Педагогикалық инновацияларды тәжірибеде қолдану жолдары

ПЕДАГОГИКАЛЫҚ ИННОВАЦИЯЛАРДЫ ТӘЖІРИБЕДЕ ҚОЛДАНУ ЕРЕКШЕЛІКТЕРІ

Ерменова М.Т.

Қостанай облысы, Лисаков қаласы әкімдігі білім бөлімінің «№ орта мектебі»

коммуналдық мемлекеттік мекемесі

Лисаков қаласы Қостанай облысы Қазақстан Республикасы

Сен жанбасаң лапылдап,

Мен жанбасам лапылдап,

Біз жанбасақ лапылдап,

Аспанды кім жандырар?

Қазіргі таңда мұғалімге қойылатын талаптар жоғары. Дәстүрлі кеңестік білім берім жүйесін қаншама мақтамасақ та, заманға сай болуымыз қажет, оқушыны жан-жақты дамыған, өмір талаптарына бейімделген тұлға ретінде оқытуымыз қажет. Сондықтан әр мұғалім бір орында тұрмай, өзі де заман талаптарына сәйкес болуға тырысады.

«Ғасырлар мақсаты - қоғамның нарықты қарым - қатынасқа көшу кезінде саяси-экономикалық және рухани дағдарыстарды жеңіп шыға алатын, ізгіленген 21 ғасырды құрушы іскер, өмірге икемделген, жан - жақты мәдениетті жеке тұлғаны тәрбиелеп қалыптастыру» елбасымыз Н.Ә. Назарбаевтың сөзін жұмысымда басшылыққа алсам, артық болмайды шығар.

2014 жылы Қазақстан Республикасы педагог қызметкерлерінің біліктілігін арттыру курстары бағдарламасының үшінші деңгейін өттім. Жұмыс өтілім үлкен болса да, өз жұмысыма көп өзгерістер енгіздім. Бағдарламаның жеті модулін сабақтарымда белсенді пайдаланып жүрмін. Сонымен қатар түрлі озық технологиялардың элементтері мен техникаларын пайдаланамын. Мысалы, құзыретті педагогика, ойын, сыни тұрғыдан ойлау, ақпараттық-коммуникативтік технологиялар сабақты түрлендіріп, оқушылардың белсенділігін арттырады.

Сабақ алдында жағымды ортаны құру мақсатында түрлі тренингтер өткіземін. Мысалы, «Мен саған тілеймін» тренингін атап кетсек, бұл тренинг арқылы оқушылар бірін-бірі сыйлауға үйренеді. Сонымен қатар сөз байлығы да артады.

Денсаулықты сақтау технологияларды пайдалану арқылы оқушылар қазақ әуенін қосқанда билейді, қазақ әндерін тыңдап, демалады.

Сабақтарымда өткізілетін жұмысым көбінесе топтық форма арқылы өтеді. Бұл жұмыстың маңызы зор. Оқушылар шағын ұйымдарда бірігіп жұмыс істеп, бір-біріне көмектеседі, өз бетінше жұмыс істеуге дағдылары қалыптасады.

Сабақ соңында рефлексия кезеңін ұмытпау керек. Түрлі жаттығулар арқылы керіс байланыс өтеді.

Мұғалім жұмысының тиімділігі шәкірттерінің нәтижелерінен көрінеді. Тек қана сабақпен шектелмей, сабақтан тыс жұмысымды да жүргізіп жатырмын. Бұл бағытта дарынды балалармен қызметімнің орны ерекше. Оқушыларым түрлі байқауларға қатысып, жүлделі орындарға ие болады. Жыл сайын жүйелі түрде пән олимпиадасы, «Жарқын болашақ» байқауы, ғылыми жобалар байқауы, қашықтық олимпиадаларға…