Қарым-қатынас жасай білу үлкен өнер 11 сыныпқа

БҚО, Жаңақала ауданы, Жаңақала ауылы

№3 жалпы орта білім беретін қазақ мектебі

Педагог-психолог: Губайдуллина Алмагул

Мейрамгаликызы

«Қарым-қатынас жасай білу-үлкен өнер»

( тренинг-сабақ)

Тренинг мақсаты: тренингке қатысушыларға айналасындағы адамдармен, қоршаған орта, өзін-өзі қалыптастыру барысында ұмытылысын дамыту, өзін-өзі тану қабілетін, өзін-өзі дамыту жолында мақсат қойып, оны орындау мен жеке тұлға ретінде өсуін дамыту.

Қажетті құралдар: тренинг ережесі, магнитофон, жай әуен, ақ парақ пен қалам.

Тренинг барысы:

- Сәлеметсіздер ме, оқушылар! Бүгінгі сергіту сәтіне қош келіпсіздер!

Әрбір адам – өмірге келген қонақ. Өмір өте мәнді, мағыналы, маөмұнды өтуі үшін «қамшының ғана сабындайй қысқа өмірде» адамдардың бір-бірімен сыйластықта болғанына не жетсін?

Олай болса, бүгінгі тренингімізді арамыздағы жақсы қарым-қатынасқа арнаймыз. Адамның қарым-қатынас ең алдымен оның көңіл-күйіне байланысты. Көңіл-күй адамның ішкі дүниесінің құбылысы, көңіл-күй адамның айнасы.

- Ал, қанекей құрметті оқушылар, барлығымыз алдымыздағы ақ қағазға көңіл-күйімізді түсірейік. Адам мен табиғат үқсас, егіз ұғымдар. Әрқайсымыздың көңіл- күйіміз табиғат тәрізді бірде бұлттанады, бірде шайдай ашылады, бірде жауындатады, бірде түнереді. Табиғат құбылыстарымен байланыстыра, қағаз бетіне түсірейік.

Қарым-қатынас жасау арқылы адамдар айналадағы дүниеден мәлімет алады, жан-дүниесі кеңейеді, білімі тереңдейді. Адамдармен қарым-қатынас жасау шеберлігі адамның ішкі мәдениетіне, біліміне, тәрбиесіне байланысты болады десек артық емес. Ендеше, қарым- қатынасқа түсу үшін орнымыздан тұрып, шеңбер жасайық. Қолдарымыздан ұстап атымыздың бас әрпін сын есіммен тіркестіріп айтамыз. Мысалы, қажырлы Қайрат, көрікті Кәмшат.

«Екі шындық және бір өтірік» ойыны.Сіздер қазір екі шындық және бір өтірік айтасыздар. Мысалы, менің атым Миргүл. Мен осы мектептің жобасын жасаған белгілі архитектормын. Және мен балмұздақты ұнатамын. Әрі қарй жалғастырамыз.

Кейде отбасында, жүрген ортамызда, көпшілік орындарда түсініспеушілік, кикілжің, ерегес жағдайлармен бетпе-бет кездесіп қаламыз. Кикілжіңнің неден шығатынын, кикілжіңді болдырмау, одан шығу долдары бар ма, сол тұрғыдан жұмысымызды жалғастырайық.

«Карусель» ойыны. Топ мүшелері 2-ге бөлінеді. 1-ші топ ішкі, 2-ші топ сыртқы болып бөлінеді. Әрбір топқа мен белгілі бір рольді берем. Сендер соны тез арада 2-3 минутта көрсетулерің керек. Мысалы:

- Сіздің қарсы алдыңызда өзініз жақсы танитын, бірақ, едәуір ұзақ уақыт бойы көрмеген адам тұр. Сіз бұл кездесуге қуаныштысыз...

- Сіздің қарсы алдыңызда таныс емес адам тұр. Онымен танысыңыз...

- Сіздің қарсы алдыңызда кішкентай бала тұр, ол әлденеден шошынған. Оған жақындап барыңыз және жұбатаңыз.

- Ұзақ көріспеуден кейін сіз сүйіктіңізді кездестірдіңіз, із бұл кездесуге өте қканыштысыз...

«Кім екенін тап » ойыны. Әрбір адам өзінің аты-жөнін көрсетпей, өз-өзіне психологиялық мінездеме жазады.