Өзін-өзі танудан көрнекі слайдтар жинағы 1 сынып

Тақырыбы: Сүйіспеншілік сый талап етпейді

Құндылығы: Сүйіспеншілік

Қасиеттері: бәрін жақсы көру; отбасындағы сүйіспеншілік; жан-жануарларды жақсы көру; бауырмалдық.

Мақсаты: Оқушыларға сүйіспеншілікпен өмір сүрудің маңыздылығын жеткізу арқылы сүйіспеншілік құндылығының мәнін ашу

Міндеттері:

1. Білімділік: Оқушыларға сүйіспеншілік сый талап етпейтінін түсіндіре отырып, айналасындағы бәрін жақсы көруге үйрету.

2. Дамытушылық: Оқушылар бойындағы бауырмалдық қасиеттерін дамыту.

3. Тәрбиелік: Оқушыларды отбасындағы адамдарды сүюге, жан – жануарларды жақсы көруге тәрбиелеу.

Үй тапсырмасын тексеру.

№8 – сабақ. «Мейірбан әйел» мәтінін үлкендердің көмегімен оқып келу .

Сұрақтар:

1. Мейірбандық іске қандай қасиеттері жетелейді?

2. Осындай жағдайларда қандай адамдар көмек қолын созады деп ойлайсыңдар?

3. Сендердің өмірлеріңде риясыз сүйіспеншілік көрсеткен адамдар болды ма?

Сабақтың дәйексөзі.

« Сүйіспеншілік -жүректе»

Нақыл сөз

Сұрақтар :

1. Адамдар неліктен сүйіспеншілікті жүрекпен байланыстырады?

2. Дәйексөзден қандай ой түйдіңіз?

Шығармашылық іс - әрекет, топтық тапсырма .

Оқушылар төрт топқа бөлінеді.

Тапсырма : Риясыз сүйіспеншіікті білдіретін іс – әрекеттерді сахналап көрсетіңдер.

Мұғалім сыйы.

Нағыз ана

Сұрақтар :

1. Тастанды күшікті өзінің бауырына басып, емізіп өсірген мысықтың әрекетін қалай бағалайсыңдар?

2. Кішкене күшіктің иттің арбауына ілінбеуіне не себеп болды деп ойлайсыңдар?

3. Мысық пен күшіктің арасындағы сүйіспеншілік адамдар арасындағы сүйіспеншілікке ұқсай ма? Қалайша?

4. Өздеріңе қамқорлық көрсеткен адамдардың барлығына сүйіспеншілікпен қарайсыңдар ма? Әңгімелеп беріңдер.

БАЛА ТІЛЕГІ

Сөзі С.Молдасанұлынікі

Әні Ф. Жолдасованікі

Бал-балалық, балдырған шақ сан арман,

Барлық бала армандауға жаралған .

Кел , достарым , әндетіңдер , билеңдер ,

Гүлденсін деп атамекен қара орман . (2 рет .)

Болашақтың иесіміз бәріміз ,

Туған жердің түрлендірер нәріміз .

Алтын бесік – ұлан - байтақ елімде ,

Жарқын болсын шырқап айтар әніміз . (2 рет .)

Қалықтаған көгершіні көгінде ,

Мұңаймасын ешбір бала елімде .

Ата берген батаменен көркейсін ,

Ұлы Отаным , тілегім сол менің де. (2 рет .)

№9 – сабақ. «Атбасы татулығы» аңыз әңгімені үлкендердің көмегімен оқып келу.