Қарым-қатынас жарастығы психологиялық ойыны

Мұғалімдерге арналған психологиялық тренинг

«Қарым-қатынас жарастығы»

Мақсаты: Мұғалімдер арасындағы қарым-қатынасты нығайту, жағымсыз көңіл- күйден арылу, күш-қуат жинау, өзін еркін сезінуге көмектесу. Ұжым арасындағы байланысты нығайта отырып, эмоцианолды жігер беру, бірі-бірі кеңірек танып білуге, көңіл күйлерін көтеру.

Қажетті құрал-жабдықтар: қағаз, түрлі-түсті қарындаштар,бояулар, стикер қағаз, музыкалық әуен.

Ұйымдастыру кезеңі: (5 минут)

Психолог сөзі: Сәлеметсіздерме, құрметті ұстаздар! Бүгін сіздердің

психологиялық көңіл- күйлеріңізді көтеру өз бойларыңыздағы шығармашылық қабілеттеріңізді бағалай білуге өз-өзіңізге құрметпен қарауға, бір-біріміздібен сыйластық қарым-қатынаста болуға жиналып отырмыз.

Жұмыс жасау ережесі: Сіздерден өтінетінім жұмыс барысында шынайы болуларыңыз керек. Сіздердің көңілдеріңіз, сезімдеріңіз қаншалықты шынайы болса біздің жұмысымыз соншалықты нәтижелі болады. Топ ішінде өтірік айтуға болмайды, егер де шын талдауға дайын болмасаңыздар, онда еш нәрсе айтпаңыздар. Не айтсақ та осы топ ішінде қалу керек. Ол біздің жұмысымыздың этикалық негізінің бірі. Бір мұғалімнің мәселесін тренингке қатыспаған адамға айтып талдамаймыз. Онын барлығын тренинг барысында орындаймыз. Тренингке қатысушы әр адам тек өз атынан ғана сөйлейді Бір- бірімізді сынамаймыз, өйткені осы өмірде бізді жеткілікті сынайды, бағалайды. Топ ішінде бір- бірімізді түсінуге тырысамыз.

1-жаттығу. Амандасу

Қатысушылар шеңбер құрып отырады. Нұсқаулық: Барлығымыз орнымыздан тұрып бір-бірімізбен амандасуымыз керек. Берілген белгі бойынша.

1.Қолдарын шапалақтап амандасу

2.Он жақта тұрған көршісінін басын сипап амандасу.

3.Он жақ шынтақтарын түйістіріп амандасу.

2-жаттығуы «Менің визиткам»

Қатысушыларға өздерінің осы тренинг барысында қалай атауды қалар еді, өздер сол есімді визиткаға үлестіреді де скотч арқылы кеуделеріне бекітеді.

3-жаттығу Арт терапия элементін қолдану арқылы сурет салу.

Бәріміз емін еркін отырып, терең дем аламыз. Ешқандай нәрсе ойламауға тырысайық. Алдарыңызға берілген қағазға өз ойыңызды суретпен көрсетіп салыңыз. Ойларын сұрап, қорытындылау.

1.Мен өзімді қалай көремін. (Мен қандаймын)

2. Мені басқалар қалай көреді.

3. Ал шын мәнінде мен қандаймын.

4. Менің ұстанымым

4-жаттығу Арт терапия элементін қолдану арқылы сурет салу

Манка әдісі

Мақсаты: Оң жақ және сол жақ жарты шарға ,ми қызметіне, маторикасына әсер ететін әдіс. Бәріміз емін еркін отырып, терең дем аламыз. Ешқандай нәрсе ойламауға тырысайық. Алдарыңызға берілген…