Өзіңді және басқаларды түсіне білу ашық сабағы

Тексерілді: _______________«____»__________________

Пән: Өзін – өзі тану

Мектебі: _№ 17_________

Күні: _13.12.2018 жыл____

Мұғалімі: Г.Латипова

Сыныбы: 3 а, ә

Оқушылардың саны:

Тақырыбы: Өзіңді және басқаларды түсіне білу

Құндылығы: Сүйіспеншілік

Қасиеттері: Бәрін жақсы көру, достық, татулық.

Мақсаты: Оқушыларға бәрі де сүйіспеншіліктен басталатынын түсіндіре отырып, сүйіспеншілік құндылығының мәнін ашу.

Міндеттері:

1. Білімділік: Оқушыларға айналадағы бәрін жақсы көру керектігін ұғындыру.

2. Дамытушылық: Оқушылар бойындағы достық қасиеттерін дамыту.

3. Тәрбиелік: Оқушыларды татулыққа тәрбиелеу.

Ресурстар:

(материалдар, дереккөздер)

1.bilim-all.kz

2.https://infourok.ru

Сабақтың барысы:

І. Ұйымдастыру кезеңі.

5Т-ережесі

1.Тәртіп

2.Талап

3.Тыныштық

4.Тазалық

5.Татулық

-Балалар ережені есімізге түсіріп, сыныптық тәртібін сақтап, оқып-білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті. «Мейрімділік алаңы»

Ыңғайланып отырыңдар, денелеріңізді түзу ұстаңыздар. Аяқ-қолдарыңызды айқастырмаңыздар, қолдарыңызды тізеге немесе үстелге қоюға болады. Көздеріңізді жұмуларыңызды өтінемін.

-Мен сендерді сиқырлы саяхатқа шақырамын. Біз бүгін мейрімділік алаңына саяхаттаймыз. Елестетіңіздерші сендер сиқырлы мейрімділік алаңына келе жатырсыңдар. Жарқырап күн сәулесі күлімдеп тұр. Тап-таза ауа. Алаңнан неше түрлі әсем үйлер көрінеді. «Қуаныш үйі», «Бақыт үйі», «Шуақты үйі», «Нәзік үйі», «Ғажайып үйі». Өздеріңе ұнаған үйге кіріңіздер. Өзімізге керекті қасиеттерді алып шығамыз. Барлығымыз сиқырлы алаңда кездестік. Мұндағы адамдарда өте мейрімді, әдепті, сабырлы. Олар бірін-бірі көргенде өте қуанышты, бір-біріне жақсы сөздер айтады.

Біз де іштей мен сабырлы боламын, айналама қуаныш сыйлаймын, адамдарға мейріммен қараймын деп іштей қайталайық.

Осындай жақсы көңіл-күймен сыныпқа ораламыз.

2. Үй тапсырмасын тексеру

1 №13 сабақ. 3-тапсырма «Сәлемдесе білемін» тақырыбында сахналық көрініс

Сұрақтар:

Адамдармен қалай амандасу керек?

Қандай жағдайда орныңнан тұрып, сәлемдесу керек?

Кім бірінші болып амандасу керек?

3.Дәйексөз

«Өзін тәрбиелей білмеген өзгеге өнеге көрсете алмайды»

Абай

Абай (Ибраһим) Құнанбайұлы (1845-1904) — ақын, ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер, либералды білімді исламға таяна отырып, орыс және еуропа мәдениетімен жақындасу арқылы қазақ мәдениетін жаңартуды көздеген реформатор. Абай ақындық шығармаларында қазақ халқының әлеуметтік, қоғамдық, моральдық мәселелерін арқау еткен.

Бірінші ұлдар хорға айтады, екінші қыздар хорға айтады, үшінші барлығы бірге айтады.

Сұрақтар:

Өзін-өзі тәрбиелеу дегенді қалай түсінесіңдер?

Сабақтан үйренгендеріңнің күнделікті өмірде кездескен кезі болды ма?

Дәйексөзден қандай ой түйдіңдер?

4.Мәтінмен жұмыс

Ш.Күмісбайұлының «Гүл» мәтінін оқып, мазмұнын айтады.

Асқар салтанатты мәжілістен не ұқты деп ойлайсыңдар?

Адамдарды қалайша қуантуға болады?

Өздерің 1-қыркүйек «Білім күнін» қалай сезінесіңдер?

Өзің басқаларды қуанту үшін не істей аласың?

Өз сыйлықтарыңды кімге ұсынар едіңдер?

5.Оқиға айту (Мұғалім сыйы)

Кешірімділік