Пирамиданы жинау балабақшаға арналған ашық сабақ

Білім беру саласы: Таным Оқу іс-әрекеті : Сенсорлық тәрбие

Тақырыбы: Пирамиданы жинау

Мақсаты:Балаларға геометриялық пішіндерді бір-бірінен ажыратып, атай білуге үйрету.Үшбұрыш, төртбұрыш арқылы үй құрастыруды үйрету. Түстерді тауып орналастыруға үйрету. Сөздік қорларын молайту.Сұрақтарға дұрыс жауап беруге дағдыландыру. Балалардың ойлау, көріп тану, зейінін, есте сақтау қабілеттерін дидактикалық ойын арқылы дамыту. Бір-біріне деген қарым-қатынасқа, дрбес іс-әрекетке тәрбиелеу.

Көрнекілік құралдар: магнитті тақта,түрлі-түсті қағаздан қиылған геометриялық пішіндер, слайд,пирамида ойыншықтары,т.б.

Әдіс-тәсілдер: түсіндіру, таныстыру, сұрақ-жауап,көрсету, бой сергіту, көрсету.

Сөздікпен жұмыс: Пирамида.

Әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық қозғаушы

1.Шаттық шеңбері:

Біз балдырған тең басқан,

Дос құшағын кең ашқан.

Тілегіміз тыныштық , Ашық болсын көк аспан. Мықты болсын іргеміз, Бәрімізде біргеміз.

2.Ұйымдастыру кезеңі.

-Балалар бір жылда неше мезгіл бар?

-Қыс мезгілінің қандай ерекшелігін білеміз? -Балалар, қыс мегілі туралы тақпағымызды айтайықшы. -Кәне бәріміз бірге қайталайықшы.

Далада қар борайды,

Ақ мамыққа орайды. Мұз болады қаттады,

Жып-жылтыр боп жатады.

Үй тапсырмасын қайталау.

Шеңбер бойына тұрып, балалар өлең жолдарымен тілектер тілейді.

Бір жылда төрт мезгіл бар. Қыс мезгілі желтоқсан, қаңтар,ақпан айларынан тұрады.Қыста қар жауады, боран соғады, шанамен ойнаймыз, қардан аққала жасаймыз балалар тәрбиешімен бірге қайталайды.Балалар бірге қайталап айтады.

Ұйымдастырушы-лық ізденушілік

Балалар, бүгінгі біздің оқу іс-әрекетіміз ерекше болайындеп тұр.Өйткені мен сендерді «Геометриялық пішіндермен» таныстырамын,оның ішінде пирамида ойыншығымен танысып,көлеміне қарай жинаймыз. -Кәне барлығымыз теледидарға қараймыз. Төртбұрыш, үшбұрыш, шеңбер,тіктөртбұрыш,сопақша.Бұлардың барлығын геометриялық пішіндер деп атаймыз. 3.Ойын: «Пішінді құрастыр» Ойынның шарты: Берілген геометриялық пішіді құрастыру.

-Балалар, жан-жағымызға қарайықшы бөлмемізде пішіндерге ұқсас заттар бар ма? -Енді, балалар пішіндерден не құрастырамыз? 4.Ғажайып сәт:

Осы кезде Қоян келеді.\жан-жағына қарап,қорқып кіреді\ -Ау, қоян саған не болды? -Мен, қорқып қашып келемін,менің үйімді түлкі тартып алды.Менде үй жоқ.

Балалар, білесіңдер қазір қыс мезгілі мен тоңатын болдым.Маған көмектесіңдерші. -Ал, балалар қоянға көмектесеміз бе? -Кәне, балалар пішіндерді пайдаланып қоянға үй құрастырып берейік.

–Балалар, біз қоянға үй құрастырып бердік,енді орнымыздан тұрып сергіп алайықшы.Кәне қоян тоңып қалған шығарсың балалармен билеп жылынып,серігіп ал.

5.Сергіту сәті: