Өзін-өзі тану пәнінен сабақ жоспарлары жинағы

«Өзін-өзі тану» сабағының жоспары

Мектеп:«Қ. Мұқашев атындағы орта мектеп, МДШО» КММ

Мерзiм: .2018__№ 7

Мұғалiм: Оспанова Гүлім Молболдықызы

Сынып:3 Оқушылар саны:___________

Тақырып: Оқу – менің еңбегім

Құндылық:Ақиқат

Қасиеттер:Ізденімпаздық, еңбекқорлық, қызығушылық

Сабақ мақсаты: Оқушыларға оқудың адам өміріндегі маңызын ұғындыру арқылы ақиқат құндылығының мәнін ашу.

Сабақ міндеттері:

1.Оқушыларға оқудың қажырлы еңбек екендігін ұғындыра ұғындыра отырып, ізденімпаздық қасиеті туралы түсінік беру.

2.Оқушыларды оқуға құштарлыққабаулу арқылы еңбекқорлық қасиетіне үйрету.

3. Оқушыларды өнер-білімге қызығушылыққа тәрбиелеу;

Ресурстары: оқулық, дәптер, бейнефильм.

Сабақтың барысы:

І. Ұйымдастыру кезеңі.

Су асты патшалығына ойша саяхат.

(Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Ескертулер

ІІ. Үй тапсырмасын тексеру.

Балалар өткен тақырыпты есімізге түсірейікші.

Ыбырай Алтынсариннің «Кел, балалар, оқылық!» өлеңді мәнерлеп оқу.

3сынып «Өзін –өзі тану» оқулығы дәптері -бет

ІІІ. Дәйексөз

«Оқу-инемен құдық қазғандай»

Мақал

Оқушылар дәйексөзді дәптерге жазып, мағынасын ашып, өз ойларымен жеткізеді.

Нақыл сөз

ІV. Әңгімелеу

Мұғалім сыйы.Әңгімелеу

Білім мен байлық

Білім мен байлықтың қайсысын таңдарын білмей жол айырығында жасөспірім бір ғұламаға келіп ақыл сұраған екен.Сонда ғұлама білімнің артықтығын әр түрлі дәлелмен дәлелдепті.

Білім – даналардан қалған мирас, білім сені бағады, байлықты сен бағасың. Білім досыңды көбейтеді, ал байлық дұшпанды көбейтеді. Білім іздеген сайын көбейе, молая береді, жұмсағанмен азаймайды, ал байлық жұмсасаң азаяды, кемиді, жойылады.

Білімің көп болса, ел сені құрметтейді, ал байлығың мол болса қызғанады. Білімге есеп -қисап жүргізбейсің, ал байлығыңды күнде есептеп отыру қажет.Білім қаншама көп болғанымен іріп – шірімейді, бүлінбейді, ал байлық бір жұттық, өледі, жоғалады.

Білім жан дүниеңді байытады, ал байлық қиялыңды, көзқарасыңды шектейді, тура жолдан тайдырады.

Білімді адам мәдениетті, әдепті, адамгершілікті болады, ал байлығы мол адам мақтанады, әркімге астамшылық көрсетеді.

Сұрақтар

1.Білім мен байлық туралы қандай ой түйдіңдер?

2. Неліктен?

3.Өздерің қандай кітаптар оқып жүрсіңдер?

Аңыз әңгіме

V. Шығармашылық жұмыс, топпен жұмыс

Тапсырма.

/ «Сыни тұрғыдан ойлау» технологиясы бойынша «Қос жазба күнделігі» стратегиясы арқылы балалар мәтін мазмұнын талдай отырып, өздігінен меңгеруге, пайымдауға, ойларын, түсінігін жария етуге үйренеді./

Оқулықтағы 1-2 -3 тапсырманы жұмыс дәптерге орындайды.

Дәптер,

түрлі- түсті қарындаштар

VІ. Топпен ән айту

«Мен әдепті баламын» әні

Мені үлкендер әдепті деп мақтайды,

Мінезімнен теріс қылық таппайды.

Ал егер сен жалқау болсаң тілазар,

Ондай әдет жақсылыққа жатпайды.

Қ-сы: Айтқан тілді аламын,Айтқан жерге барамын,

Мен әдепті,мен әдепті баламын.

Қарсы алдынан кесіп өтпей көлденең,

Қашанда мен үлкендерге жол берем.

Абайсызда қалса біреу сүрініп.

