Психологияның зияткерлік мектебі 7-сыныпқа арналған

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ

ҒЫЛЫМ МИНИСТРЛІГІ

Бітеев Дидар Көшкінұлы

«Психологияның зияткерлік мектебі» тақырыбында 7-сыныптың факультативтік курсына арнап жазылған

АВТОРЛЫҚ БАҒДАРЛАМА

ӘӨЖ 159.922 КБЖ 88.40 Рецензент: «Инновация» Оқу-әдістемелік Орталығының ғылыми қызметкері, республикалық «Алтын кітап» баспасының әдеби редакторы, өнертану және пед. ғылымдар магистрі А.Д.Әшірбаева Психологияның зияткерлік мектебі // құрастырушы автор: Д.К.Бітеев. – Алматы облысы, педагог-психолог, 2021. – 52 б. ISBN

Құрастырушы автор бастауыш психология пәні бойынша 7-сынып оқушыларына арнап жазған авторлық бағдарламасын оқушылардың жас ерекшелігін ескере отырып жасаған. Бағдарлама 34 сағатқа негізделген және Мемлекеттік Білім беру стандартына сай жазылған.

ӘӨЖ 159.922

КБЖ 88.40 «Инновация» Оқу-әдістемелік Орталығының 2021 жылғы 25 қазандағы №2 хаттамасына сәйкес сараптау комиссиясының шешімімен баспаға ұсынылды. ISBN © «Инновация» баспа үйі–2021

ҚАЗАҚСТАН РЕСПУБЛИКАСЫ «ИННОВАЦИЯ» ОҚУ- ӘДІСТЕМЕЛІК ОРТАЛЫҒЫНЫҢ БАСПАСЫНА ҰСЫНЫЛДЫ

Рецензент: «Инновация» Оқу-әдістемелік Орталығының ғылыми қызметкері, республикалық «Алтын кітап» баспасының әдеби редакторы, өнертану және пед ғылымдар магистрі А.Д.Әшірбаева Құрастырушы автор: Бітеев Дидар Көшкінұлы Алматы облысы Кеген ауданы «Іңкәрбек Жұмағұлов атындағы орта мектебі мектепке дейінгі шағын орталығы» мен «Көкпияз бастауыш мектебі» коммуналдық мемлекеттік мекемесінің педагог-психологі

© «Инновация» баспа үйі – 2021 жыл

ТҮСІНІК ХАТ Қазіргі дамыған заманда қоғамға жоғары білімді, бастамашыл, іскер, бәсекеге қабілетті, шығармашыл адамдар қажет. Осыған сүйене отырып, жоғары деңгейдегі білім беру мекемелері мен орта білім беру мекемелеріне ерекше талаптар қойылған болатын. Яғни, мектеп оқушыларын тек базалық біліммен ғана қамтамасыз етіп қоймай, оларға психологиялық тұрғыда көмек көрсету. Дәлірек айтсақ, оқушының көңіл күйін, психологиясын бақылау, тәртібін қадағалау ғана емес, оның сабақ оқуға деген ынтасын арттыру, мамандық таңдау, өз бойындағы қабілеттерін анықтауға көмектесу, қоршаған ортаға тез бейімделуіне ықпал ету, күйзеліспен күресуге, жігерлі, ұстамды болуға тәрбиелеу және т.б. Бұл аталған мәселелерді шешуде пән мұғалімдерінің сабақтары немесе сынып жетекшісінің өткізетін тәрбие сағаты жеткіліксіз екендігі бәрімізге белгілі. Өйткені әрбір бала – жеке әлем. Жеке көңіл бөлуді, жеке жұмыс жасауды, жеке зерттеу жасауды және арнайы метод қолдануды қажет етеді. Сондықтан да балаларды психологиялық тұрғыдан үлкен өмірге даярлауда психология бойынша ұйымдастырылатын курстардың маңызы зор. Бұл жерде ең бастысы барлық сабақтар, тренингтер мен ойындар оқушылардың жас ерекшелігіне сай ұйымдастырылуы кер

Жасөспірімдердегі 12-13 жас аралығын өтпелі кезең деп атайды, өйткені онда дамудың психологиялық, әлеуметтік қайшылықтары жатыр.

Жетінші сынып оқушыларының басты ерекшеліктерінің бірі – көңіл күйі мен мінезінің тұрақсыздығы. Жасөспірімдер өзімшіл, өздерін ғаламның басты тірегі, дүлей күш иесі деп санайды. Сонымен бірге бұл кезеңдегі ерекше қасиеттері адалдықпен, шамадан тыс батылдықпен, жанқиярлықпен сипатталады. Бір жағынан, олар қуана өнер көрсетіп, қоғамдық өмірде белсенділік танытады, екінші жағынан,

жалғыздыққа, тәуелсіздікке, өз бетінше жүруге ұмтылады.

Жасөспірімдердің білімді игеруі көп уақыт алады, бірақ оқу саласында олар әрқашан өздерінің талаптарын қанағаттандыра алмайды және оны басқа қызмет түрлерінде (техникалық, көркемдік, шығармашылық, спорттық) көрсетуге тырысады. Психологиялық зерттеулер көрсеткеніндей, осы жастағы жасөспірімдерде зияткерлік іс- әрекеттің әдістері мен дағдыларын дамыту белсенділіктері төмендейді (материалды түсіну, өз бетінше жұмыс істеу қабілеті). Сондықтан оқу іс-әрекетінде қолайлы жағдай туғыза отырып, қызығушылықты арттыру, бейтаныс дүниені тануға ұмтылу, сәтсіздіктерге ренжімеу, мақсатқа табандылықпен жетуге үйрету өте маңызды болып саналады.

Жасөспірімдердің оқудағы қиындықтары әртүрлі сипатта болуы мүмкін, кейбіреулері бұрын алынған материалды еске түсіру қажеттілігімен байланысты; басқалары – жаңа деректерді есте сақтау; алдағы әрекеттерді жоспарлау, оны жүзеге асырудың ең ұтымды жолдары мен тәсілдерін таңдау қажеттілігі; төртіншісі – өзін-өзі бақылау және өзін-өзі бағалау дағдыларының болмауы. Осы қиындықтарды шешу мақсатында 7-сынып оқушыларына арнап «Психологияның зияткерлік мектебі» атты факультативтік курсының бағдарламасын жаздым.

34 сағатқа негізделіп жазылған курс бағдарламасы аптасына 1 реттен өтіле отырып, бір жыл мерзімге жоспарланған. Өтпелі кезеңді басынан кешіріп жатқан оқушылардағы психологиялық өзгерістерді дұрыс қабылдау мен оқудағы қиындықтарын жеңуде аталмыш бағдарламаның көмегі зор болады деген үміттемін.

Курс мақсаты мен міндеттері: танымдық- психологиялық процестерді дамытатын әдістер мен тәсілдерді игеру және өзін-өзі тәрбиелеу дағдыларын жетілдіру. Бағдарламаның мақсаты жасөспірімдердің танымдық