Қарлығаш, дәуіт, жылан 6-сынып ашық сабақ жоспары

Қысқа мерзімді жоспар

Ұзақ мерзімді жоспардың тарауы:

Қазақстан қорықтары. Өтебай Тұрманжанов «Қарлығаш, дәуіт, жылан»

Мектеп:

Күні:

Мұғалімнің аты-жөні: Карлыгаш Усенова

Сынып: 6

Қатысқандар:

Қатыспағандар:

Сабақтың тақырыбы

Өтебай Тұрманжанов «Қарлығаш, дәуіт, жылан».

Осы сабақта қол жеткізілетін оқу мақсаттары (оқу бағдарламасына сілтеме)

6.3.4.1. Мәтіндердің тақырыбына, мазмұндық құрылымына сүйене отырып, түрлерін салыстыру. 6.5.1.5. етістіктің шақтарының (нақ осы шақ, ауыспалы осы шақ, жедел өткен шақ, ауыспалы келер шақ) қызметін білу, ауызша және жазба жұмыстарында қолдану.

Сабақтың мақсаты

Барлық оқушылар орындай алады: Мәтіннің тақырыбы мен мазмұндық құрылымына сүйеніп, түрлерін салыстырады. Етістік шақтарының қызметін біліп, ауызша және жазба жұмыстарында қолданады. Оқушылардың көпшілігі орындай алады: Мәтіндерді оқып, мазмұндық құрылымын салыстырады. Мәтіндегі етістік шақтарын табады.

Кейбір оқушылар орындай алады: Мәтіндердің тақырыбына, мазмұндық құрылымына талдау жасай отырып салыстырады, етістіктің шақтарын ажыратады, ауызша және жазба жұмыстарында қолданады.

Ойлау дағдыларының деңгейі

Білу, түсіну, салыстыру, қолдану.

Бағалау критерийі

Мәтіндердің тақырыбына, мазмұнына сүйенеді, құрылымдық түрлерін салыстырады.

Етістік шақтарының жасалу жолдарын біледі, түрлерін ажыратады.

Жазба және ауызша жұмыстарда етістіктің шақтарын орынды қолданады.

Тілдік мақсаттар

Оқушылар тапсырманы орындай алады: Мәтіндегі кейіпкерлердің іс-әрекетін салыстырады, мәтіннен етістіктің шақтарын таба алады. Пәнге қатысты сөздік қор мен терминдер: дұшпан, мақтау, жақтау, қарлығаш, дәуіт, жылан, маса, айдаһар т.б.

Талқылауға арналған сұрақтар: 1. Қарлығаштың қандай қасиетін білесіңдер?

2. Қарлығаш адамның досы деген ұғымның шығу себептері

Құндылықтарға баулу

Бірлік пен ынтымақтастықты сақтау, бірлесе еңбектенуге баулу, өмір бойы білім алу.

Пәнаралық байланыс

Табиғаттану, өзін-өзі тану, география

Алдыңғы білім

Қарлығаш, дәуіт, жылан туралы түсініктері бар. Етістік, етістіктің шақтары туралы біледі.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

5 минут

І.Ынтымақтастық орнату. Оқушылармен амандасып, шаттық шеңберін құрып, бір-біріне жақсы тілектер айтады.

ІІ. Топқа бөлу. Қарлығаш, дәуіттің суреттері арқылы екі топқа біріктіремін.

1-топ. Қарлығаштар

2-топ. Дәуіттер

ІІІ. Ширату жаттығуы. «Сұрақ-жауап» әдісімен жетекші сұрақтар арқылы үй тапсырмасын сұраймын.

Сұрақтар:

1. Қазақстанда өсімдік дүниесінің неше түрі Қызыл кітапқа енген?

2. Қазақстанда өсімдіктерді қорғау үшін қандай жұмыстар жүргізілуде?

3. Еліміздегі өсімдіктердің жойылып кетуіне адамдардың әсері бар ма?

4. Өсімдіктерді Қызыл кітапқа ену себептері?

Суреттер

Сабақтың ортасы

20 минут

10 минут

«Миға шабуыл». Оқушыларға суреттер көрсету арқылы және жетекші сұрақтармен сабақтың тақырыбын ашу.

Жетекші сұрақтар:

1.Балалар, тақтадан ненің суретін көріп тұрсыңдар?

2.Осы кейіпкерлерге байланысты нені ұқтыңдар?

ҚБ: мадақтау, мақтау

Оқылым алды тапсырма. Топтарға екі мәтін беріледі.

1-топқа. «Қарлығаш, жылан, дәуіт»

2-топқа. «Қарлығаштың құйрығы неге айыр»

«Джигсо 2» әдісіне салып мәтінді бірнеше бөлікке бөліп, топтың әрбір мүшесіне таратамын.

Мәтінді әрбір топ мүшелері оқып, топта бірін-біріне түсіндіріп, мәтіннің мазмұнын, құрылымын анықтайды. Топтар арасынан спикер тағайындаймын. 1-топ 2-топқа, 2-топ 1-топқа мәтіндердің мазмұнын түсіндіреді.

Оқылым кезеңі:

1-тапсырма.

1-топ.

Қарлығаш, дәуіт, жылан

Қарлығаш жардың қуысына ұя салып, балапан шығарыпты. Анасы азық әкелуге кеткенде, балапандары шыдамсыздана күтумен болады екен..

Бір күні қарлығаштың ұясына жылан өрмелеп бара жатады. Мұны көрген қарлығаш шыр-шыр етіп, балапандарына арашашы іздейді. Ұшып көкекке барады.

Қарлығаш: «Көкек, маған көмек бере гөр, балапандарымды жылан жейін деп жатыр!» – дейді.

- Бүркіт қонаққа шақырып еді, уақытым жоқ, – дейді көкек.

Қарлығаш ұшып қарғаға келеді. – Қарғажан, маған көмек бере гөр. Балапандарымды жылан жегелі жатыр, – дейді жылап тұрып.- Қарға қарлығашқа бұрылып қарамастан: Мен үйленейін деп жатырмын, мазамды алма! – дейді маңғазданып.

Қарлығаштың амалы таусылып, шырылдап ұшып келеді. Қарлығашқа дәуіт .- Улы жылан балапандарымды жұтпақшы болып, ұяма өрмелеп барады. -Олай болса, мені тезірек жеткіз, -дейді дәуіт. Қарлығаш қанатын тосады. Қарлығаш пен дәуіт көзді ашып-жұмғанша ұяға жетеді.

Дәуіт ұяға жетіп қалған жыланға тап береді. Жылан сылқ етіп жерге құлап түседі.

Дәуіттің ерлігіне сүйсінген қарлығаш онымен айнымас дос болады.

Содан бері талай заман өтсе де, қарлығаш пен дәуіт бір ұяда тұрып, бірге өмір сүретін болған екен.

2-топ.

Қарлығаштың құйрығы неге айыр?

Күндердің бір күні Жылан жер жүзіндегі жанды мен жансыздарға мынадай арыз айтады: