Жер – ортақ үйіміз бойынша 4-сынып сабақ үлгісі

Тексерілді: _______________

«____»______________________ Пән: Өзін – өзі тану Мектебі: ____________________ Күні: _______________ №: 32 Мұғалімі: Сыныбы: 4 Оқушылардың саны: Тақырыбы: Жер – ортақ үйіміз Құндылығы: Сүйіспеншілік Қасиеттері: Жақсы көру, қамқорлық, бауырмалдық

Мақсаты: Оқушыларға жер барлық адамға ортақ екенін түсіндіре отырып, сүйіспеншілік құндылығының мәнін ашу . Міндеттері: 1. Білімділік: Оқушыларға туған жерін жақсы көруді үйрету 2. Дамытушылық: Оқушылардың туған жеріне қамқорлық жасау қасиеттерін дамыту. 3. Тәрбиелік: Оқушыларды бауырмалдыққа тәрбиелеу.

Ресурстар: (материалдар , дереккөздер) 1.bilim-all.kz 2.https:// infourok.ru

Сабақтың барысы:

1. Ұйымдастыру кезеңі. 5 Т – ережесі: 1. Тәртіп. 2. Талап. 3. Тыныштық. 4. Тазалық. 5. Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік. Жағымды күйге келу. «Сиқырлы сөздер» ойыны Мұғалім кез-келген өтінішті айтады, ал оқушы оны әдепті түрде айтуы керек. Мысалы: Айнаш, дәптерді бер. «Айнаш, өтінемін дәптерді берші » Ізеттілік туралы ертегі тыңдау 2. Үйге тапсырма. 1. №31 – сабақ. 2 – тапсырманы орындау. 2. Келесі сабақ. №32 – сабақ, «Күн айды іздеп жүр» ертегісін оқып келу Сұрақтар: • Адам Күнге қандай өтініш жасады? • Жер қандай жағдайға душар болады? • Күн Айды неліктен таба алмады? • Жердегі жыл мезгілдері қалай пайда болды? • Ай неліктен Күнге көрінбей жүр екен? • Күн мен Айдың Жермен қандай байланысы бар? • Саған Жер ғаламшары неліктен ұнайды? Айтып бер. 3. Сабақтың дәйексөзі.

«Баптағанға-жер жомарт» Халық мақалы Сұрақтар: 1. Жер ананы не үшін жақсы көресіздер? 2. Жер ананы құтқару үшін не істеу керек деп ойлайсыздар? 3. Жер-ананы көркейту үшін қандай мамандық иесін таңдайсыздар? 4. Дәйексөзден қандай ой түйдіңіз? Жерді күтіп,баптап,таза ұстау керек. Өйткені Жер –ана жомарт дархан көңілмен адамға барын бергісі келеді.Тіпті қазба байлықтар да жерден алынады.Түрлі жеміс- жидектер де,әсем гүлдер де,тіпті дәнді дақылдар да ұдайы суарып,күтіп баптағаннан кейін көбейе түседі.

4. Оқиға айту (Мұғалім сыйы).

Бала тілегі

Ертеде бір қария өмір сүріпті. Оның үш ұлы болыпты. Ұлдары әкелерін өте қатты жақсы көріпті. Олар әкелерінің ұзақ өмір сүруін армандап, оның жолын қайдан табамыз деп ақылдасыпты. Ұлдары көп ойланып, әкелеріне бақыт пен денсаулық сыйлайтын тіршілік ортасын іздеуге шығады.

Ұзақ жүрген үлкен ұлы шаршап ұйықтап кетеді. Бір кезде оянса, құстары сайраған, ағаштары жеміске толы мәуе бақта жатқанын байқайды. Мұндай «Саялы орман» табиғаттың сыйы деп, сол жерге қоныстанып қалады. Ол әртүрлі жеміс ағаштарын өсіріп, орманды қамқорлықққа алады. Табиғат та үлкен ұлға мейірімін төгіп, тәтті жемістерін береді.

Ортаншы ұлы да өте ұзақ жүреді. Дем алайын деп жатса, құлағына сылдыраған бір дыбыс келеді. Жан- жағына қараса, көзі бітеліп қалған бұлақты көреді. Ол тез орнынан тұрып, бұлақтың көзін ашады. Су сарқырып аға жөнеледі. Мөлдіреп аққан таза су, гүлден-гүлге қонған көбелектер, шалғын шөпортаншы ұлға қатты ұнапты. Ол бұл жерді «Таза көл» деп атапты. Көлдің жағасына егін егіп, оны баптап күткен ортаншы ұл жер – ананың байлығына бөленеді.

Ал үшінші баласы болса, көп жерді шарлап, әкесіне мекен болатын жерұйықты ол да тауыпты. Бұл жердің адамдары өте тату тұрады екен. Кішілері үлкендерге құрмет көрсетіп, кішіпейілдік танытса, үлкендері ақыл айтып, бір-біріне сүйіспеншілік сыйлаған елді мекен «Туған жер» деп аталады екен.

Балаларына разы болған қария үш елді мекенді кезек-кезек аралап, табиғат деген тіршілік ортасында ұзақ ғұмыр кешіпті.

 Қарияның ұлдары неліктен жанға жайлы мекен іздеуге шықты?  Үлкен баласы өзіне ұнаған жерге қандай қамқорлық танытты?