Қарлығаш пен дәуіт ертегісі бойынша ашық сабақ

Күні: 21.11.2018 ж

Білім беру саласы: «Коммуникация»

Бөлімі: «Көркем әдебиет»

Тақырыбы: «Қарлығаш пен дәуіт ертегісі»

Мақсаты: Ертегіні тыңдата отырып, Қарлығаш адамға дос құс екенін, дәуіттің адалдығын балаларға түсіндіру. Ертегіні сахналау арқылы,тақпақ - өлеңдер арқылы тілдерін дамыту. Ертегі арқылы адамгершілікке, мейірімділікке баулу.Балаларға табиғатты сүюге,аялауға,бір-біріне көмектесуге құстарға қамқор болуға тәрбиелеу.

Әдіс-тәсілдер: Саяхат сабақ,сұрақ-жауап,ойындар,сергіту сәті.

Сөздік жұмыс: дәуіт,ұя,көкек,жылан,жар.

Билингвальды компонент: қарлығаш-ласточка,дәуіт-богомол.

Оқу іс-әрекетінің көрнекіліктері: слайд,видео.

Шаттық шенбер!Кәне, кәне, тұрайық,Үлкен шеңбер құрайық.Тұрсақ енді шеңберге,Алақанды ұрайықҰстаздарға бұрылып,Амандасып алайық.Сәлеметсіздер ме, ұстаздар!

Оқу іс-әрекетінің барысы: Ұйымдастыру кезеңі.

-Балалр,сендер ертегілер әлеміне саяхатқа барғыларын келе ме?

Олай болса,көздерінді жұмындар.(балалар көздерін жұмады)

Ертегілер әуені қосылып,слайд қосылады.Балалар көздерін ашады.

Тосын сәт: Есік қағылады. Ішке ертегілер елінен келген Тазша бала кіреді. Балалармен сәлемдеседі. Тазша бала өзімен бірге ертегі, жұмбақтар әкелгенін айтады. Балаларға жүмбақ жасырады.

Тазшаның жұмбағы:

1.Түсі қара мақпалдай, Төсіне ақ сыр жаққандай. Ұшса оқтай зырлайды, Көктен жұлдыз аққандай (қарлығаш)

2.Үп – үшкір таяғы Жыланның көзін ояды. (дәуіт)

Олай болса,мен сіздерге ертегі айтып берейін.

Тазша бала «Қарлығаш пен дәуіт» ертегісін айтып береді.

- Қарлығаштың ұясы қайда орналасқан?

- Жылан не үшін келді?

- Қарлығаш көмекке кімді шақырды?

- Көкек не деді?

- Қарға не деді??

-Дәуіт не істеді?

-Қарлығашқа кім көмектесті?

Билингвальды компонент: қарлығаш-ласточка,дәуіт-богомол.

Ойын: I топ-«Артық кейіпкерлерді» тап

II топ-«Қарлығашты» құрастыр.(құстар туралы тақпақтар сұрау)

Суретпен жұмыс: «Тыйым сөздер»

-Құстың ұясын бұзба!

-Құстың балапанына тиіспе!

-Құсқа тас лақтырма!

3.Сергіту сәті:

Қане қанат қағайық,

Қарлығаш боп ұшайық,

Ұшып-ұшып алайық,

Орнымызға қонайық.

4.Дидактикалық ойын: «Ұшты-ұшты».

Ойын шарты: «Ұшты-ұшты қарлығаш ұшты» деген кезде балалар қолдарын көтереді. Ұшпайтын затты айтқанда, қолдарын көтермеуі керек.

Тазша балалармен бірге ойнайды. Өз ризашылығын білдіріп, ертегілер еліне қайтады.

Қорытынды:

- Бізге қонаққа кім келді?-Қандай ертегі айтып берді?-Ертегі сендерге ұнады ма?- Жылан не үшін келді?- Қарлығаш көмекке кімді шақырды?- Көкек не деді?- Қарға не деді??-Дәуіт не істеді?-Қарлығашқа кім көмектесті?- Қарлығаш - адамға дос.- Дәуіт - адал, достарына көмектеседі.- Қиындықта достарыңа көмектесу керек.