Отбасым бақыт мекенім тәрбие материалы 3 сынып

Тақырыбы:Отбасым-бақыт мекенім.

Мақсаты: сүйіспеншілік, сыйластық сыйластық құндылықтары туралы түсініктерін кеңейту.

Міндеті: отбасы туралы түсініктерін бойларына сіңіре білу.

Білімділігі: отбасының қоғамдағы маңызын ұғындыра білу.

Дамытушылығы:сөйлеу тілін дамыту.

Тәрбиелігі:отбасына деген сүйіспеншілік сезімдерін тәрбиелеу.

Сөздік жұмыс:толған ай,құлыным,құндызым

Әдіс-тәсілдер: түсіндіру, сұрақ-жауап

Билингвальдық компонент: отбасым – семья

Іс-әрекет сатылары

Тәрбиешінің басқару іс-әрекеті

Балалардың іс-әрекеті

Ынталандыру

сезімді ояту.

Шаттық шеңбер құру

Қуан шаттан алақай,

Қуанатын күн келді.

Қайырлы таң!

Қайырлы күн!

Сәлеметсіңдер ме, балалар?

Өлең жолдарын қайталап, сәлемдеседі

Ізденістер.

Ұйымдастыру

Кіріспе

-Бүгін біз «Отбасы»аялдамасына тоқталамыз.

Суретпен жұмыс

-Суретке қарап әңгіме құрастыру

-Отбасы деген сөзді қалай түсінесіңдер?

-Отбасын неліктен жақсы көресіңдер?

-Сендерді ата, әже, әке, аналарын қалай еркелетеді?

Ә. Исқақовтың«Кім ойлап тапқан?» өленің оқу

Кім ойлап тапқан?

Сөздерді ең аяулы,

Жақсы көріп жаттадым

Енді білдім оларды

Кімнің ойлап тапқанын.

«Күнім», «жаным» дегенді,

«Құлыншағым» дегенгді,

«Ботақаным» дегенді,

«Қошақаным» дегенді,

«Айналайын» дегенді,

«Толған айым» дегенді

Ойлап тапқан аналар

Ойын шарты:

Балалар шеңбер бойымен тұрып, педагог кезек-кезек балаларға сұрақ қойып, қолындағы допты лақтырады.

Сұрақтар қою:

· Отбасы мүшелерін ата

· Сен отбасында кімді жақсы көресің?

· Сен өз отбасыңа қалай көмектесесің?

· Отбасы мүшелерін қалай сыйлайсың?

Ойыннан соң балалардың жауаптарын қорытындылап, әрбір адамның өз отбасы-әкесі, анасы, әжесі, атасы, ағасы, әпкесі болатынын, олар бір-бірін қалай жақсы көретінін, сыйлайтынын, үлкен-кішінің өзара көмектері, жағымды қарым-қатынастары туралы төмендегідей айтып түсіндіреді.

-Ата мен әке-ер адамдар; аға мен іні-ұл балалар; ана мен әже-әйел-аналар; әпке, сіңілі, қарындастар-бұл сүйкімді қыздар.

Аналар мен қыздар үйде тамақ әзірлейді, үйді ретке келтіреді. Ұлдар мен әкелер оларға көмектесіп үйдегі ауыр жұмыстарды жасайды, ауыр сөмкелерді көтереді т.с.с.

Әңгімелесу:

Педагог алдын ала әр балаға өз отбасыларымен бірге түскен суреттерін алып келуін ұсынады. Балалар үйден әкелген өз отбасыларымен бірге түскен суретке қарап, әркім өз отбасы, отбасы мүшелеріне деген сүйіспеншілік, сыйластықтары туралы айтып береді.

«Мен отбасымды жақсы көремін...» деп әр бала өз ойын жалғастырады.

Дәптермен жұмыс

Балалар дәптерге өздерінің отбасымен түскен суреттерін әдемілеп жапсырады.