Пойыз тақырыбындағы ұйымдастырылған оқу картасы

Ұйымдастырылған оқу әрекетінің технологиялық картасы.

Тақырыбы: «Пойыз» .

Мақсаты: балаларды құрылыс материалдарымен жасауға үйрету, олардың түсін, пішінін, көлемін ажырата алуға дағдыландыру, тәрбиешінің ұсынған шарты бойынша құрылыс материалдарын кеңістікте дұрыс орналыстыра отырып пойыз құрастыра білуге, текшені, кірпішті бір-бірінен ажырата білуге үйрету.

Көрнекі құралдар: үлгі суреттер және құрылыс материалдары, кішкентай ойыншықтар.

Әдіс-тәсілдер: түсіндіру, көрсету, әңгімелесу, сұрақ-жауаптар, балалармен «Пойыз» ойынын ойнау.

Іс-әрекет

Тәрбиешінің іс-әрекеті

Балалардың

іс-әрекеті

Мотивациялық-қозғаушылық

Тәрбиеші балаларға «пойыз» ойынын ойнатады. Тәрбиеші балаларға үлгі суретті көрсетіп, бүгін осындай пойызды жасайтындарын айтады.

Балалар ойынды қызығушылықпен ойнайды.

Ұйымдастырушылық-ізденістік

Пойыз жасауға қажетті текшелердің түстерін таңдайды. Ең астындағы бөлігіне көк түсті екі кірпішті жалпағынан қойып алады. Оның алдыңғы бөлігіне үш түсті текшелерді әр бала өздері таңдай отырып «паравоз» жасайды. Бірнеше текшені кірпіштердің үстіне тізіп қою арқылы оның вагондарын жасайды. Вагондардың үстіне ұсақ бағыт береді.

Балалар пойыз жасауға қажетті заттарды алады. Олар текшелерді, кірпіштерді тізіп орналастырады, кірпіштердің үстіне әртүрлі түстегі текшелерді қойып пойыз құрастырады. Балалар жасаған пойыздарының үстіне ойыншықтар қойып ойнайды.

Рефлекциялық түзетушілік

Пойыздың дұрыс орналасуын,кірпіштердің түр-түсін, пішінін сұрай отырып, кімнің құрлысы ең жақсы болғанын атап өтеді.

Балалар өздері жасаған пойызды көрсетіп, не жасағандарын айтып береді.

Күтілетін нәтиже:

Нені біледі: пойыз құрылыс материалдарынан құрастыруды және түсі, көлемі, пішінін ажырата алуды.

Қандай түсініктрерді игереді:текшелерді тізіп қоюды, тігінен қоюды және оны іс-әрекет барысында көрсете алуды.

Меңгерген дағдылары мен іскерліктері: құрылыс материалдарымен жұмыс жасауды оны көлемі, пішініне сәйкес кеңістікте дұрыс орналыстыра білуге дағдыланады.