Анасын сағынған бала шығармасы бойынша оқырман конференциясы

Қызылорда қаласындағы Ыбырай Алтынсарин атындағы

№10 мектеп-лицейдің қазақ тілі мен әдебиеті пәнінің мұғалімі

Ахметова Ұлбала

Тынымбай Нұрмағамбетовтың «Анасын сағынған бала» әңгімесі бойынша 5-сыныптар арасында оқырмандар конференциясы

Мақсаты:

Жазушы Тынымбай Нұрмағамбетовтың шығармашылығымен таныстыра отырып, оқушылардың кітап оқуға деген қызығушылықтарын дамыту.

Міндеттері:

Оқушылардың тіл байлығын, сөйлеу мәдениетін қалыптастыру;

Өз бойына жақсы оқырман тәжірибесін жинақтауға ынталандыру;

Өз пікірлерін айтуға дағдыландыру, ойлау, жүйелі салыстыру қабілеттерін жетілдіру;

Көркем шығарманың тәрбиелік мәнін жеке өмірінде қолдануға бағыт беру.

КОНФЕРЕНЦИЯ БАРЫСЫ

1) Қызығушылықты ояту

Бүгінгі конференциядан не күтесіздер?

Жеке ойларыңызды жазыңыздар және топта бөлісіңіздер.

5минут

1.Кіріспе ретінде «Кітап бізді неге үйретеді?» деген сұраққа жауап іздеп көрейікші.

Кітап – адам баласын тек жақсы қасиеттерге жетелейді.

Кітап – дүниенің қыр-сырын танып білуге көмектеседі.

Кітап – адамды мейірімділікке, әдептілікке, еңбексүйгіштікке, шыдамдылыққа үйретеді.

Кітап – ұрпақтан ұрпаққа жалғасып отыратын білім мен тәрбие беретін құрал.

Кітап – адамның танымдық қабілетін арттырып, рухани дүниесін байытады.

Адам баласы ғылым мен білімді, өнер мен өнегені кітаптан алады. Сондықтан «Кітап – жан азығы» деп бекер айтылмаған. Кітапты көп оқыған адам ғана білімді болады. Ал білімді болсаң елге сыйлы боласың. Сол себепті баршаңызды рухани азығымыз – көркем әдебиетті көп оқуға шақырамын.

2.Жазушынының өмірімен таныстыру

Тынымбай Нұрмағанбетов 1945 жылы 10 маусымда Қызылорда облысы, Жаңақорған ауданының «Бірлік» кеңшарында дүниеге келген. 1968 жылы Қызылорда қаласындағы Н.В.Гоголь атындағы педагогикалық институтының қазақ тілі және әдебиеті факультетін бітіргеннен кейін еңбек жолын көп тиражды «Су құрылысшысы» газетінен бастаған. Қызылорда облыстық радио комитетінде істеген. «Жазушы» баспасында редактор қызметін атқарған. 1981 жылы М.Горький атындағы Жоғары әдебиет курсын бітірген. Ш.Айманов атындағы «Қазақфильм» киностудиясының сценарийлық коллегиясында қызмет істеген.

Алғашқы әңгімелер жинағы 1971 жылы «Қауын иісі» деген атпен шықты. Содан бері бірталай кітабы жарық көрді. Біраз туындысы орыс тіліне аударылып, жеке кітап болып басылды. «Қош бол, ата», «Қарлығаштың ұясы» повестері Қазақ КСР Баспа, полиграфия және кітап саудасы істері жөніндегі мемлекеттік комитеті, Қазақстан ЛКЖО Орталық Комитеті, Қазақстан Жазушылар одағы, «Жалын» альманахы…