Психология: адамның үйлесімді дамуына бастайтын ғылым

Әбілда Фарида

Психология мамандығының 4 курс студенті,

Оқытушы: Болтаева А.М.

Әл-Фараби атындағы ҚазҰУ

“Психология: Ішкі тепе-теңдік пен үйлесімділікке бастайтын ғылым”

“ППсихология үйлесімділікке бастайтын ғылым

Ішкі тепе-теңдік пен үйлесімділікке бастайтын ғылым

Қазіргі таңда психология ғылымы адам өмірінің барлық саласында маңызды рөл атқарып келеді. Кез келген адам өз өмірін жақсарту, эмоциялық тұрақтылыққа қол жеткізу немесе өзгелермен қарым-қатынасын реттеу үшін психологияның негіздеріне жүгінеді. Бұл ғылым адам жанының тереңдіктерін зерттейтін, өзін-өзі түсінуге және өзгелерді қабылдауға көмектесетін ерекше құрал болып табылады.

Әл-Фараби атындағы Қазақ ұлттық университетінің психология мамандығының 4-курс студенті ретінде университетім менің маман ретінде қалыптасуыма ерекше әсер етіп, психология ғылымына деген сүйіспеншілігімді одан әрі арттырды деп нық сеніммен айта аламын.

Әл-Фараби атындағы Қазақ ұлттық университеті – Қазақстанның ең көне және беделді жоғары оқу орындарының бірі. 1934 жылы негізі қаланған университет білім беру мен ғылымның барлық саласында көшбасшы болып табылады. Оның атауы тек елімізде ғана емес, шетелдерде де жақсы таныс. Университет қабырғасында білім алып жатқанда, біз ұлы ойшыл әл-Фарабидің философиялық идеяларынан рухтанып, сапалы білім алудың маңыздылығын түсіндік.

Менің таңдаған мамандығым – психология. Бұл мамандық маған өмірдің кез келген саласында адамдарға көмектесудің және олардың жан дүниесін түсінудің қаншалықты маңызды екенін үйретті. Әсіресе, біздің жалпы және қолданбалы психология кафедрасы студенттердің жан-жақты дамуына, кәсіби дағдыларды меңгеруіне үлкен үлес қосып келеді. Мұнда оқытушылар мен ғалымдардың тәжірибесі мен терең білімі студенттерге жоғары деңгейде білім алуға мүмкіндік береді.

Кафедра ұжымы бізге тек теориялық білім беріп қана қоймай, оны практикада қолдануды да үйретті. Университетіміздің кітапханасында әлемдік психология ғылымының ең үздік еңбектерімен танысып, зерттеулер жүргізуге жағдай жасалған. Осындай мүмкіндіктер мен қолдаулардың арқасында мен психологияның өмірде қаншалықты маңызды екенін жете түсініп, бұл ғылымға деген сүйіспеншілігім одан әрі арта түсті. Әл-Фараби атындағы ҚазҰУ студенттеріне өз қабілеттеріне сенуге және шынайы маман болып қалыптасуға мүмкіндік беруде. Осы университетте білім ала отырып, студенттер тек теорияны ғана емес, кәсіби ортада қажет болатын дағдыларды да меңгереді.