Отбасының жылуы тақырыбындағы ашық сабақ, 6 сынып

Өзін-өзі тану пәнінің сабақ жоспары

Мектебі:№1Жамбыл атындағы орта мектебі

Күні: №: 17 сабақ

Тақырыбы: Отбасының жылуы

Құндылығы:Сүйіспеншелік

Қасиеттері: Адамдарға риясыз қызмет жасау, шынайылық, жанашырлық Мұғалімі: Сайлауова А.О Сыныбы: 6 Ә Оқушылардың саны:

Мақсаты: Оқушыларға отбасылық құндылықтар туралы түсінік бере отырып, сүйіспеншілік құндылығының мәнін ашу

Міндеттері:

Оқушыларға адамдарға риясыз қызмет жасаудың маңыздылығы туралы түсіндіру.

Оқушылардағы шынайылық қасиеттерін дамыту.

Оқушыларды айналасындағы адамдарға, жанашыр болуға тәрбиелеу.

Ресурстар:

оқулық, дәптер, мақал-мәтел, дәйексөз,

Сабақтың барысы:

І.Ұйымдастыру кезеңі.Сәлемдесу. Оқушыларды түгендеу.

5 Т – ережесі

Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік

Тыныштық сәті. Су асты патшалығына ойша саяхат.

Көзіңізді жұмыңыз және бірнеше рет терең тыныстаңыз; денеңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағаланың шуына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

5Т – ережесі бойынша топқа бөлу

Баяу әуен қосылып тұрады

2. Үй тапсырмасын тексеру.

№17 сабақ, «Ата - анам ізгі адамдар» мәтінін оқып келу.

Сұрақтар:

Ата – ананың бойындағы қандай ізгі қасиеттер ерекше сүйсіндірді?

Ата – ананың рөлі туралы әңгімелеп беріңдер.

Автор қандай құндылықты бойына сіңіріп өсті деп ойлайсыңдар?

Ата – ана мен Отан алдыңдағы парызды қалай түсінесіңдер?

Оқып келген мәліметті

"Зымыран сұрақтар " арқылы тексеріледі.

3. Дәйексөзден қандай ой түйдіңіз?

Әке-шешенің өтірігі бала жүрегін суындыра береді. Бір кезде ол өтірікті бала да айтады.

Ғабит Махмұтұлы Мүсірепов