Қарым-қатынас әліппесі ашық тәрбие сағаты, 1 сынып

Өзiн-өзiтану сабағының жоспары

Мектеп______________Мерзiмі № 19

Тақырып: Қарым –қатынас әліппесі.

Құндылық: Дұрыс әрекет

Қасиеттер: ізгілік, риясыздық, саналылық.

Мұғалiм:

Сынып:

Сабақ мақсаты: оқушыларға қарым-қатынас жасау әліппесі туралы түсінік бере отырып, дұрыс әрекет құндылығының мәнін ашу.

Міндеттері:

- оқушыларға адами қарым-қатынас жасау ұғымын сыйластық қасиетімен байланыстыра отырып ұғындыру.

- оқушыларды қарым-қатынастағы әдептілікке үйрете отырып, ізгілік, тәртіптілік, сыйластық қасиеттерін дамыту.

- оқушыларды ізгілікке, тәртіптілікке, сыластыққа тәрбиелеу.

Ресурсы: суреттер,

үнтаспа

Сабақ барысы:

1.Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

5 Т ережесін еске салу.

Сабақ барысын талқылау:

2. Дәйексөз

«Жақсылықтан жақсылық туады»

халық мақалы

- Жақсылықты қалай түсінесіндер?

Адал ниет, шын көңілмен жасалған қарым-қатынас үйлесімді болады.

Қарым – қатынастың жақсы болу сыртқы жағдайлардан гөрі адамның ішкі жан дүниесіне, ниетіне байланысты.

Адамдар арасындағы қарым – қатынас адамгершілікке бағытталғанда адам өмірі мәнді , үйлесімді болады. Ол адамдардың өзара түсіністігін , сыйластығын туғызып, өзін және өзгеледі құрметтеуге жеткізеді.

3. Әңгiмелеу

«Мейірімнің күші» әңгіменің сұрақтар қою арқылы мәнін ашу.

- Бір адам не істеді?

- Оның досы қандай жақсылық жасады?

Жақсылық қалай жалғасын табады?

- Олардың бойларында қандай қасиет бар?

- Ал сендерде ол қасиет бар ма?

Адамдардың бақытсыздықтан құтылуының сыры неде?

Өзгелердің жақсылығын мен мейірімін қалай сезінесіңдер?

- Сендер біреуге жақсылық жасап көрдіңдер ма?

4. Шығармашылық жұмыс

«Қарлығаш пен дәуіт» мультфильмін көру.

Сахналау

Берілген мәтін негізінде сахналық көрініс дайындау.

Дәптермен жұмыс.

Дәптердегі суретті бояңдар.

Қоршаған ортамен үйлесімді қарым-қатынас жасау ережесін жасаңдар.

5. Топпен ән айту

Балалар барлығы қосылып ән айтады.

«Бала тілегі» Сөзі С. Молдасанұлының

Әні Ф. Жолдасованың

Бал-балалық,балдырған шақ сан арман,

Барлық бала армандауға жаралған.

Кел, достарым, әндетіңдер,билеңдер,

Гүлденсін деп атамекен қара орман.(2рет)

Болашақтың иесіміз бәріміз,

Туған жердің түрлендірер нәріміз.

Алтын бесік-ұлан байтақ елімде

Жарқын болсын шырқап айтар әніміз.(2рет)