Қашықтан оқытудағы логопедиялық жұмыстың ерекшеліктері

Алматы облысы

Еңбекшіқазақ ауданы

Түрген ауылы

«Ломоносов атындағы орта

мектеп-мектепке дейінгі

шағын орталығымен» КММ

Дефектолог

Тулеугизова Коркем Ерлановна

Қашықтықтан оқытудағы логопедиялық жұмыстың ерекшеліктері.

Аннотация

Мақала заманауи білім берудің өзекті мәселелерінің бірі-қашықтықтан оқытуға арналған. Мақаланың негізгі міндеті-логопедиялық сабақтарды немесе кеңес беруді қашықтықтан қалай жүзеге асыру.Мақалада логопедиялық оқыту формаларын талдау және кеңес берудің негізгі бағыттары берілген.Қашықтықтан оқытудың дәстүрлі сабақ түрлерінен айырмашылықтары көрсетілген. Қашықтықтан оқытудағы коррекциялық сабаққа қатысушы оқушылармен олардың ата-аналарының мәселелері жолға қойылды. Қашықтықтан оқытудың тиімділігі, педагогикалық жаңа технологиялар және логопедиялық сабақтардың жүргізілуі. Қашықтықтан оқыту дәстүрлі сабақтан өзгешелігі туралы баяндалады.

Түйінді сөздер: қашықтықтан оқыту, форма, технология, коррекция.

Біздің мемлекетіміз тәуелсіздігін алғаннан бері білім беру ісіне аса көңіл бөліп келе жатқан алдағы мемлекеттердің бірі. Қандай жағдай болмасын білім беру тоқтатылмауы тиіс. Қазіргідей қиын жағдайда да біздің мемлекетіміз білім беру саласында оңтайлы шешім қабылдай білді.Ол әрине қашықтықтан оқыту бағдарламасы.Соның ішінде коррекциялық сабақтарды да қашықтықтан оқыту жолға қойылып отыр.Қашықтықтан білім беру барысында коррекциялық түзету жұмыстарын жаңа заманға сай, жаңартылған ақпараттық технологияларды пайдалана отырып ,логопедиялық кеңес беру болашағы мол әдіс. Мұндай әдіс бала мен оның ата-анасына жаңа бағытта үздіксіз коррекциялық жұмыстарды жүргізуге өз үлесін қосады.

Қашықтықтан оқытудың ғылыми-негізделген және тиімді практикалары мен технологияларын қолданудың озық тәжірибесін зерделеу бізге отандық дефектологияның сабақтастығын сақтауға және жаңа, перспективалық бағыт – қашықтықтан түзету педагогикасын қалыптастыру процесін іске қосуға мүмкіндік береді. Бұл шалғай өңірлер үшін қолжетімді болып табылады. Қашықтықтан оқытудың технологиялардың арқасында тек карантин кезінде ғана емес, сонымен қатар денсаулығына байланысты білім алуға мүмкіндігі жоқ балалармен қашықтықтан сабақ беруге болады. Жазғы кезеңде ата-аналар балалармен бірге тұрақты тұратын жерінен тыс демалуға шығатын жағдайларда, бала қалыптасқан дағдылары мен біліктерін жоғалтпауы үшін қашықтықтан оқыту тиімді.

Түзету педагогына қашықтықтан кеңес беруді қалай тиімді пайдалануға болады? Мүмкіндіктерді тексеру.Сіздің оқушыңыздың қашықтық сабақтарға көшуге техникалық мүмкіндігі бар екеніне көз жеткізіңіз. Қашықтықтан оқытуға қажетті жабдықтар (компьютер немесе планшет), бағдарламалық жасақтама (Skype немесе Zoom бағдарламалары), принтер және ең бастысы балада ғаламтор желісі бар ма соны анықтап алу қажет. Егер осындай техникалық мүмкіндік болмаса, WhatsAPP немесе VIBER бағдарламаларын пайдалана отырып кеңес беруге болады Тәжірибе жинақтау.Қашықтықтан сабақ беру мектептегі сабақ беруден әлдеқайда өзгешелігімен ерекшеленеді. Қашықтықтан сабақ беру барысында біз өзімізге әр түрлі тәжірибелік сабақтар жүргізе алдық Егер оны пайдаланғыңыз келсе, оны мәселе ретінде емес, жаңа тәжірибе ретінде қарауға тырысыңыз. Егер бір нәрсе болмаса немесе шықпаса, өкінбеңіз. Түзету процесін жаңаша бейімдеуге және қайта құруға уақыт беріңіз. Мақсаттарымызды анықтап алу.

Біз қашықтықтан сабақ беруде қандай мақсатқа жеткіміз келеді?

Оқушылардың дамуының ауытуларына немесе тіл кемістіктеріне байланысты әрқайсысына жеке түрде қашықтықтан оқытудың бағдарламасын құру.Сонымен қатар балалардың ата-аналарымен тығыз байланыста болуымыз қажет.Осындай жағдайда ата-аналар ұстаздарға оқушымен қашықтықтан қарым-қатыныс жасауға көмектесе алады. Логопед немесе дефектолог ата-анаға логопедиялық кеңес бере алады. Оқушы мен ата-ана берілген кеңестер мен тапсырмалады ескере отырып өз беттерімен жұмыс жасап, видеоесеп жіберіп отырады. Біз алдымызда тұрған мақсаттар мен міндеттерге сүйене отырып, өз жұмысымызды құра аламыз. Егер оқушылар біздің жасаған әдістерімізбен қашықтықтан жұмыс істей алмаса, құралдарымызбен тәсілдерімізді өзгертуіміз қажет болғаны.Қашықтықтан логопедиялық түзету жұмысын баланың…