Қарты бар ел қазыналы ел тәрбие сағаты

Күні: 01.10.2018

Тақырыбы: «Қарттары бар ел-қазыналы ел»

Мақсаты: Оқушы бойына халқымыздың асыл қадір-қасиеттерін сіңіру,үлкенді сыйлай білуге,өз ата-бабасын ұмытпай есте сақтау үшін және салт-дәстүрден нәр алып өсуіне,инабаттылыққа,мейірімділікке,жаман мен жақсыны ажырата білуге,аталы сөзден ғибрат алуға тәрбиелеу.

Көрнекілігі: «Ата-балаға сыншы», «Отбасының қос шынары- ата мен әже», «Ақылды қария-ағып жатқан дария» деп жазылған нақыл сөздер.

Барысы:

І.Кіріспе сөз:

А) Келген қонақтарды қарсы алу.

ІІ. Негізгі бөлім:

Ә) Қарттарымыз қазына екендігін түсіндіру;

Б) Қарттар күніне арналған ақын жазушылардың өлең шумақтары;

В) Аталарымыздың оқушыларға берер ақыл кеңестері, оқушылардың сұрақтары;

С) Концерттік бағдарлама.

ІІІ. Қорытынды.

1- жүргізуші(Лариса): Армысыздар, құрметті қонақтар, ақ жаулықты аналар мен асқар таудай әкелер!

«Қарттары бар ел-қазыналы ел» атты бүгінгі ашық тәрбие сағатына қош келдіңіздер!

Қарттарым жүректерің неткен дархан,

Көтерген тұрмыс жүгін сенің арқаң.

Жолыңды жүріп өткен қарасам мен

Оқитын келешекте бір-бір дастан.

Таң атып күн де шыққан өздеріңмен,

Жалындап жұлдыз жанған көздеріңнен.

Тербедің көктем бағын самал болып

Өсиет жастарға айтқан сөздеріңмен,- деп асыл қазына, арқа сүйер тірегіміз болып аман-есен жүре беріңіздер.

2- жүргізуші(Бексұлтан): Қымбатты ақылдың кенін арқалаған Ақ жаулықты аналар!Шынайы

да ізгі сезімдерді,білімнің алтын діңгегін сыйлаушы ұстаздар қауымы!Барлықтарыңызды

қазан айының алғашқы мерекелері қарттар,ұстаздар мерекесі тоғысқан күнімен құттықтаймыз.

1-жүргізуші(Лариса): Бұл мереке аға ұрпақтың қоғам өміріне қосқан үлесіне шынайы

ризашылық білдіретін және ардагерлерге қамқорлық көрсететін күн болып табылады.Ел

президенті Нұрсұлтан Әбішұлы Назарбаевтың сарабдал саясатының арқасында Қазақстанда

ардагерлерге қамқорлық жасауда ауқымды шаралар іске асырылуда.

2-жүргізуші(Бексұлтан): Бүгінгі ұрпақ үшін жасаған бар жақсылықтарыңыз үшін шынайы

алғысымызды білдіреміз.Сіздерге зор денсаулық,көтеріңкі көңіл-күй,отбасыларыңыз бен

замандастарыңыз арасында атап өтетін мереке күндеріңіз көп болсын деп тілейміз. Егде

тартқан жастарыңыз еңселеріңізді түсірмей, өмірлік күш-қуаттарыңыз ұзағынан болғай!

Жүректен шыққан ізгі тілектерімізді қабыл алыңыздар.

Баршаңызға мықты денсаулық,көтеріңкі көңіл күй, ұзақ ғұмыр тілей отырып, М.Мақатаевтың

«Қариялар азайып бара жатыр» монологынан үзіндісін Бейскалиев Адилеттің орындауында

тыңдап көрелік.

1-оқушы.(Аружан)

Қош келіпсіз ақ жаулықты аналар,

Ақыл кенін арқалаған аталар

Алдарыңда жауқазындай құлпырған,

Біз алаңсыз балғын шақты балалар.

2-оқушы.(Расул)

Әкелер!

Мәңгі өшпейтін атақ-даңқың,

Жүрегімнің лаулатып отын жақты.

Ерлігіңді жалғастырсам,бақыттымын,

Сендер ғой маған берген осы бақты.

3-оқушы.(Асыл)

Аналар!

Қарыздармын өзіңе мен,

Қайыспай қиындыққа төзе білген.

Жүздеріңді әжімдер басқанымен

Баяғы бәз жүздерің өзгермеген.

4-оқушы.(Мұхтар)

Аталар-асқар таудай қорғанымыз.

Аналар-саясы мол орманымыз.

Қызығын ұрпағыңның көре берші

Жортқанда бола берсін жолдарыңыз.

1-жүргізуші(Лариса): Экранда «5 минуттан кейін ата-анаңызды неге жақсы көретініңізді

түсінесіз» бейне-ролигіне назар аударайық.

Осы бейне-ролик жайында оқушылар сіздердің пікірлеріңіз қалай?

Оқушылар өз ойларын айтады.