От досымыз, от жауымыз тақырыбындағы ашық сабақ

Білім беру салалары: Әлеуметтік орта.

Бөлімі: Қоршаған ортамен танысу.

Тақырыбы: «От – досымыз, от - жауымыз»

Мақсаты:

Білімділік: Оттың пайдасы мен зияны туралы білімдерін және өрт кезіндегі қауіпсіздік ережесімен таныстыру.

Дамытушылық: Өрт кезіндегі қауіпсіздік ережелерін есте сақтау қабілеттерін және тілін дамыту. Берілген сұраққа толық жауап беруге үйрету.

Тәрбиелік: Өрт ережелерін сақтауға, ұқыпты, қырағы болуға тәрбиелеу.

Әдіс-тәсілдері: Әңгімелесу, әңгімелеу, сұрақ-жауап, ойын, қорытынды мадақтау

Көрнекіліктері: Слайд, өрт сөндіру балоны, өрт сөндіру машиналары, өрт сөндіру құралдары.

Сөздік жұмыс: өрт сөндіруші, өрт қауіпсіздігі.

Билингвальды компонент: өрт сөндіруші — пожарник, от - огонь, өрт — пожар, өрт қауіпсіздігі — пожарная безопасность.

I.Кіріспе бөлім

Тәрбиеші: Балалар, қараңдаршы, бізге қонаққа тәрбиешілер келген. Қәне, қонақтармен амандасайықшы.

Балалар: Саламатсыздар ма?!

Тәрбиеші: Балалар, біз қонақ келсе қуанамыз ба?

Балалар: Қуанамыз!

Тәрбиеші: Қалай қуанамыз?

Балалар: Алақай! Қуанышты жүзбен!

Тәрбиеші: Олай болса балалар, қонақтарға қалай қуанатынымызды айтып жеткізейікші:

Шаттық шеңбері.

Қуан, шаттан, алақай!

Қуанатын кез келді.

Күлімдейді күн бүгін,

Қайырлы таң! Қайырлы күн!

II.Негізгі бөлім

Тәрбиеші: Балалар, біз өткен сабақта не өттік? Қандай тақырып өттік? Біз өткен сабақта «Менің туған өлкем» тақырыбын өттік.

Балалар менің сендерге жұмбақ жасырғым келіп тұр, олай болса мұқият тыңдаймыз.

Жалт-жұлт етеді,

Жалмай-жалмай жұтады (От)

Жарайсыңдар, балалар! От қараңғы кезде жарық болады.

От – бізді жабайы аңдардан қорғайды.

Отқа тамақ пісіреміз.

Пешке от жағып, үйімізді жылытамыз. Оттың зиянды жақтары: отты дұрыс пайдаланбаса, адам күйіп қалады. Өрттің шығу себептеріне тоқталайық. Өрттің шығу себептері туралы білгілерің келсе мына видео сюжетке назар аударайық.

Видео сюжет: «Өрттің шығу себептері»Өрттің шығу себептері туралы не білеміз? Қане кім айтады?

Балалар: 1. Шырпымен ойнаса;2. Үтікті қосып кетіп қалса;3. Газды ашық қалдырып кетсе;

Осы кезде есік қағылады.

Тәрбиеші: Балалар, тыңдаңыздаршы, есік қағылғандай болды ма? Қазір мен қарайын.

Ішке өртсөндіруші кіреді.

Өртсөндіруші: Саламатсыздар ма, балалар?!

Балалар: Саламатсыз ба, өртсөндіруші ағай!

Өртсөндіруші: Саламатсыз ба, апай?! Апай, балалар, сіздер оттың пайдасын айтып, мақтап отырсыздар. Дұрыс, «от –біздің досымыз, әрі жауымыз».

Тәрбиеші: Қалай сонда?