Өзіңді және басқаларды құрметтеуді үйренеміз, 2-сынып

Өзiн-өзi тану сабағының жоспары

Мерзімі:

Мектеп: Екпетал мектеп балабақшасы

Мұғалім: Күзембаева Л

Сынып: 2 Оқушылар саны : 8

Тақырыбы: Өзіңді және басқаларды құрметтеуді үйренеміз.

Құндылық: дұрыс әрекет.

Қасиеттері: шындықты айту,ата-ананы және үлкендерді сыйлау,тіл алғыш болу

Сабақ мақсаты: Өзіңді және басқаларды құрметтеуді дұрыс әрекет құндылығы арқылы түсіндіру.

Міндеттері: - оқушыларды шындықты айтуға үйрету.

- ата-ананы және үлкендерді сыйлауға дағдыландыру

- оқушыларды тіл алғыш болуға тәрбиелеу.

Ресурстар:

оқулық, дәптер

(аудио,видео жазбалар)

Сабақ барысы:

1.Ұйымдастыру кезеңi: Сәлемдесу. 5Т ережесін есте ұстау

Тыныштық сәті. ОРМАНҒА ОЙША СЕРУЕН.

(Ескерту: егер бұл сабақ ашық алаңда өткізілсе, онда серуенді сыныпта емес, бақтағы бір орыннан бастау керек).

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Сабақ барысын талдау:

2. Үй тапсырмасы

56-бет. «Қайырымдылық» аңыз оқып келіп, мазмұнын айту.

Қырандардың бойынан қандай қасиетті байқадыңдар?

 Неліктен қыран ана «Құрмет пен сыйластықты ешкім күшпен алмайды» деді?

 Қыран құсты қандай адамдарға теңеуге болады? Неліктен?

 Адамға қайырымдылық жасау не үшін керек деп ойлайсыңдар?

3.Дәйексөз.

Біреуді артық, біреуді кем санамай, Жұрттың бәрін құрметтей біл.

Лұқман Хакім

2-рет ұлдарға, 2- рет қыздарға айтқызу. Бәріміз қосылып айту.

Дәптерге жаздыру

4.Әңгiмелеу. Мұғалімнің сыйы.

Мақтаншақ жолбарыс (ертегі)

Ертеде бір жолбарыс болыпты. Ол әрқашан: «Мен күштімін, ештеңеден қорықпаймын», - деп мақтанады екен. Ол бір күні кетіп бара жатып, гүлге қонып сайрап отырған бұлбұлды көреді, де менің бағыда ешкім сайрамайды деп айқайлайды.

Бұлбұл жалынып біраз сайрасам қайтеді деп өтінеді.