Қауіпсіз интернет туралы психологиялық мақала

«Қауіпсіз интернет»

Күн өткен сайын қарыштап қарқынды түрде көз ілестірмей дамып келе жатқант технологиялық қоғамда өмір сүріп жатқандықтан ғасыр көшінен қалмай ілесіп отырған жақсы-ақ. Алайда, кез-келген нәрседе таяқтың екі ұшы секілді пайдасы мен зияны қатар жүретіні белгілі. Интернеттің игілігінен гөрі адамзат үшін аса қауіпті тұстары көп екені ақиқат.

Жалпы мектепте бүгінгі қоғамдық түйткілдер, келеңсіз жайттар, керекті, керексіз дүниелерді өскелең ұрпақ санасына сіңіру дұрыс бағыт-бағдар беру турасында түрлі тәрбиелік шаралар өткізіліп тұрады. Солардың бірі мектебіміздің 5-6-7 сынып оқушылары арасында ұйымдастырылған бүгінгі қоғамның өзекті мәселелерінің біріне айналған ғаламтор жайлы оқушыларға ақпарат беру, ғаламтордың біз біле бермейтін, білсекте немқұрайлықпен қарайтын «ғаламаттары» қыр-сыры жөнінде ақпарат беру, интернет желісінің тарихы, сондай-ақ жалпы қауіпсіздік ережелері туралы мәліметтерден хабардар ету мақсатында «Қауіпсіз интернет» атты ойын-сабақ болып өтті. Интернет желісі тарихы жайлы, жалпы мәлімет айтылғаннан соң оқушылар 2 топқа бөлініп, 1 топтан А.Айдын Қ.Арманжан қарсылас топтан Қ.Аружан, Қ.Айжүрек ойлан, жұптас, бөліс стратегиясы аясында пікірталасқа түсті. Екі топтың пікірлері тыңдалынып, толықтырылып, «әлеуметтік желінің әбігері» атты бейнебаянды тамашалады.

Бүгінгі жалпы ойын-сабақ бойынша әрбір оқушы рефлексия жасап қорытынды сөзбен өз ойларын айтты. Кітапты парақтағаннан гөрі ғаламторды көп пайдаланатындар басым. Көпке күйе жақпайық десекте, бүгінгі таңда кітап кемірген емес, ғаламторға телмірген ұрпақ өсіп келе жатқаны жасырын емес. Осындай мәселелерге бей-жай қарамай келер ұрпақтың келешегіне бір баланың санасына сәлде болса сәуле түсіріп, ой саларлық дүние жасай алсақ ол біздің мақсатымызға бір қадам басқанымыз.

Жараспай жалпы орта білім беретін

мектебінің психологі Сағымбай Б.Б.