Психология мамандығының өмірге әкелген өзгерістері

Психология мамандығының менің өміріме әкелген өзгерісі

Кейде мына әлемде еркіндіктің иллюзиясында, өз-өзіммен ойға шомып, қоғамның жүйесіндегі түрмеде жүргендей сезінемін. Сөздердің көшірмесін көшіріп,жаттап, делдал кейіпіндегі бір жан екеніңді сезіну ауыр. Ойнатқанмен емес, ойлатқан адамдармен дос бол деген Ж.Баласағұнидің осы сөздері, өмірдегі кемелдікке жету жолындағы , ортаның маңызды екенін ұғындырғандай. Қара шаңырақ, әл-Фараби атындағы Қазақ Ұлттық Университеті, менің осы таңдауымның дұрыстығын дәлелдегендей. Орта, ол әрбір адамның бет-бейнесі, айнасы. Университетті таңдап,оқу барысында түсінгенім, әл-Фараби атамыздың философиялық еңбектерін оқу арқылы кемелдік жолындағы рухани дамуымның алғышарты болғандай. “Уайым-қайғыны орынсыз күлкімен азайтпа, орынды харекетпен азайт“-деп Абай атамыздың 4 қара сөзіндегідей, ортақ құндылық пен ортақ мүдде аясында харекет ететін ортаның студенті болу, мен үшін үлкен мәртебе. Әл-Фараби атындағы Қазақ Ұлттық Уриверситеті, көп адамдардың өмірінің өзгеруіне үлкен үлес қосты деп нық сеніммен айта аламын.

Тірі жүргеніңе мысал келтірші? Өзіме сұрақ. Абай атқан Ырыс алдындағы тірлікпе? Жоқ әлде, тірінің тірлігін қылып жүрген иттің күні ме? Ризық Құдайдан деп, сол ризыққа масаттанып, майқаңдап ізденбеудің тірлігіме ? Ой еркіндігінің не екенін білмейтін,мына менің өз миымдағы ойдың құлы болып, өмір бойы сабылып жүруме? Өзіңді таны деген Сократтың сөздері мені психология саласындағы қызығушылығымның басты алғышарты болды. Психология мамандығына оқуға түсуім, менің өмірімдегі ең үлкен жетістік деп білемін. Өзгеден емес, өзіңнен қауіптің көп екенін білгенде , өз тәніңде өзге болмыстың кейіпін көргендей өзіңнен шошу,ең қорқынышты сезім. Психология маған, мына өмірдегі миссиямды анықтауда, өмірдің мән-мағынасы , құндылықтарды түсінуде үлкен көмегін тигізді.Әрине, бұл білімді мен дамушы ортадан ала алдым.Көптің түсінігіндегі психология мамандығы,тек жан дәрігері ретінде қарастырса, мен үшін мына өмірдің мәнін түсінуге көмектескендей. Осы мақаланы пайдалана отыра, университетіме, факультетіме, психология мамандығындағы әрбір мұғалімдерге,достарыма барлығына алғыс білдіргім келеді.

Ашудан қарағанда, рахаттанумен күресу қиын демекші, әрбір адам өзінің бойындағы біткен нәпсісінің құлына айналмас, үшін өзін-өзі тануы, түсінуі ол өмірлік миссиясының бір бөлігіне айналу керек секілді. Психология маған өзімді қайтадан тануға көмектесті деп толықтай айта аламын.Егер, менің алдымда қайтадан…