презентация, Жасөспірімдер арасында буллинг пен кибербуллингтің алдын - алу

Жасөспірімдер арасында буллинг пен кибербуллингтің

алдын - алу

Мақсаты: Оқушылардың арасындағы етек жайып бара жатқан буллингтің алдын- алу, балаларды буллингке қарсы тұру қасиеттерін үйренуге жағдай жасау.

Міндеттері: Оқушыларды өмірде кездесетін буллинг түрлерімен таныстыру. Жеке тұлғаға буллинг және кибербуллингке қарсы тұру туралы білім алуына қолайлы жағдай туғызатын оқу- тәрбие процесін ұйымдастыру. Оқушыларда буллингке қарсы көзқарас қалыптастыру және адамгершілік қасиеттерін дамыту.

Буллинг

Буллинг (bullying) – ағылшын тілінен аударғанда, қорлау, қудалау, мазалау дегенді білдіреді. Адам үйде, мектепте, автобуста немесе интернетте, жалпы айтатын болсақ, кезкелген жерде буллингке ұшырауы мүмкін. Бұл кез келген адамның басында болатын жағдай. Бірақ есіңізде болсын, ешкімнің сізді ренжітуге немесе өзіңіз жайлы жаман ойлауға мәжбүрлеуге құқығы жоқ.

«Кибербуллинг» кезінде адам үнемі онлайн қудалауға ұшырайды. Оған қорлайтын хабарламалар жіберіліп, желіде оның фотолары мен видеоларының беделін түсіретін хабарламалар жарияланады. Кейде агрессорлар өздерінің құрбандарын қорлау үшін жалған веб-сайтты жасайды немесе онда олар компроматтарды жариялайды .

« Буллингтің қандай түрлері бар?

Қарым-қатынаста – жағымсыз, ерекше мінез-құлық, «азаптаушы» мінез-құлық, қауесеттің таралуы, әлеуметтік оқшаулану (мысалы, кітаптарын жасырып қою, қорқыту әрекеттері).

Физикалық – біреудің мүлкіне зиян келтіру, итеру, аяқпен тебу, қолмен ұру, ұрып-соғу немесе кез келген күш қолдану.

Жыныстық қатынас – қалауынан тыс физикалық байланыс немесе жыныстық қорлайтын пікірлер.

Вербалды – ат қою, сарказм, қауесет, мазақтау.

Экономикалық-материалдық буллинг – бөтеннің мүлкіне зиян келтіру, бопсалау. Мысалы, күш қолдану немесе қорқыту арқылы бірдеңе, әсіресе ақша беру талабы.

Виртуалды агрессияның түрлері

Хейтинг – желідегі жек көрушіліктің көрінісі, басқа адамды негізсіз сынау.

Троллинг - бұл әлеуметтік арандатушылық, желідегі диалогтардағы қорқыту. Агрессор жәбірленуші ашуланса, ләззат алады.

Flaming - бұл сөйлесу бөлмелерінде, әлеуметтік желілерде және форумдарда болатын ауызша шайқастар. Әңгімелесушілер арасында кенеттен пайда болған эмоциялар тіпті бастапқы тақырыпқа қатысты болмауы мүмкін.

Киберталкинг – жалған айыптау, жала жабу, жеке профильді ұрлау, ақпаратты бопсалау үшін пайдалану

Дінге қатысты буллинг

Біреуді дініне немесе нанымына байланысты қорлау немесе әдепсіздік таныту . Мысалы , киелі кітапты оқу , мешітке бару сияқты діни дәстүрлерді мазақ ету .

Ксенофобтық буллинг

Басқа елден келгендіктен , адамдарға қысым көрсету .

Мүгедектерге қатысты буллинг

Адамды мүгедек болуына байланысты қорлау және оған тіл тигізу .

Сексисттік буллинг

Адамның жынысына қатысты басқаша көзқараспен қарау . Мысалы , ұлдар қыздарға қарағанда жақсырақ деген оймен қыздарды келемеждеу . Не керісінше , қыздар жасай алатын кейбір нәрселер ұлдардың қолынан келмейді деген ұғым қалыптастыру .

Гомофобтық буллинг

Адам өзінің жыныстық көзқарасы жағынан қорлауға ұшыраған кезді жатқызамыз . Мысалы , біреуді «гей» деп атау немесе «гей» сөзін қорлау сөзі ретінде қолдану .

Расисттік буллинг

Біреудің нәсіліне , түсіне , нанымына байланысты басқаша көзқарас туындау . Сондай-ақ адамның нәсіліне қарай жағымсыз сөздер айту жатады .

Таптық буллинг

Адамдар біреудің белгілі бір әлеуметтік тапқа жататындығын анықтағаннан кейін , сол адамға жаман көзбен қарау . Мысалы , біреулер « ауылдан келген » деп адамды жекелету .

Адамның сырт келбетіне қатысты буллинг

Біреуді көпшілікке ұқсамағандығы үшін кемсіту , мысалы адамның шашы жирен болуы немесе қысқа бойлы болуы , я болмаса көзілдірік киіп жүруі үшін .

Буллинг пен кибербуллинг белгілері:

адамды мазақтау , қорлау , соқтығысу

оның ақшасын не басқа заттарын тартып алу , оларды бүлдіру

сол жайында өсек тарату

оны елемеу немесе жекелету

ренжітетін , жаман әзіл айтып , басқа адамдардың алдында ыңғайсыз жағдайға қою

ұрып-соғу , тепкілеу , итеру немесе басқаша зақым келтіру

қоқан-лоқы көрсету немесе қорқыту

Буллинг қандай жағдайларға әкеліп тіреуі мүмкін ?

Біреу саған күш көрсетпей , қорлап , қорқытқан да сенің жаныңа батады . Осындай жағдайға тап болған адам түрлі жағдайларды басынан кешіруі мүмкін , атап айтқанда :

уайымдау

ұйқының бұзылуы

тәбеттің болмауы

өзі жайлы жаман ойлау

өз-өзіне физикалық зақым келтіру

өлім туралы ойлау

сабақ үлгерімдерінің нашарлауы

ауыру