Отбасындағы сыйластық сабақ жоспары балабақша

«Арман» ортаңғы тобында ұйымдастырылған ашық оқу

қызметінің технологиялық картасы.

Білім беру салалары: «Коммуникация»

Бөлімі: Көркем әдебиет

Тақырыбы: «Менің отбасым»

Білімділік: Балалардың отбасы туралы түсініктерін қалыптастыру, өз жанұясы туралы әңгімелеуге үйрету. Отбасы мүшелерін дұрыс атауға, сурет бойынша өз ойларын айта білуге дағдыландыру. Үштілділікті меңгерту. Сұрақтарға толық жауап беруін қадағалау.

Дамытушылық: Балалардың ой-өрісін дамыта отырып, сөздік қорын байыту. Ойын арқылы есте сақтау қабілетін,қарым-қатынас дағдыларын дамыту. Фонетикалық жаттығуларды қолдану арқылы балаларға А,Ә дыбыстарын нақты айтқызуға дағдыландыру. Қызығушылықтарын, белсенділіктерін дамыту.

Тәрбиелік: Үлкенді сыйлауға, құрметтеуге, сүйіспеншілікке, татулыққа, бірлікке баулу. Инабаттылыққа, кішіпейілдікке, адамгершілікке тәрбиелеу.

Қолданатын көрнекілік: Отбасы мүшелерінің суреттері, сюжетті суреттер, өлең- тақпақ (ағылшын тілінде), мақал – мәтелдер, слайд, жұмбақ, ойындар, қимылды сергіту сәті, плакат,ай, күн, жұлдыз, аққу, гүл, бұлт, көбелек суреттері, видео материал, фонетикалық жаттығулар.

Әдіс - тәсілдері: Әңгімелеу, көрнекілік көрсету, сұрақ - жауап, түсіндіру, үйрету, үштілділік, сөздік жұмыс , топпен жұмыс, жеке жұмыс, суретпен жұмыс, қайталау, қорытындылау, мақтау – мадақтау.

Сөздік жұмыс: Тату-тәтті Үштілділік: Әке-папа-father, ана-мама-mother, ата-дедушка-grandfather, әже-бабушка- grandmother, аға-брат-brother, әпке-сестра-sister

Әрекеттің

Кезеңдері

Тәрбиешінің әрекеті

Балалардың әрекеті

Мотивациялы-ынталандыру кезең

I. Кіріспе бөлім.

Ұйымдастыру кезеңі.

-Балалар бүгін ерекше күн.

-Бізге көп қонақтар келіпті.

-Мен сендердің көздеріңнен қуаныш пен қызығушылық көріп тұрмын.

-Бүгінгі күнімізді бір-бірімізге жылы лебіз айтудан бастайықшы.

-Көңіл-күйлерің қалай?

-Ендеше көтеріңкі көңіл-күймен әрекетімізді бастайық!

-Жыл мезгіліне саяхат жасайық.

-Бір жылда неше мезгіл бар?

-Жыл мезгілдерін атаңдаршы?

-Қазір жылдың қай мезгілі?

-Күз мезгілінде қандай маусымдық өзгешеліктер болады?

-Сендер жұмбақ шешкенді жақсы көресіңдер ме?

-Мен сендерге бір жұмбақ жасырамын.

Жұмбақ

Онсыз қызық жоқ маған,

Онсыз бақыт жоқ маған

Ол әр баланың панасы,

Ол не екен балалар?

-Дұрыс айтасыңдар, бүгін біз сендермен отбасы туралы әңгімелесеміз.

Балалар шаттық шеңберінде тұрып бір- бірімен күлімдеп амандасады.

Шаттық шеңбері:

Қайырлы күн деп айтамыз

Кешке бірге қайтамыз

Отбасының гүліміз

Көңілді өтер күніміз

Үлкенге де сіз

Кішіге де сіз

Барша жанды құрметтеп

Бас иеміз бәріміз.

-жақсы

Балалар сұрақтарға толық жауап береді.

-иә

-(Отбасы)

Ұйымдастыру -

ізденуші кезең

II. Негізгі бөлім.

Кіріспе әңгіме

-Отан отбасынан басталады. Үлкен Отанымыз Қазақстан болса, кіші отанымыз қалай аталады?

-Біздің әрқайсымыздың отбасымыз бар.

-Отбасы мүшелеріне кімдер жатады?

Слайд 1

Назарларын суретке аударту. Суретпен жұмыс

-Суретте кімді көріп тұрсыңдар? (жеке-жеке көрсету)

Ал енді бір сөзбен қалай айтуға болады?

-Иә, бұл суретте сүйіспеншілігі мол, бір-біріне ыстық ықыласпен, аялы сезіммен қарап отырған дастархан басындағы отбасы мүшелерін көріп отырмыз.

Отбасы - бір үйде тұратын, ең жақын, ең қымбат адамдар.

Сюжетті суреттерді көрсету.

Шағын әңгіме құрату.

-Балалар, отбасымыздағы басшы кім?

-Ал, ана сендерді өмірге әкелген адам.

-Ал, ата мен әжеге сендер кім болып келесіңдер?

-Ата мен әже отбасының тірегі. Ата, әжеміздің айтқанын ұғып, оларды тыңдауымыз керек.

-Біз отбасындағы тәрбиені бірінші кімнен аламыз?

-Қазақта «Әке көрген оқ жонар, шеше көрген тон пішер» деген мақал бар. Яғни бізді туғаннан бастап әкеміз бен анамыз бізді аялап өсіреді, тәрбиелейді.

-Отбасындағы адамдар бір-бірімен қандай болуы керек?

-Дұрыс айтасыңдар, үлкенге құрмет, кішіге ізет көрсетуіміз керек.

Сөздік жұмыс: Тату-тәтті

Бұл сөздің мағынасын балаларға түсіндіру.

Тату-тәтті деген бір-бірін ренжітпей, тез түсініп, ұйып отырған отбасын айтуға болады. (ақырын дауыспен, орташа дауыспен, қатты дауыспен) айтқызу.

-Жыл сайын 8 қыркүйек күні қандай мерекені атап өтеміз?

-Бұл мерекені қалай атап өтеді?

-Бұл мерекені отбасы мүшелері бірге атап өтеді. Олар бір-біріне қуаныш, көтеріңкі-көңіл күй сыйлайды.

Кәне балалар, отбасы мүшелерін үш тілде атап айтайықшы.

Слайд 2

Слайд арқылы көрсету.

Үштілділік: Әке-папа- father, ана-мама- mother, ата-дедушка- grandfather, әже-бабушка- grandmother, аға-брат-brother, әпке-сестра-sister.

Видео1

-Шаршыдыңдар ма, балалар?

-Кәне орнымыздан тұрып сергіту сәтін жасап алайық.

-Сергіту сәтіміз «Бармақтар отбасы» деп аталады.

Сергіту сәті.

«Бармақтар отбасы»

Бармақ әке, бармақ әке қайдасың?

Мындамын осында.

Қалың қалай?