Өзіне сенімді болу тақырыбындағы жаттығу, 4–9 сынып

Адам өзіңе қалай сенімді болады.

Өзіне сенімді адамдар өзгелерді тартады. Оларға мансапқа жету, қарым-қатынас орнату, орасан зор жоспар құру оңайға түседі. Өзіңе деген сенім пайда болу үшін не істеу керек?

Сымбат

Жақында жүргізілген зерттеулер адамның арқасының тік болуы өзін жоғары бағалаумен және өзіне сеніммен тікелей байланысты екенін растады. Тік тұрып, тік отыратын адамдар жағымды пікір туғызады. Сымбаттың жақсы болуы өзіңді еркін және сенімді болып сезінуге көмектеседі, адамның өзіне ұқыпты екенін, өзін бағалайтынын және аяғында нық тұрғанын білдіреді. Арқасын тік ұстап презентация жүргізіп жатқан жас қызметкер оның бүкірейген әріптесінен гөрі көбірек сенім туғызып, біліктірек көрінеді.

Түстермен ойнау

Киіміңіздің кез келген ашық түсті бөлігі, мойын орауыш, шаш қыстырғыш немесе білезік болсын, көз тартады. Өзіңізді сенімдірек сезінуге және сыртқы әлеммен оң байланыс орнатуға көмектесетін түсті дұрыс таңдап алсаңыз болғаны. Сары түс қуаныш пен оптимизм, сарғылт түс – жайлылық пен әлдебір ойнақылық сезімін сыйлайды. Тек сізге ғана жарасатын түсті тауып алыңыз, сонда сіздің өңіңіз бен сыртқы келбетіңіз бұрынғыдан да тартымды бола түседі.

Өзіңізді салыстырмаңыз

«Менің шашым соныкіндей болса ғой... Аяғым соныкіндей ұзын болса, шіркін!...» – деп жылтыраған журналдарды көріп күрсінгенді қойыңыз. Суреттер өзіңізге сенімді болуды үйрете алмайды: олардың өмірге қатысы аз. Өзіңізді толығымен қабылдасаңыз ғана, барлық кемшіліктеріңізбен қоса өзіңізді дұрыс сезінсеңіз ғана тартымды бола аласыз. Сізге кімнің тартымды болып көрінетіні туралы бір сәт ойланыңызшы: торыққаннан айықтыратын дәрі ішетін және өзіне сүйкімсіз болып көрінетін фотомодель ме, әлде бет-жүзі оптимизм мен қуаныш шашып тұрған және бес минут сайын: «Мен семізбін! Мен ұсқынсызбын!» деп шағымдана бермейтін толықтау әйел ме?

Дос таңдаудан қорықпаңызӨзін өзі қазбалаудан, өзін өзі ойран етуден немесе өзін өзі мінеуден бір минутқа да көңіл аудара алмайтын адамдар айналасындағы адамдарды орға тартады. Әрине, құрбыңыз мұңға батып жүрсе, онымен бірге кафеге барып, аз уақыт оның мұңын тыңдап, жылауына серік болуға болады, бірақ бес минуттан кейін мұңаюды ұмытып, хош иісті шай ішіп отырып күлетін болыңыз. Ең бастысы – тәулік бойы жұмыс істейтін «жедел жәрдемге» айналып кетпесеңіз болғаны. Оптимисттермен қарым-қатынас орнатуға тырысыңыз, мінезі ауыр, өзіне және қоршаған әлемге риза емес адамдармен араласудан аулақ болыңыз.

Күлімдеп жүріңіз!

Күлімдеп жүретін әйел әрдайым тартымды болып көрінеді. Күлімсіреуге көмектесетін бұлшық еттер жиырылған кезде миға күшті «бақыт импульсы» жіберіледі. Күлімсіреген бақытты адам өзіне 100% сенімді. Оған қоса, оң көзқарас адамға қайта оралады.

Киім мен іш киімді таңдаған кезде мұқият болыңыз