Педагог мәртебесі туралы мақала

Кызайбаева Дарига Айткурмановна

Алматы облысы Ақсу ауданы

Сағакүрес негізгі орта мектебі

Қазақ тілі пәні мұғалімі

Педагог мәртебесін көтеру – жаңашыл мұғалімді қалыптастырудың бастауы

...Түсінгендіктің шын белгісі-«иә» деген жауап емес,

шәкірттің жүзіндегі қуаныш болып табылады.

Абу-ль-Фарадж ал-Исфахани

Ұлы ағартушы Ахмет Байтұрсыновтың нақылына сүйенсек «Бала оқытуды жақсы білемін деген адам әуелі балаларға үйрететін нәрселерін өзі жақсы білуі керек»- деген тұжырымында шығармашыл адам, яғни педагог, тәжірибелі мұғалім білімді де білікті шәкірт дайындай алады.

Бүгінде «Мұғалім мәртебесі» заң жобасы қолға алынып жатқаны көпшілікке аян.Заң жобасы күшіне енген сәтте ұстаздар қауымын көптеген игі істер күтіп тұр деп айтсақ,артық болмас.Себебі,қазіргі таңда «Ұстаз атаулы кәсіп иелерін» менсінбей,абыройын аяққа таптауға құмарлар қатары көп-ақ!

Соңғы уақытта мұғалімдердің әкімшіліктің тегін жұмыс қолы саналатындықтан, науқандық жұмыстардың бәрі мұғалімдердің белсенділігімен атқарылады. Мысалы, алаңдардағы митингілер мен үлкен залдардағы жиналыстардың еріксіз тыңдарманы мен көрерменіне айналуы, сайлау немесе тағы да сондай саяси науқандардың насихаттаушысы сияқты қоғамдық жұмыстардың қандайы болсын мұғалімді іздеп табады. Мектеп ішіндегі қағаздарының өзіне кейде үлгеріп, кейде үлгермей жүретін педагогтардың негізгі сабақ өткізу, тәрбие жұмыстарын жүргізу сияқты қызметін талапқа сай өткізетіндігіне күші жете бере ме деген сұрақ туындайды.Әрине,жетпейді сол себепті білімді болашақ иесін қалыптастыру үшін ең алдымен ұстаз мәртебесі көтерілгені жөн-ақ.

Қорыта келе,«Ұстаздық еткен жалықпас, үйретуден балаға» деп Абай атамыз айтқандай, ұстаз еңбегің қыр- сыры мол, қиын да жауапты, шығармашылық еңбек екенін баршамыз мойындап, шәкірт тәрбиелеу жолында аянбай еңбек етуіне жағдай жасауға асыға берейік.