Өзін-өзі тану сабағында жаңа әдіс-тәсілдерді қолдану

Жаңа технологиялық әдіс-тәсілдерді қолдану

Өзін-өзі тану пән мұғалімі: Журжаева М.Қ.

Адам бойындағы керемет қасиет, асыл қазына – ақыл, ой және сананың сапалылығымен өлшенеді. Адамның болашағы оның қазіргі алған білімінің сапасының көлеміне, ойлау деңгейіне байланысты.

В.Л.Сухомлинскийдің айтуы бойынша бала өз күшіне деген сенімін ешқашан жоғалтпауы, өзінің қолынан еш нәрсе келмейтінін сезінбейтін болуы тәрбиешінің педагогтік көрегендігі болып табылады. Әрбір жұмыс оқушы үшін аз да болса алға қарай ілгерілеу болуы қажет. Оған жетер басты жол – оқушының кемшілік тұсын дер кезінде білу, жұмыс жүргізу, педагогикалық технологияларды қолданудың маңызы зор.

Педагогикалық технология дегеніміз – тәжірибеде жүзеге асырылатын белгілі бір педагогикалық жүйенің жобасы.

Дамыта оқыту технологиясы бұл технология, біріншіден, дамыта оқыту идеясын жүзеге асыруға мүмкіндік береді. Нәтижесінде әр оқушының өзін-өзі өзгертуші субъект дәрежесінде көтерілуі көзделіп, оқыту барысында соған лайық жағдайлар жасалады. Оқушының ойлауын, елестету мен еске сақтауын, ынтасын, белсенділігін, дағдысын, білім сапасының дамуын қамтамасыз етеді.

Деңгейлік оқыту технологиясы оқушының да, мұғалімнің де шығармашылық қызметін дамытуға бағытталған. Бұл технологияда барлық оқушы өз қызметін ең төмендегі деңгейдегі тапсырманы орындаудан бастайды, тапсырманы орындауына сәйкес келесі деңгейге көшіп отырады.

Бұл бір жағынан оқушылар арасында жарысу жағдайын туғызса, екінші жағынан әр оқушының қалыптық деңгейінде білім алуына кепілдік береді. Үшіншіден, бұл оқушылар өз қызметіне сәйкес биікке дейін көтерілуіне толық жағдай жасайды. Жоғары көтерілген шағын топтар өзара ақылдасып, қауымдасып тапсырманы орындауға құқылы.

Модульдік оқыту білім мазмұны, білімді игеру қарқыны, өз бетінше жұмыс істей алу мүмкіндігі, оқудың әдісі мен тәсілдері бойынша оқытудың дербестігін қамтамасыз етеді.

Модульдік оқытудың басқа технологиялардан ерекшелігі мен айырмашылығы:

1. Оқу мазмұнының меңгерілуі қойылған мақсатқа сәйкес жүзеге асатын жекеленген кешендер түрінде ұсынылады. Мақсат оқушы үшін қойылып, онда тек оқылатын мазмұн көлемі ғана көрсетіліп қоймай, оны меңгеру деңгейі де анықталады.

2. Мұғалімнің оқушылармен қарым-қатынас түрі өзгереді. Ол модульдер арқылы, басқарушы мен бағынушы арасындағы жеке қарым-қатынас үдерісі арқылы жүзеге асады.

3. Оқушы көп уақытында өз бетінше жұмыс атқарады, ол мақсат қоюға, өзін жоспарлауға, өзін ұйымдастыруға, өзін бағалауға үйренеді. Модульдік оқытудың мақсаты оқушының өз бетінше жұмыс істей алу мүмкіндігін дамыту, оқу материалын өңдеудің жекелеген тәсілдері арқылы жұмыс істей білуге үйрету болып табылады. Мұғалім тапсырмаларды дайындағанда оқушыларды оқу мақсатына бағыттайды, оның қабылдауына жағдай жасайды, балалардың өзін-өзі бақылау және бағалау жүйесін анықтайды.

Ойын технологиясы: