Отбасы жылулығы тәрбие сағатының дайын жоспары

Начало формы

Конец формы

ООооОоооо Отбасы жылуы

Тәрбие сағатының тақырыбы: «Отбасы жылуы»

Тәрбие сағатының мақсаты: ата- ана мен бала арасындағы ізгі қарым – қатынастың орнауына ықпал ету. Отбасы құндылықтарын сақтауға үйрету. Ата – ана мен бала арасындағы сенімді сыйластықты, бір- біріне деген сезімді нығайту, бала тәрбиесінің алғашқы алтын қазығы туған ұясы, өз отбасындағы ата- ана тәрбиесі, өнегесі және баланың бас ұстазы ата – ана екенін түсіндіру.

Тәрбие сағаттың көрнекілігі: нақыл сөздер, шарлар.

Әдісі: пікірлесу, сұрақ-жауап, , ситуациялық сұрақтар.

Барысы:

Құрметті, оқушылар, ұстаздар. Өткізгелі отырған «Отбасы жылуы» атты ашық тәрбие сағатына қош келіпсіздер! Қазақ қоғамында отбасы – өмірдің тұтқасы, оттың маңайына жан балқытар жылуы. Қазақтың ошағы дөңгелек үйдің ішінде болады да, бүкіл жайдарлық жағылған отқа үйіріледі. Отбасының амандығы, ошақтағы оттың маздап тұруы – үмітінің өшпес алауы. Үй ішінің қызыққа, қуанышқа толы болуы да соған байланысты.Оттың басы, ошақтың қасы- ырыстың ұйытқысы. Сондықтан қазақ отының басын тіршілігінің тұтқасы санап аялайды. Қазіргі қоғамда ата – ана баласынан не күтеді? Ата – ананың бақыты неде? Баласы ата – анасын қалай бақытты етпек?

Отбасы деген сөзді қалай түсінесің?

Отбасына кімдер жатады?

1-бөлім. Таныстыру.

Балалар өз отбасы туралы әңгімелейді.

Сенің отбасың қандай?

Сенің отбасыңда неше адам бар? Олар кімдер?

Отбасыңда сені қалай еркелетіп айтады?

Сен отбасыңдағы адамдарды қалай атайсың?

2-бөлім. Ситуациялық сұрақтар.

«Кім епті?» ойынын ойнап аздап сергіп алайық.Балалардың шығармашылығына назар аударайық.

Отбасының басты қазығы, алтын діңгегі –бала. Баланың жан-жақты тәрбиелі болып өсуіне берекелі, өнегелі, ынтымақты отбасының ықпалы мол.

Отбасы берекелі, тату болу үшін сыйластық, мейірімділік, жанашырлық, бауырмалдық қасиеттер әр адамның жүрегінен орын алуы керек.

«Отан отбасынан басталады» дейді қазақ халқымыз. Елдің, ұлттың, жалпы адамзаттың болашағы, даму деңгейі осы отбасынан басталады.

3-бөлім. Ситуациялық жағдаяттар.

Егер балам қатыгез, қайырымсыз, өзімшіл болып өспесін десеңіз, бала тәрбиесінде мына қателіктерге жол бермеңіз.

1-қателік: «Егер сен мен қалағандай болмасаң, мен сені жақсы көрмеймін»

2-қателік: «Не істесең оны істе, маған бәрібір»

3-қателік: Аса қаталдық. «Мен не айтсам соны орындауың керек, өйткені мен үйдің басшымын»

4-қателік: Балаларды тым еркелету

5-қателік: «Саған көңіл бөлуге уақытым жоқ»

6-қателік: Балаңызды тым көп ақшамен қамтамасыз ету.

7-қателік: Баланың ісіне көңіл-күйіңізге қарап баға беру, яғни көңіл-күйіңіз нашар болса, оның қуанышына ортақтаспау, әңгімесіне құлақ аспау.