Қайырымдылық – асыл қасиет тақырыбындағы мақала

Қайырымдылық – асыл қасиеттің бірі.

«Аз қайырымдылық жасаудан ұялма, қайырымсыз болу одан да жаман» деп атақты Әли ғұлама айтпақшы, 2019 жылдың 3 шілдесі мен 30 қыркүйегі аралығында әлеуметтік көмекке мұқтаж отбасының балаларына көмек көрсету мақсатында ұйымдастырылған Республикалық «Мектепке жол» қайырымдылық акциясы біздің мектебімізде де ұйымдастырылып өтті.

Акцияның мақсаты - көп балалы, аз қамтылған отбасыларының балаларына көмектесу, баланың мектепке бармай қалуының алдын алу.

Әлеуметтік көмек көрсетілген бұл акцияға өз еркімен мектеп ұстаздары да белсене қатысып, оқушыларды мектеп құралдарымен, спорттық киіммен, мектеп формасымен қамтамасыз етті.

Жаны жомарт, жүрегі нұрға толы ауыл азаматтары мен кәсіпкерлер де ұйымшылдық танытып, ата-аналардың қалауын орындап, бүлдіршін-балаларды қуантып жатты. Атап айтатын болсам, Қазмұнайтеңіз мекемесі 8 оқушыға оқу құралдарымен мектеп сөмкесін сыйласа , жеке кәсіпкерлер Ж.Мырзабекова, А.Калниязова, А.Халмамедова, М.Бертілеуов,

91, 85 жылғы туылған ауыл жастары, А.Наурызбаева, Н.Отаров, Н.Отарбаева, Л.Отарбаева, Ш.Нұрсұлтан, Г.Ескожиева, Төреғожиндер әулеті, С.Қарамурзиев , Ип «Матаев» , «Дина» сұлулық салоны 14 оқушыға қомақты түрде өз көмектерін ұсынды.

Аталмыш шара 30 қыркүйек күні аяқталып қалмай, қазан айның ортасына дейін жалғасын тапты. Дәл осындай игілікті іске араласып, қайырымдылық танытқан барша еріктілерге үлкен алғысымызды білдіреміз. «Қайырымдылық жасасаң, қайырын өзің көрерсің» демекші, жасалған ізгі амалдарыңыз сауапқа жазылып, әр істеріңіз берекеге толы болсын!!!

«Боранқұл орта мектебі»КММ

Әлеуметтік педагог

Утебаева Гулназ Иманбаевна