2 мин

Қорытынды

2 мин

Сәлеметсіңдер ме, балалар! Оқушылар қасымыздағы көршіміздің қолынан ұстап,үлкен шеңбер жасап тұрайық. Ал енді бір-бірімізбен амандасайық.

Мен сендерге дөңгелекшелер берем,сендер сол дөңгелекшелерге өз көңіл-күйлеріңді саласыңдар.Яғни смайлик саласыңдар!(балалар,смайлик жасайды).Сендер шаттық шеңберінде смиайлик жасадыңдар,кейін сабақтың соңында тағы смайлик жасаймыз.Сол смайликтың жасалуына қарай отырып бүгінгі сабақтан қандай әсер алғандарыңды бақылаймыз.

-Жарайсыңдар.

Сабақтың тақырыбын ашу мақсатында әңгіме жүргіземін.

Осы оқыған өлеңдегі: «Берекелі бүгіндей, Бейбіт болсын болашақ!» деген жолдарын қалай түсінесіңдер?

Досыңмен ортақтасып істеген ісің болды ма?

«Ортақ іс табысы» дегенді қалай түсінесің?

Дұрыс айтасыңдар.

Ендеше, бүгінгі сабағымыздың тақырыбы «Ортақ іс табысы» деп аталады.

Сабақтың мақсаты: «Еңбек», «сыйластық», «ынтымақ» туралы түсініктеріңді кеңейту.

Оқушыларға бірлік ұғымының мәнін түсіндіру мақсатында әңгіме ұйымдастырамын.

Қане, бәріміз оқулығымыздың 73 бетін ашамыз М. Төрежановтың «Көп біріксе – береке» атты мәтініне назар аударайық.(Мәтінді оқушыларға тізбектеп оқытамын)

Көп біріксе – береке

«Бірлік» бастауыш мектебі жаңа салынған. Төрт сыныпта жүз бала оқиды. Бірінші сыныпта отыз оқушы бар. Сыныптары кең, терезелері үлкен, жарық. Мектептің маңы шарбақпен қоршалған.

Бір күні бірінші сыныптың мұғалимасы Сара Сарыбаева балаларды аулаға алып шығып, өзі бас-көз болып, бір – бірден жас шыбық отырғызды. Басқа сыныптар да сөйтті. Әркім өз шыбығын баптап, су құйып, белгі тағып өсірді.

Арада бірнеше жыл өтті. Бір талы қурамай мектептің ауласында жасыл орман жайқалды.

Кейіннен бастауыш мектеп сегіз жылдық мектепке айналды. Балалар құлпырып тұрған тал, терек, қарағаштарды көріп:

-Мен бір-ақ ағаш өсірдім!

-Мен де бір тал шыбық отырғызған едім. Енді көрмейсің бе, қалың орман болып кеткенін! – десті.

-Біз көппіз ғой, әрқайсымыздың үлесімізге бір-бір талдан ғана келсе де, ну орман болып тұр. «Көп біріксе – береке» деген осы! – деп шәкірттерінің сөзін Сара Сарыбаева…