Ою-өрнек туралы түсінік ашық сабақ

Тақырыбы : Ою-өрнек туралы түсінік

Сабақтың мақсаты : ұлттық қолөнерді меңгере отырып,ою-өрнектің,кестенің,құрақтың қолдануы мен қағаздан жасалатын бұйымдардың орындалу әдістерін үйрету.

Оқушылардың еңбек пәніне қызығушылықтарын арттыру.ою-өрнек,кесте,құрақ,қағаздан жасалатын бұйымдар туралыалған білімдерін жетілдіру.

Оқушылардың еңбек ету іскерлігін қалыптастыру,шеберлікке,тындырымдылыққа,шыдамдылыққа,ұқыптылыққа тәрбиелеу.

Сабақтың түрі : аралас сабақ.

Сабаққа керек жабдықтар : қайшы,ине,жіп,түрлі-түсті қағаз.

Сабақтың көрнекілігі : ою үлгілері,буклет.

Пәнаралық байланыс : тарих,бейнелеу өнері,сызу,геометрия,математика.

САБАҚТЫҢ БАРЫСЫ :

Ұйымдастыру кезеңі :

а) Сабаққа оқушылардың қатысуы.

ә) Сабаққа қажетті заттардың толық әкелуін тексеріп шығу.

Жаңа сабақ :

Қолөнер құрақ-құрау,ою-өрнек,

Атты баптап,айыл тұрман,қамшы ермек.

Салт-дәстүрі ешкімге ұқсамаған,

Қазақтар ғой байлаған жіпті күрмеп.

Қазақтар қолөнерден кереметті,

Оюлап шыққан сырмақ пен текеметті.

Қазақ халқының көне дәірден өшпес мұрасы болып,ұрпақтан ұрпаққа өзіндік тарихымен,әдет-ғұрпымен,сәнді көркемдік жолымен елімізді бүкіл әлемге өзінің ерекшелігімен таныта білген қолөнері.Қолөнердің халықтың әлеуметтік салт-тұрмысында алатын орны қаншалықты биік,жоғары екеніне дәлел,оның ішінде қолөнерді нақышына келтірген-ою-өрнек.Ою-өрнектің тарауы қолөнер,тұрмыс заттарының өркендеуімен тығыз байланысты және солардың ішінен орын ала білді.Сонымен қатар,ою-өрнектің өркендеуіне ата-бабаларымыздың талғампыздық қасиеті,қоршаған табиғат аясы,туған жердің топырағы мен тоғай,шикізат байлықтары көп ықпал етті.Әр халыққа тән ою-өрнек негіздері қалыптасты Пішу,үлгі алу және басқа материалдарға көшіріп әсемдеу жолдары дамыды.Үй-жиһаздарына,киім-кешекте,ыдыс-аяқтарда,зергерлік бұйымдарға арналған ою түрлері қалыптасты.Олай болса,ою-өрнек біздің өмірімізге дайын күінде келмеген.Ұлттық ою-өрнектерді 4-топқа жатқызады.:

Жан-жануарлар тектес ою-өрнектер :

Қошқармүйіз-қазақ оюының ең көне түрі.Сырмақ,текемет,алаша,кілем,киіз,зергерлік бұйымдардың бәрінде кездеседі.

Гүл,жапырақ өсімдік тектес ою-өрнектер.

Гүл-барлық гүлдің бірдей бейнесін бейнелейтін өрнек.

Космогониялық ою-өрнектер.

Жұлдыз—аспандағы жыпырлаған жұлдыздардың табиғи қалпын бейнелейтін және бес жұлдыздың бейнесіне ұқсайтын өрнек.

Геометриялық ою-өрнектер.

Ботагөз-сыртқы пішіні ботаның көзіне ұқсап келетін ромбы тәрәзді өрнек.Тұмарша-үшбұрыш үлгілес болып келетін өрнек.Бұйымдардың жиектерін,ортасын көмкеруде кездеседі.

Сарамандық жұмыс :

Өткенді еске алып ойға толам,

Сұрыптап тезге салып,көп ойланам.

Ой түбіне жетеалмай титықтасам,

Қолыма қайшы алып,ою ойам – деп Б.Момышұлы атамыз айтқандай,бізде келесі сарамандық жұмыс бөліміне көшеміз.

Ақ қағаздан қайшымен қиып алған ою-өрнектің шаблонын жапсырма қағаз бетіне қойып,қарындаш арқылы ойып түсіреміз.Оқушылардың жапсырма қағаз бетіне түсірген ою-өрнектерін қайшымен қиып аламыз.Алынған оюды комартекстің бұрыштарына келтіріп,жапсырма қағазымызды жапсырамыз.