Қалыптастырушы бағалауды қолданудың тиімділігі, 3 сынып

Қалыптастырушы бағалауды қолданудың тиімділігі

Бағалау-оқушылардың оқу-танымдық әрекеттерін бақылау, оның білім деңгейін анықтау үшін ақпарат жинау; «Бағалау» термині жақын отыру дегенді білдіреді, себебі бір адам басқа адамның не айтып, не істегенін немесе өзін-өзі бақылау жағдайында өзінің дербес ойлауын, түсінігін бақылауы болып табылады. Қалыптастырушы бағалаудың мақсаты: оқушылардың оқуын жақсарту. Оқушы үшін өзінің білімі қай деңгейде екенін біледі, ал мұғалім үшін қай бағытта жұмыс істеу керектігін түсінеді.Оқушылардың өзін-өзі бағалауы, мұғалімнің бағалауы, ұсыныс жасауға үйретуі,топтық бағалау,жазбаша кері байланыс, ишара арқылы бағалау оқыту үшін бағалаудың ажырамас бөлігі.

Бағалаудың бұл түрінің қалыптастырушы болып аталатындығы - бағаның нақты бір оқушыға, оның білім мазмұнын меңгерудегі кемшіліктерін анықтауға және өзіндік орнын барынша тиімді толықтыруға бағытталғаны. Мұғалім бұл бағалау әрекеті арқылы пәнді меңгерудің мақсатын нақты анықтай алады. Қалыптастырушы бағалаудың мақсаты - оқу материалын меңгергендігі жөнінде объективті ақпарат алу, білім алушының кемшіліктерін дер кезінде анықтау, мұғалім - оқушы арасында кері байланысты орнату.Бұл тек оқушы үшін емес пән мұғалімі үшін де жан-жақты ізденісті, шығармашылықты талап етеді. Сондықтан да қалыптастырушы бағалауда мұғалім жұмысты қадамдап жоспарлап, табысқа жету алгоритмін құра білуі керек. Қадамдап жоспарлау кезінде оқу материалының аралық деңгейін анықтау мақсатында, бағдарламалық материалды қайталауда әрі қорытындылауда қалыптастырушы бағалау техникасын орынды жоспарлап, қолданған жөн.

Қалыптастырушы бағалаудың түрлері :

• Қалыптастырушы бағалау әртүрлі формада іске асады (ауызша сұрау, жазбаша, практикалық жұмыстар, мадақтау, көтермелеу, т.б.) және жиынтық бағалауға дейін мұғалімге де, оқушыға да оқу барысында кеткен кемшіліктерін түзетуге, қайта қарауға мүмкіндік береді.

Мен өзім бастауыш сынып мұғалімі болғандықтан,бастауыш сынып оқушыларының жас ерекшелігін ескере отырып қалыптастырушы бағалаудың бағдаршам, жасыл қалам, бас бармақ, қатені анықтау, түрткі сауал сияқты әдіс-тәсілін ұсынар едім.

Қалыптастырушы бағалаудың басты алға қойған міндеті бағалау критерийлері мен дескрипторлардың орындалуы.

І. Жасыл қалам. Оқушылар қалыптастырушы бағалау тапсырмасын орындағаннан кейін оған мұғалім ұсыныстар жазып ата-анаға ұсынады. Ата-ана үйде ұсыныстар негізінде баласымен қайталау , қатемен жұмыстар жасайды.