От досымыз, от жауымыз тәрбие сағаты, 5 сынып

От – досымыз, от –жауымыз

Мақсаты: оттың адам өміріндегі маңызын,пайдасын, пайда болу жолдарын ұғындыру. Сонымен қатар оттың тілсіз жау екендігін ұқтыру.

Өрттің зияны мен қауіпсіздігі туралы толық мағлұмат беру. Оқушыларға оттан сақтанудың жолдарын, өрттің табиғатқа, адамға әкелетін зардабын түсіндіре отырып, сіріңке, оттық т.б. қатерлі нәрселерден аулақ болуға тәрбиелеу.

Көрнекілігі: ауызша журнал, сюжетті суреттер, плакаттар, тірек –сызба, макет.

Пәнаралық байланыс: ана тілі, дүниетану.

Барысы.

1-бет.Оттың шығу тарихы.

Мұғалім:Құрметті оқушылар, біздің бүгінгі тәрбие сағатымыздың тақырыбы «От – досымыз, от –жауымыз». Жалпы «от» деген сөзді қалай түсінесіздер? От өмірімізге қуат беріп, бойымызды жылытады. От –өмір сәні. Отсыз тіршілік жоқ. От жағылмаса тамақ піспейді, үй жылымайды.От қалай пайда болды?

Ерте заманда алғашқы адамдар отты пайдалануды найзағайдан түскен оттан үйренді. Сол найзағайдан түскен отты сөндірмей пайдаланды. Барлығы аң аулауға кеткенде, бір адам от басында қалатын болған. Тамақты пісіріп жеуді де найзағай отының астында қалған еттен байқаған.От астында қалған ет шикі еттен дәмдірек екенін байқап, асты пісіріп жеуді үйренген. Сол заманнан –ақ оттың өте маңызды екенін аңғарамыз.

2-бет.От –өрісі кең түбір. Енді осы «от» түбіріне байланысты сөздерді терсек: отағасы, отау,отарба. Яғни мұннан шығатын нәрсе –«от» сөзі жылылықтың белгісі іспеттес. Оттың пайдасымен қатар зиянды жағы да жоқ емес. Қандай зияны бар, оқушылар?

Оқушылар: Өртену, күю, жану, жарақат алу.

Мұғалім: 3-бет. «Отпен ойнама, күйесің» дегендей оттың зиянды жақтарына тоқталсақ:

Оттың зиянды жақтары: отты дұрыс пайдаланбаса, адам күйіп қалады. Өртенген дала. Күйген ас.

4- бет. « Өрт –тілсіз жау» атты бөлімімізде өрттің шығу себептері туралы айтамыз. Бұл тарауда сіріңке, темекі, үтік, газ суреттеріне не айта аласыңдар? (сурет көрсетіледі)

Өрттің шығу себептері:1.Шылымның тұқылын сөндірмей тастаса;

2.Шырпымен ойнаса;

3.Үтікті қосып кетіп қалса;

4.Газды ашық қалдырып кетсе;

5-бет.»Ойыннан от шығады» атты бұл бетте Дидар баланың шырпымен ойнаймын деп, ойынның арты өртке айналғанын, өзі кеш түсініп бармағын тістейтіні туралы сөз етеміз.

1-оқушы: Ойын түбі –от.

Дидар бала бір күні

Көріп қалды кірпіні.

Қолына алды шырпыны.

Дидар: Кірпішекті шырпымен

Өртейін мен, жағайын.Лап етіп кірпі жанғанда,

Қызыққа мен батайын.

2-оқушы:Сөйтті дағы