Мен сүйеніш боп әрқашан қол берем.

С:А.Асылбеков Ә:И.Нүсіпбаев

VІІ. Үй тапсырмасы

Сапарғали Бегалин «Шоқан асулары» әңгімесін оқу.

Өзін – өзі тану оқулығы - бет

VІІІ. Соңғы тыныштық сәті. (музыкамен) (2 минут) Тыныштық, тыныштық, тыныштық ...бар елде. Тыныштық, тыныштық, тыныштық...бүкіл әлемде.

Сабақтың қорытынды сәті:

1.Бүгінгі сабақтан қандай әсер алдыңдар?

2.Бүгінгі сабақтан не түйдік?

Тексерілді:______________

Өзін-өзі тану» сабағының жоспары

Мектеп:«Қ. Мұқашев атындағы орта мектеп, МДШО» КММ

Мерзiм: .2018__№7

Мұғалiм: Оспанова Гүлім Молболдықызы

Сынып: 6 Оқушылар саны:___________

Тақырып: Әсемдікке талпыныс

Құндылық:Дұрыс әрекет

Қасиеттер: Сұлулық, ішкі сұлулық, талғампаздық

Сабақ мақсаты: Оқушылардың адамның сұлулығы, жан сұлулығы туралы түсініктерін кеңейту арқылы дұрыс әрекет құндылығының мәнін ашу.

Сабақ міндеттері:

1. Оқушыларға сұлулық, адамның ішкі және сыртқы сұлулығы ұғымдарының мәнін ашу.

2. Оқушылар балалардың шын мәніндегі сұлу адам болуға ұмтылысын дамыту.

3. Оқушыларды сұлулықты, әсемдікті сезініп, бағалай білуге тәрбиелеу;

Ресурстары: оқулық, дәптер, бейнефильм.

Сабақтың барысы:

І. Ұйымдастыру кезеңі.

Нұрға бөлену.

Ыңғайланып отырыңыздар,денелеріңізді түзу ұстаңыздар.Аяқ- қолыңызды айқастырмаңыз.Қолыңызды тізеңізге немесе үстелге қоюға болады.Көздеріңізді жұмуларыңызды өтінемін.Елестетіп көріңіз:Күн нұры сіздің төбеңізден өтіп, кеудеңізге қарай бойлап барады.кеудеңіздің орта тұсында гүл түйнегі орналасқан.Гүлдің түйнегі нұрдан баяу ашылып келеді.Балғын және таза әсем гүл сіздің әр ойыңызды,әр сезіміңізді, эмоцияңыз бен тілек -қалауыңызды шайып,жүрегіңіздің қауызын ашты.

Нұр сәулесі сіздің бойыңызға ақырын тарай бастағанын еслестетіңіз.Ол біртіндеп күшейе тусуде,оймен осы нұрды қолдарыңызға түсіріңіз.Сіздің қолдарыңыз нұрға бөленіп,сәуле шашуда.Қолымыз тек жақсы,ізгі істер істейді және баршаға көмектеседі.Нұр аяқтарыңызға тарады.Аяқтарыңыз нұр сәулесін шашуда.Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.Одан әрі нұр сіздің ауызыңызға,тіліңізге тарады.Тіліңіз тек шындықты және жақсы,ізгі сөздер ғана айтады.Нұрды құлақтарыңызға бағыттаңыз,құлақтарыңыз тек жақсы сөз бен әсем әуенді ғана естиді.Нұр көздерімізге де жетті,көзіміз тек жақсыға қарап,бәрінен жақсылықты ғана көреді.Сіздің басыңыз түгелдей нұрға бөленіп,басыңызға тек ізгі,сәулелі ой келеді.Нұр бірте- бірте қарқынмен шұғылана бастайды,сіздің денеңізден шығып,жан – жағыңызғасәуле шашады.Осы нұрды туысқандарыңызға,мұғалімдеріңізге,достарыңызға,таныстарыңызға бағыттаңыз.Нұрды уақытша түсініспей,ренжісіп журген адамдарға да бағыттаңыз,олардың да жүрегі нұрға толсын.Осы нұр бүкіл әлемге:барлық адамдарға,жан- жануарларға,өсімдіктерге,барлық тірі жанға таралсын...Ғаламның барлық түпкір түпкіріне нұр бағыттаңыз.Ойша айтыңыз: “Мен нұрлымын...Нұр менің

Осындай Нұр, махаббат және тыныштық күйінде отыра тұрыңыз...