Өзін-өзі тану мен биологияның кіріктірілген сабақ жоспары

Өзiн-өзi тану мен биология пәнінің интеграцияланған

сабағының жоспары.

Мектеп:№11 орта мектеп Мерзiм: № 10 Тақырып: Қалқанша бездің құрылысы мен қызметі Құндылық:Дұрыс әрекет. Қасиеттер: Зиянды әдеттерден аулақ болу,ұқыптылық,әдепті болу. Мұғалiм: Дузбаева Ж.Б Сынып: 8 «А». Оқушылар саны: 20. Сабақтың мақсаты: Оқушыларға қалқанша бездің қызметін анықтауға үйрету. Сабақтың міндеттері: 1.Білімділік:Қалқанша бездің құрылысы, ағзадағы қызметі, адам өміріндегі рөлі туралы түсінік беру. 2.Дамытушылық: Дүниетанымдарын кеңейту,логикалық және аналитикалық ойлау қабілеттерін дамыту. 3.Тәрбиелік: Оқушыларды зиянды әдеттерден аулақ болуға, ұқыптылыққа , әдепті болуға тәрбиелеу. Балалар ережені есімізге түсіріп,сыныптың тәртібін сақтап,оқып білуге талаптанып,тыныштықты орнатып тазалықты сақтап,бүгінгі күнімізді татулықпен өткізейік

Ресурстар: (материалдар, көздері)

5Т –ережесі.

1.Тәртіп 2.Талап 3.Тыныштық 4.Тазалық 5.Татулық

Сабақтың барысы: Сыртқы интеграция (Өзін-өзі тану сабағының әдістемелік тәсілдерін қолдану)Тыныштық сәті.Су асты патшалығына ойша саяхат.Баяу әуен қойылады. (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз). Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз. Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз,

Ескерту

мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан- жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады). Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз. Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз. Рахмет! (Оқушылардан қандай сезімде болғандарын сұраймын.) 2.Ішкі интеграция (жа