Педагог құзыреттілігіне арналған әдістемелік семинар материалы

Сарина Галия Асылбековна

«№4 ЖОББМ»КММ-нің

бастауыш сынып мұғалімі

Шалқар қаласы Ақтөбе облысы

Педагогтардың кәсіби құзыреттілігінің негізі - әдістемелік жұмыс.

Білім мен ақпарат үстемдік құрған қоғамда білім беру жүйесі инновациялық экономиканың негізгі бөлігі болып табылады. Қатаң талаптары қалыптасып келе жатқан инновациялық экономика қай салада болса да, бүгінгі маманның құзыреттілігін, яғни өз саласы бойынша ой-пікірінің қалыптасуын, кәсібилігін, өмірдің өзгермелі жағдайына бейімділігін, оған сай өз білімін пайдалану ғана емес, оны қажеттікке қарай толықтырып отыруды талап етеді. Құзыреттіліктің заман талабына сай кез келген саланың маманы болуға мүмкіндік беретін басты екі түрі белгіленіп отыр. Олар – «пәндік» және «пәннен жоғары метапәндік» құзыреттіліктер. Атап айтқанда, «пәндік» құзыреттілікке белгілі бір пәнді меңгеруге (ұстаздар үшін) немесе белгілі бір саланы меңгеруге қажетті білім мен білік жатқызылса, «пәннен жоғары метапәндік» құзыреттілік ретінде адамның өз білімін пайдалану және одан әрі дамытуға бағытталған ақпараттық, коммуникативтік, бірлесе жұмыс жасай алу қабілеттері, өз әрекеттерін басқару дағдылары сияқты қасиеттері жатқызылады.Мұғалiм – ақпараттанушы емес, оқушының жекетұлғалық және интеллектуалды дамуын жобалаушы. Ал бұл мұғалiмнен жоғары құзырлылықты, ұйымдастырушылық қабiлеттiлiктi, оқушыларды қазiргi қоғамның

Мұғалімнің кәсіби құзіреттілігі-оның жан-жақты білімінен ұстаздық шеберлігімен, оқытудың жаңа әдістерін меңгерумен өлшенеді.

Мұғалімнің кәсіби құзіреттілігінің негізгі шарттары:

Тұлғааралық және еңбектегі байланыс.

Қызметтің эканомикалық, әлеуметтік, құқықтық, адамгершілік, психологиялық аспектілерін меңгеруі.

Қызметті жаңа жағдайға бейімдеудегі, басқару шешімін қабылдаудағы дайындығы.

Практикалық кәсіби тапсырмаларды орындаудағы дайындық әлеуеті

Нақты жағдайларға байланысты қандай да бір әдістерді пайдалану біліктілігі.

Тиімді шешім қабылдау қабілеті.

Педагог өз мақсаттарына қол жеткізу үшін құндылықтарымыз бен міндеттерімізді айқындау үшін проблема қою керек. Ол үшін мұғалімнің құндылығы, ұстанымы, өзгерістер енгізуі үшін стратегиялық іс-әрекеті болуы керек.

Бұл жоба бізге не қажет екендігін, қандай өзгеріс енгізгіміз келеді және өзгерісті қалай енгізе алатынымыз туралы ойлауды дамытуға көмектеседі.

Дөңгелек үстел жанындағы сұхбат

-Құрметті әріптестер, сіз қандай мектепте жұмыс істейсіз?

-Мектептегі сіздің роліңіз қандай?

-Сіз өз еркіңізбен қандай да бір жобаларға қатысасыз ба?

-Сіз өз жұмысыңызды өзгерту арқылы қандай жаңалықтар енгізер едіңіз?

Бастауыш мектеп мұғалімі ерекше тұлға. Өйткені ол – балалар мен үлкендер әлемінің арасындағы сарапшы. Сондай – ақ ол баланың психологиялық құпияларын жетік біле отырып, білім береді, оны адам болуға үйретеді. Бастауыш мектеп мұғалімінің еңбегін өзінің мәнділігі бойынша ешқандай өзге еңбекпен салыстыруға болмайды, өйткені ол еңбектің нәтижесі – адам. Ең білгір, ең жауапты, ең негізгі болып табылатын сол мұғалімге отбасы мен қоғам ең қымбатты, өз елінің азаматтарының тағдырын, қоғам мен мемлекеттің тағдыры үшін жауап беретіндермен сипатталады. Бүгінгі мұғалім еңбегінің жемісі қоғамымыз да сондай болмақ.

Эдвард де Боно “6 ойлау шляпасы

Мақсаты: әртүрлі ойлауды қажет ететін сұрақтар, проблемалар, ситуациялар төңірегінде ой қорыту, өздерінің “ойларын пісіру

Ақ шляпа – ақпараттар, фактілер

Қызыл шляпа – ішкі сезім

Қара шляпа – логикалық негативті ойлау

Сары шляпа – логикалық позитивті ойлау

Жасыл шляпа – шығармашылық ойлау

Көк шляпа – ойлау процесін басқару

Ақ (ақ бұлттар) - фактілер, цифрлар және мәліметтерді таза күйінде беру

Қызыл (от) -ішкі сезім, эмоция, сезінулер және интуицияны білдіру

Қара (тұман) -негативті ойлау, мысалы: “бұл орындалмайды, себебі....”