Оюдан ой түйген сыныптан тыс тәрбие сағаты

«Оюдан ой түйген» тақырыбындағы кездесу кешінің

сценарийі

Кездесу: сыр сұхбат Мақсаты:Ардагерлер жолын оқушыларға үлгі ету. Олардың әңгімесінің мәнін ұғына білуді, үлкендерді сыйлауды, құрметтеуді, атаның батасын, ананың алғысын ала білуді үйрету. Ерен еңбегі мен ел есінде қалған жерлестер есімін келешек ұрпаққа ұмыттырмау..

Мұғалім сөзі:-Иә,бұл поэзия падишасы Ф.Оңғарсынованың «Оюлар»өлеңі болатын

Армысыздар,құрметті де қадірлі қонақтар,ұстаздар,оқушылар!

Бүгін біздің Бейімбет атамыз атындағы үлкен білім шаңырағында кездесу кеші өтуде.

Бүгінгі сабағымыздың тақырыбы «Оюдан ой түйген» деп аталады.Сіздерге қош келдіңіздер дей отырып,ортадағы қонағымыз қазақ еліне өнерімен дараланып ,мақтанышымызға айналған,оюшы,қол өнер шебері,өлкетанушы,Әлемдік Шыңғысхан академиясының «Құрметті академигі»,Абылай ханның 300 жылдығына арналған халықаралық конференцияның «алтын медалінің»және «Қазына» сыйлығының екі мәрте иегері,Арқалық қаласының құрметті азаматы «Қазақтың ою-өрнектері», «Ою ой,өрнек сал», «Оюмен ой айтқан елміз», «Санаулы ғұмырымдағы саналы ойларым» атты кітаптардың авторы Байдилдин Шөптібай Байділдаұлы

кездесу кешімізге қош келдіңіз дегім келеді.

Мұғалім сөзі: Қазақ ою-өрнегінің өзіне тән даму жолы мен тарихы бар.Ол тарих сонау көне замандардан,сақ,андронов мәдениетіне басталады.Қазақ халқының ою-өрнек өнері байырғы ұлттық өнерлердің ішіндегі ең ежелгісі,әрі кең таралған саласы.Бұл ұлтымыздың мәдени дамуының шежіресі,адам жанына ләззат сыйлайтын эстетикалық мәні зор өнер.Өнер өлмейді ,өнер көнермейді,өнер жеміс ағаштың бұтағындай гүлдеп,жемістене береді. «Ою», «өрнек» сөздерінің мағанасы жайлы айтып, оюларыңыздың түрлерімен таныстырып өтсеңіз.

Оқушылар келген қонақтарға бірнеше сұрақтар қойады Мысалы төмендегідей

Осы ою-өрнектермен жұмыс жасауды қайдан үйрендіңіз

Қандай ою-өрнектерді көп қолданасыз

Сіздің ісіңізді жалғастырып жүрген балаңыз немесе шәкірттеріңіз бар ма

Сіздің өмірлік ұстанымыңыз

«Атамыздың ақ жолы » қонақ кәде жасау үшін Шөптібай атамыздан жас ұрпаққа бата сұрап, бүгінгі кездесуімізге жиналған көпшілікке өз тілегіңізді айтсаңыз дейміз.

Рахмет аға, қазақтың мұрасын,ою-өрнегін насихаттап жүрген еңбегіңіз еш болмасын дейміз отбасында қоғамымызға жарамды мығым тәрбие беру арқылы, мемлекетіміздің дамып-өркендеуіне өз үлесімізді қоса берейік.Қалың жұрттың қаймағы бұзылмай, қазақ отбасының шаңырағы шайқалмай, алтын күн аспанында елдік туымыз мәңгі желбіреп, асыл мұраттарға жетелеген айбынды үніміз асқақтай берсін!

Бүгінгі кездесу кешіне келген ағамызға рахмет айтамыз! Ой бөліскеніңізге рахмет !