Отбасы отанымыздың ошағы, ата-аналарға баяндама

Отбасы отанымыздың ошағы

С.А Конебаева бастауыш сынып мұғалімі

№ 12 орта мектеп

Маңғыстау облысы, Ақтау қаласы, Мұнайлы ауданы

«Отан-отбасынан басталады» дегендей отанды сүю отбасынан басталады. Отбасы-табиғат сыйлаған кереметтердің бірі. Отбасы-өте қажетті басқадай еш нәрсемен өзгертуге болмайтын баспалдақ.

Отбасының ең маңызды қызметтерінің міндеттерінің бірі тәрбиелеушілік. Оның негізгісі-баланы өмірге келтіру ғана емес, оған сонымен қатар әлеуметтік-мәдени ортаның құндылығын қабылдаттыру, үлкен ұрпақтың тәрбиесін жас ұрпаққа жеткізу, бойына сіңіртуі яғни балалрын қоғамға пайдалы азамат етіп өсіру тікелей ата-ананың және біздің ұстаздардың басты назарында болу тиіс.

Ұрпақ-болашақ, яғни ол адамзаттың болашағы, ал отбасы кішкене мемлекет. Отбасында ынтымақ болмауынан ,ерлі-зайыптылар арасындаы алауыздықтан, бірің сөзін бірі тыңдамауы, бала тәрбиесін тым қиындатып жібереді сондықтан ата-ана беделден, тіл алғызу ықпалынан айырылады. Кей ата-аналар өздерінің міндеттерін балалардың қарнын аш қалдырмау, киімі бүтін болса болды деп ойлайды. Балалардың білімін мектепте алған бағаларымен ғана бағалайды. «2» алса жаман, «5» алса жақсы. Оқу жылы ішінде балаларының сабғына бір де, бір рет қатыспаған ата-ана , баласы бұзық болса,ұстаздар қауымына тіл тигізіп жатады. Отбасының негізгі міндеттері балаларды жақын істерге,нұрлы мұраттарға тәрбиелеу екендігін естен шығарып алған қанша ма ата-ана бар десеңші.

Отбасы тәрбиесінде халқымыздың ғасырлар бойы қалыптасқан тәжірибесін, ұлттық ерекшелігін есепке алу қажет. Баланың дұрыс өсуіне қажетті жағдайлар жасау, оның орта білім алуына, мамандық, кәсіп таңдауына көмектесу. Еңбекке дағдыландыру, қоғам мен өз мүлкіне ұқыпты қарауға үйрету ата-ананың басты борышы.