Отбасы өмір аясы өзін өзі танудан ашық сабақ 8 сынып

Өзiн-өзi тану сыныптан тыс сабағының жоспары

Мектеп: №8 гимназия Мерзiмі:

Тақырып: Отбасы- өмір аясы. Құндылық: Ішкі тыныштық

Қасиеттер: мейірімділік, кішіпейілділік, сабырлылық, сыйластық

Мұғалiм: Кулмурзаева Н.О. Сынып: 8 «А» Оқушылар саны__22_

Сабақтың мақсаты:

«Отбасы» құндылығы туралы түсініктерді отбасы туралы ұғымдарды кеңейту, оны сүйе білуге, отбасы игілігі үшін талмай еңбек етуге үйрету.

Сабақтың міндеттері:

Білімділік: -отбасының негізі өмірдің ұйтқысы, киелі қасиетке ие болу сыры туралы түсініктерді кеңейту

Дамытушылық: -отбасы тірлігі мен құндылықтарын атап, қадір-қасиеті туралы философиялық астарына назар аудару

Тәрбиелік: - отбасы тәрбиесінің мән-маңызын ашып көрсете отырып, алдағы өмірге даярлау

Ресурстар:

Сабырлы әуен:«Хрустальная композиция»

Әңгіме барысы:

1.Ұйымдастыру кезеңi.

5 «Т» сақтаймыз: тәртіп, талап, тыныштық, тазалық, татулық.

Тыныштық сәтi.

Нұрға бөлену.

Ыңғайланып отырып, денелеріңізді түзу ұстаңыздар. Көздеріңізді жұмуларыңызды өтінемін.Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гул түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек - қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түседі. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда.Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте - бірте шұғылана бастайды, сіздің денеңізден шығып жан - жағыңызға сәуле шашады. Осы нұрды мұғалімдеріңізге, туыстарыңызға, достарыңызға, бағыттаңыз.

Осы нұр бүкіл әлемге: Барлық адамдарға, жан - жануарларға өсімдіктерге барлық тірі жанға таралсын.... Ғаламның барлық түпкір - түпкіріне нұр бағыттаңыз. Ойша айтыңыз: “Мен нұрлымен... Нұр менің ішімде... Мен Нұрмын”.

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Сұрақтар:

1.Ал,енді балалар осы тыныштық сәтінен қандай әсер алдыңдар?

2.Тыныштыққа келе алдыңдарма?

Түйіндеме:Балалар, осы тыныштық сәтінен алған әсерлерімізбен бір-бірімізге, бізді қоршаған әлемге сүйіспеншілігімізді бағыттап бүгінгі күнгі сабағымызды бастайық.

Сабақ барысын талдау:

2.Әңгiмелеу

Рухани байлық-ішкі тыныштық

Ішкі тыныштық – ақылдың толықтай тынышталуы, адамның терең табиғаты, Ақиқат пен Дұрыс әрекеттің сәулесі. Ал Ақиқат пен Дұрыс әрекет жолындағы адам- ішкі тыныштықта болады. Тыныштық- кез-келген сыртқы жағдайда ақыл-ойдың тазалығын сақтау болса, жан тыныштығы- ол адамға кез-келген жағдайдан шығуға жол табатын күш. Жан тыныштығы - тек таза жұректе орнайды, жақсы ақыл-ой туғызады. Сезім (эмоция) денені басқарады, ақылдың…