Өзін-өзі тану әлеміне саяхат портфолиосы

Тақырыбы: «Өзін –өзі тану әлеміне саяхат»Мақсаты: «Өзін-өзі тану» әлемі туралы түсініктерін кеңейту.Міндеттері:

- адам бойындағы құнды қасиеттер туралы түсініктер беру;- жақсы істер жасай білу іскерліктерін дамыту;- өзара қамқорлыққа, сүйіспеншілікке, татулыққа тәрбиелеу.Көрнекі құралдар: Сара Назарбаеваның суреттері, дәйексөздер,слайд, бейнеролик, күн.

Мейірімділік, махаббат, қайырымдылық, адалдық - ақ жүректен шығады.

Шәкәрім Құдайбердиев

Барысы:

«Адамгершілік – асыл қасиет»

«Денсаулық – зор байлық»

«Өмірге құштарлық»

«Білім - ақиқат бастауы»

«Менің сүйікті ісім»

«Татулық – достық кепілі»

Мұғалім:

Өзіңді тану - ғаламды тану,

Жақсы менен жаманды тану.

Өзіңді-өзің талқыға салып,

Адал менен арамды тану.

Қателігіңді түсіне білу,

Дұрыс жүріп, күтіне білу.

Үлкенді сыйлап, кішіні сүю,

Күлетін жерде жөнімен күлу.

Сабақты оқып, тәртіпті болу,

Білімді жинап, дүниені шолу.

Өзіңді –өзің тану дегенің,

Өз мойындағы мінді жою!

Армысыздар құрметті ұстаздар, ата- аналар, оқушылар ! Бүгінгі 1-4 сыныптар арасында өткелі тұрған «Өзін –өзі тану әлеміне саяхат» атты сыныптан тыс шарамызға қош келдіңіздер! Бала – кең әлемдегі ең пәк, ең таза асыл жан. Оның ойының тазалығы, арының тазалығы оны қоршаған ортаға байланысты болмақ. Бала осы ортаны қалай қабылдап, танып білсе, оның алдынан кең әлемнің есігі де солай ашылмақ. Мектеп – білім ошағы, тәрбие ортасы, тағылым табалдырығы. Осы ұлағатты ұяда жоғары ізгілік мұраттардың ең құндысы руханилық – адамгершілік тәрбие берудің ошағы «Өзін-өзі тану» пәні десек қателеспейпіз. Пәннің әр тарауы, әр тақырыбы болашақ ұрпақтың бойында рухани адамгершілік қайнарын сіңіріп, мінез-құлқын тәрбиелеуге, жалпыадамзаттық құндылықтарды, адамгершілік принциптері мен мұраттарды ғұмыр бойы басшылыққа алатын тұлға қалыптастыруға негізделген.Бүгін біз «Өзін –өзі тану әлеміне саяхатқа шығамыз».Ол әлемде әр баланың жан дүниесін жан –жақты руһани байытып қана қоймай, өмірден сабақ алуға үйретеді. Ол Әлем: Адамгершілік, Жақсылық, Денсаулық, Достық, Өмірге құштарлық, адамның сүйікті ісі» сияқты керемет қасиеттерден тұрады. Бұл әлемде ән де бар, өлең де бар,көрініс те тамашалайсыздар.

Олай болса құндылықтар әлемінің бірі – адамгершілік атты әлемге саяхаттайық!

I.Адамгершілік – асыл қасиет

Адамгершілік – адам бойындағы ең асыл қасиеттердің бірі. Адамгершілігі мол адам қашанда өзгеге жақсылық жасаудан жалықпайды.

Сендер аман болыңдар жақсы адамдар,

Жақсы адамдар - бұзылмас тас қамалдар.

Табаныңның астында жатады әлі,

Пенделіктен өресі аспағандар.

Жақсы көрем сендерді жақсы адамдар,

Жүрегіңде өйткені тап- таза ар бар.

Сендер жайлы шырқалар асқақ ән бар,

Күйіп кетсін көре алмас бәтшағарлар.

Сендер аман болыңдар жақсы адамдар,

Қарап өтсін сендерге басқа жандар...

Ендеше «Әр күніңді жақсылық жасаумен өткізу» туралы бейнероликке назар аударайық.

2 сынып оқушыларының өлең шумақтарына кезек берейік.

Екі көзің не үшін керек? Жақсыларды көру үшін! Құлақ деген не үшін керек? Ақыл-кеңес тыңдау үшін! Екі қолың не үшін керек? Елге көмек беру үшін! Керемет, балалар! Өлең жолдарынан ұққанымыздай қолымызды көмектесу үшін жаратқан екен. Ендеше, біз де жақсы істерді жасауға ұмтылайық , сонда ғана тату, дос, қайырымды, қамқор, жақсы бала болып өсесіздер.

Ән: «Бала тілегі».

Орындайтындар: 2 сынып оқушылары Аружан мен Альбина

II. «Денсаулық – зор байлық»

Қазақ халқы бірінші байлық – денсаулық деп, денсаулықты бағалау керектігін баса айтқан. Ендеше келесі «Денсаулық» атты әлемге саяхаттымызды жалғастырамыз. Адамның ерте тұруы, дене шынықтыруы және өзіне ұнаған спорт түрімен айналысуы оған қуаныш, шаттық сыйлайды. Адамның спортпен үздіксіз шұғылдануынан, жеңіске жетуінен оның төзімділігін, табандылығын байқауға болады. «Сау дене, азат ақыл, адал көңіл, үшеуімен бақытты болады өмір» - деген халық мақалы тегін айтылмаған.