Өзіңді және басқаларды құрметтеуді үйренеміз 2 сынып

Өзін-өзі тану сабағының жоспары

Мектеп: М.Өтемісұлы Мерзiмі:21.01.2019 № 18сабақ

Тақырып: Өзіңді және басқаларды құрметтеуді үйренеміз

Құндылық: Сүйіспеншілік

Қасиеттер: Мейірімділік, кеңпейілділік, қайырымдылық

Мұғалiм: Ж.Исмаилов

Cыныбы: 2 «Ә» Оқушылар саны

Сабақ мақсаты:

Оқушыларға өзін және өзгелерді құрметтей білудің сүйіспеншілік құндылығына негізделетінін ұғындыру.

Міндеттері:

Оқушыларды өзін және өзгелерді құрметтей білуге үйрету;

Кеңпейілділік, қайырымдылық, қасиеттерін дамыту;

Мейірімділікке, кеңпейілділікке, қайырымдылыққа тәрбиелеу.

Ресурстар: (құралдар, мәліметтер)

Кітап, дәптер, үнтаспа, ақ қағаздар, нақыл сөздер,

Сабақ барысы:

Ұйымдастыру кезеңi.

Сәлемдесу, оқушылардың көңіл - күйін сұрау, сабаққа қатысуды тексеру. Бес «Т» тәртіп,талап,тыныштық,тазалық,татулық ережесімен таңыстыру.

Жағымды күйге келу.

Нұрға бөлену: Елесететіп көріңіз: .....

Үй тапсырмасын тексеру.

Немат Келімбетұлының «Менің әкем» атты әңгімесін оқып келу.

Ескертулер:

Дәйексөз.

«Біреуді артық, біреуді кем санамай, жұрттың бәрін құрметтей біл» - деген Лұқпан Хакімнің сөзі бүгінгі сабағымызға дәйексөз болады. Дәйексөзді алдымен мұғалім өзі дауыстап оқиды. Сосын балаларға дауыстап оқуды ұсынады. Келесі кезекте ұл балалар қайталап оқиды. Содан соң қыздар қайталап айтады. Оқушылардан дәйексөздің мағынасын қалай түсінетіндерін сұрайды. Оқушылардың жауаптарын тыңдаған соң, мұғалім балалардың жауаптарына сүйене отырып, өзі қорытынды жасайды.

Әңгiмелеу (сұхбат).

"Әңгімелесейік" айдарындағы мәтін-мазмұнының рухани-адамгершілік тереңдігін ашатын сұрақтар мен ұйымдастыра отырып, оқушылардың сабақтың құндылығы мен қасиеттерді дамытуға жағдай туғызады.

Әкесінің әрекеті қандай?

Әке неліктен өзгелерге қызмет етті?

Өздерің басқаларға жақсылық жасағанда қандай сезімде боласыңдар?

Өзіңе басқалардың жасаған жақсылығын есіңе түсіріп, айтып беріңдер?

Мұғалімнің сыйы «Аңыз айту»

Оқушылар өз ойымен бөліседі.

Шығармашылық іс-әрекет, топтық тапсырма.

2-тапсырма: Төменде берілген қасиеттердің қайсысын кеменің желкеніне, қайсысын судың түбіне жіберер едіңдер. Себебін түсіндіріңдер.

Сүйіспеншілік, дөрекілік, жанашырлық, қиянат жасамау, еңбекқорлық, сыйластық, әдепсіздік, мейірімділік, жауапкершілік, шыдамсыздық, сабырлылық, ұстамдылық, қамқорлық.

3- тапсырма: Жағдаятты оқып, сұрақтарға жауап беріңдер.

Дәптермен жұмыс

Дәптердегі тапсырмаларды орындау.

Топпен ән айту.

"Бақытты балалар әні"

Сөзі: Ғ. Мүсіреповтікі

Әні: И. Нүсіпбаевтікі

Үй тапсырмасы.

«Шіріген картоп» өсиет әңгімесін оқып келу.

Соңғы тыныштық сәті.