Өзін-өзі тану пәніне арналған Мектебім тарихы мақаласы

БІЗДІҢ МЕКТЕП

Мектеп - білім ордасы,

Ұстаз - мектеп тұлғасы,

Шәкірт-өмір жалғасы.

«Мектеп»... Бұл таңғажайып балалар - елі. Бұл елдің басты тұрғындары балалар болып табылады. Балалар бізді өздерінің ғажайып елдеріне жетелейді, өздеріндей ерекше болуға үндейді. Сол үшін де оларға шексіз разымын.

«Мектеп» білім ордасы – жеке тұлғаның өзін-өзі дамытуы үшін жағдай жасайтын педагогикалық шеберхана. «Шәкірт – қан жүгіртетін тамыр емес, ұшқын шашатын алау. Ал алауды өзі де от боп жанатын адам ғана жағады»,– деген нақыл сөз – уақыт өткен сайын мәні тереңдей түсетін мағыналы сөз. Расында оқушыны жетістікке жеткеніне өзі де қуана алатын және жетістікке, таным қуанышына жол ашатын ұстаздар біздің мектебімізде тәлім береді.

Біздің мектеп ҚАЗЫҒҰРТ баурайында,ҰЛЫ ЖІБЕК ЖОЛЫ бойында Қызылқия ауыл әкімшілігі орналасқан.Қызылқия ауылында типтік үлгіде 1973 жылы қайта салынған 85 жылдық тарихы бар «КОМСОМОЛ» жалпы орта мектебі. Мектеп ұстаздары – ең тұрақты, төзімді, шынайы, жауапкершілігі мол, ең мейірімді, ең қызықты және жарқын адамдар болып табылады.

«Комсомол» орталау мектебі 1967 жылы орта мектепке айналды.

Алғашқы директор Иса Телікбаев мектепті 1962-1964 жылдар аралығында басқарды.

Айдар Тасбалтаев 1964-1967 жылдар аралығында мектептің директорлық қызметін атқарды.

1967-1973 жылдар аралығында Иосиф Шнейдер мектептке басшылық жасады.Мектеп орыс-қазақ аралас мектебі болды.

1973-1982 жылдар аралығында мектеп директоры болып Сахов Ұшан Сақұлы қызмет жасады.

1982-1992 жылдар аралығында Оразов Ақжарбай атамыз директорлық қызметті атқарды.

1992-2006 жылдар аралығында мектептің директорлық қызметін Бижанова Ардақ апайымыз атқарды.

2006-2012 жылдар аралығында Абдиллаев Бауыржан ағай қызмет жасады.

2012-2014 жылдар арасында мектептің директорлық қызметін Жамалов Мұрат Сарыбайұлы атқарды.

Бүгінгі таңда мектебіміздің директоры Турдалиева Бағила Ашірбекқызы.

Кадр құрамы

Мектепте 2016-2017 оқу жылында-858 оқушы 39 сыныпта, 2017-2018 оқу жылының басында 1-11 сыныптарда 883 оқушы 41 сыныпта, 2018-2019 оқу жылында -877 оқушы 40 сыныпта ақысыз негізде білім алуда. Кадрлардың сапалық және сандық құрамы: Қазақстан Республикасы Үкіметінің 2008 жылғы 30 қаңтардағы №77 қаулысымен бекітілген «Мемлекеттік білім беру ұйымдары қызметкерлерінің үлгі штаттарына» сәйкес білім беру ұйымының штаттық кестесі бойынша 1 штат бірлік мектеп директоры, 2,5 штат бірлік директордың оқу ісі жөніндегі орынбасары, 2 штат бірлік директордың тәрбие ісі жөніндегі орынбасары, 1 штат бірлік директордың шаруашылық істері жөніндегі орынбасары, 1 штат директордың бейіндік оқыту бойынша орынбасары, 2 штат бірлік педагог-психолог, 2 штат бірлік әлеуметтік педагог, 2 штат бірлік қосымша білім беру педагогы, 2 штат ұйымдастырушы педагог, 1 штат бірлік тәлімгер, 1 штат бірлік АӘД жетекшісі, 2 штат бірлік кітапханашы, 1 штат бірлік іс жүргізуші, 1,5 штат бірлік медбике лауазымдары белгіленген. Барлық штаттық бірліктер сынып жиынтықтарының санына қарай толықтырылған.Барлық мұғалімдер өз мамандығы бойынша жұмыс атқаруда.

2018-2019 оқу жылында мектепте 144 педагог қызмет жасайды. Оның ішінде жоғары білімді – 141 , арнаулы орта білімді – 3.

Педагогкалық кадр

Оқу жылы

Жалпы мұғалім саны

Жоғары білімді

Арнаулы орта

Жоғары санат

І санат

ІІ санат

Санатсыз

Мектеп бойынша мұғалімдердің орташа сағат жүктемесі 2018-2019 оқу жылында-14,3 сағатты құрайды.

Педагог қызметкерлердің орта жасы: 42 жас.

Мектепте Білім терең теңіз бе,

Білім, еңбек егізбе?

Рухани азығым-осы екеуі деңіз де,-

Дейді атам білімді

Еңбекпенен сен ізде! – дей келе қазіргі уақытта мектебіміздің директоры Турдалиева Бағила Ашірбекқызы Елбасымыз Н.Ә.Назарбаевтың «Өмір бойы білім алу - әрбір қазақстандықтың өмірлік кредосына айналу қажет» - деген үндеуін негізге ала отырып,

«Мектеп табалдырығынан аттаған оқушылардың табысты оқып, жоғары нәтижелерге қол жеткізуін қамтамассыз ету және оқыту туралы ортақ ұстаным қалыптастыру мақсатында жұмыс жасайды.

Осы орайда, мектеп мұғалімдерімен бірлесе отырып, оқу ісі меңгерушілері Ермекбаева Роза Ергешбайқызы, Шепетова Анар Мұсақызы және бастауыш сыныптар бойынша оқу ісінің меңгерушісі Бейсебаева Сауле апайларымыз орасан зор еңбек етуде.