Тарих сабағында жаңа әдіс-тәсілдерді қолдану мақаласы

Тарих сабағында оқыту мен оқудағы жаңа әдіс-тәсілдерді қолдану маңыздылығы

«Ұстаздық еткен жалықпас, үйретуден балаға» деп ұлы Абай атамыз айтқан осынау қастерлі мамандықтың иесі атанғаныма 5 жылдан аса уақыт болды. Қиыны мен жеңілі, қызығы мен қуанышы мол болған еңбек жолындағы педагогикалық ұстанымым - үнемі жаңалыққа ұмтылып, алдыңғы қатардан көріну және әр оқушының бойынан жақсылық тауып, бұлақтың көзін ашу арқылы биік мақсаттарға жетелеу.

Осындай жаһандану заманында тұспа-тұс келген біздің шәкірттеріміздің бойында ұлттық рухымызды сіңіріп, тілі мен дінін, ділін берік ұстанған ұрпақ оқыту, тәрбиелеу барысында мұғалімнің мойнына жүктелетін міндет зор. Менің педагог ретіндегі басты ұстанымым - өз ұлтыма рухани діңгегі мықты, қазақ елін әлемдік кеңістікке еркін самғата алатындай, білім мен тәрбие деп аталатын қос қанатын қомдаған заманына сай ұрпақ тәрбиелеуге өз үлесімді қосу.

Мен ғаламтор кеңістігінен хабар алып, сабақтардың қалай өту барысын көріп, өзге ұстаздардан ақыл-кеңес алып отырамын. ustaz.kz sabak.kz, bilimland т.б. көптеген сайттарға кіріп тұрамын.

Жаңартылған білім беру бағдарламасындағы сабақты жоспарлау дағдыларын дамыту, белсенді оқыту әдіс-тәсілдерінің сабақ кезеңдерінде тиімді қолдану қажеттілігін түсіндіру болып табылады.Тарих пәнін оқыту барысында оқушыларды танымдық тапсырмаларды орындау мүмкіндіктеріне қарай топтарға бөліп, сәйкес жұмыс түрлерін таңдап, жүйелі жұмыс жүргізудің маңызы зор; — сабақтың жақсы жоспарлануы, оқу мақсаттарының нақты белгіленуі;— оқытудың мазмұнды, жаңалыққа толы және мақсатқа бағытталуы;— оқушыларға сабақтың ұнауы және олардың өздерінің білім алуына қызығуы;— оқушылардың табыс критерийлеріне қол жеткізуі;— оқыту үшін бағалауды тиімді қолдану;— сабақта жоғары деңгейлі ашық сұрақтарды қолдану Тәжірибеде көрсеткендей күнделікті сабағыма қарағанда,

жаңа -әдіс тәсілдерді пайдалана өткен сабағымдағы оқушының белсенді іс -әрекетін , қызығушылығын байқадым. Тарих сабағында оқушы шығармашылығын дамыту тарихи көркем әдебиеттерге жол сілтеу болып табылады . Қазіргі таңда ғылыми негізде және жаңа зерттеушілік бағытта құрастырылған электронды оқулықтарды тиімді пайдалану оқушының пәнге қызығушылығына жол ашады .Мен осы бағытта өз қолданысымдағы тақырыптық бірнеше электронды оқулықтарды-«Қазақстандағы ауыл шаруашылығын ұжымдастыру», « Индустрияландыру жылдарындағы Қазақстан», «Зиялы қауымды жаппай қудалау», «Ұлы Отан соғысы жылдарындағы Қазақстан» тақырыптарына тоқталғам. Бейнекөрсетілім арқылы «Түртіп алу» «Кинометафора» әдістері бойынша сыныптағы оқушылар бір –бірін қайталамай сабақ тақырыбына сай пікірін айтып,тақырыпты түсіне алады .

Сабақ барысындағы белсенді оқыту әдістерім: «Ұтқыр сұрақ, ұтымды жауап» «Зымыран сұрақтар», «Қораптағы сұрақ» әдістері арқылы оқушылардың белсенділігін арттыру,жылдам шешім қабылдау дағдысын қалыптастыру.Барлық оқушыларды оқу үдерісіне қатыстыру үшін осындай белсенді әдістерді қолданамын. Сондай –ақ іс- тәжірибемде сабақ барысында кеңінен қолданатын тиімді әдіс- тәсілдердің бірі, ол «Сыртқы және ішкі шеңбер әдісі» уақыт үнемдеуге өте тиімді. Үй тапсырмасын тексеруде 4-5 минут уақыт жұмсауға болады.Алға қойылған оқу мақсатына қол жеткізуге жоспарланған сабақ тиімді өту үшін барлық ресурстарды топтық жұптық жекелей жұмыстарға сай ұйымдастырамын. Сонымен қатар «Үштік» әдіс(Ойлан,жұптас, бөліс), «Үшбұрыш», «Бетпе –бет» әдістері арқылы Екі оқушы бір-бірімен тақырып бойынша сұхбат құрады.