Қазақ әдебиеті 8 сынып «Күлдір-күлдір кісінетіп...» толғауының өміршеңдігі Сабақ жоспары

Ұзақ мерзімді жоспардың тарауы:

Дананың сөзі – ақылдың көзі

Күні:

Сынып: 8

Мектеп: Алматы облысы, Көксу ауданы, Қ.Қ.Жалайыри атындағы орта мектеп-гимназия

Мұғалімнің аты-жөні: Қасымова Б.С.

Қатысқандар: Қатыспағандар:

Сабақтың тақырыбы

«Күлдір-күлдір кісінетіп...» толғауының өміршеңдігі

Осы сабақта қол

жеткізілетін оқу мақсаттары

8.3.1.1. шығарманың тақырыбы мен идеясын осы тектес басқа шығармалармен салыстырып, тарихи және көркемдік құндылығын бағалау

Сабақтың мақсаты

«Күлдір-күлдір кісінетіп...» толғауының тақырыбы мен идеясын анықтайды. Ақтамбердінің «Күлдір-күлдір кісінетіп... толғауын Махамбет ақынның «Ереуіл атқа ер салмай...» өлеңімен салыстырады, өз пікірін, көзқарасын түсіндіреді. Толғаудағы айтылған ойдың тарихи және көркемдік құндылығын бағалайды.

Тілдік мақсат

Оқушылар:

Тақырыпқа қатысты сөздік қор мен сөз тіркестер:

Төрткілдеп ошақ қаздыру, төбел, Атымтай жомарт, шөлең жер, қыраң жер, қияннан айла табатын

Сыныптағы диалог/жазылым үшін пайдалы тілдік бірліктер:

Толғаудың негізгі идеясы неде? Толғаудан көркемдеуіш құралдардың құндылығын айта аласыз ба? Толғаудың өміршеңдігіне қай сөйлемдер дәлелдеме бола алады?

Ойлау дағдысының деңгейлері

Талдау, жинақтау

Бағалау критерийлері

«Күлдір-күлдір кісінетіп...» толғауының тақырыбы мен идеясын анықтайды. Осы тақырыптас шығармалармен салыстырады. Толғаудағы айтылған ойды бүгінгі күнмен байланыстырады, тарихи және көркемдік құндылығын бағалайды.

Құндылықтарға баулу

Тарихтың, мәдениет пен тілдің біртұтастығы

Пәнаралық байланыс

Қазақстан тарихы

Тақырып бойынша

алдыңғы білім

Жыраулар поэзиясы туралы біледі. Ақтамберді жыраудың шығармаларын біледі.

АКТ

Бейнефильм https://www.youtube.com/watch?v=AgBs-ONvpEc.

Сабақ барысы

Сабақтың

жоспарланған

кезеңдері

Сабақтағы жоспарланған жаттығу түрлері

Ресурстар

Сабақтың басы

2 минут

«Жақсы сөз – жарым ырыс» дегендей, сабақта жағымды атмосфера қалыптастыру үшін оқушылар жанындағы жұбына жақсы сөз (комплимент) айтады.

Есікке толғаудың әрбір жолы жазылған «Кіру билетін» жапсырып қоямын. Оқушылар сабаққа кіргенде, бір-бір билеттен алады.

«Кіру билеті»

Сабақтың ортасы

33 минут

Әр қабырғада толғау шумақтарының бірінші жолдары ғана жазылып тұрады (қосымша №1). Оқушылар «Кіру билетінде» жазылған жолдар бойынша сол шумақтар ілінген қабырға тұсына топтасады. Осы арқылы үй тапсырмасын қаншалықты меңгергендігін анықтап аламын, әрі «Жыраулар», «Әдебиетшілер», «Тарихшылар» деп, 3 топқа бөліп аламын.

ҚБ. «Одағай сөздер» («Керемет!», «Тамаша!», «Өте жақсы!» одағай сөздер) арқылы жүргіземін.

Сабақтың тақырыбы, мақсатымен таныстырамын.

Шығарманың тақырыбы мен идеясын осы тектес басқа шығармалармен салыстырып, тарихи және көркемдік құндылығына баға беру мақсатында «Қалаларға саяхатқа» шығарамын.

1-тапсырма.

«Жыраулар» қаласына «Радиалды диаграмма» арқылы Ақтамберді жыраудың «Күлдір-күлдір кісінетіп...» толғауы (қосымша №2) идеясының өміршеңдігін үзіндідегі мысалдар арқылы дәлелдетемін.

Дескриптор:

1.Үзіндіні түсініп оқиды.

2.Тақырыбы мен идеясын анықтайды.

3.Толғау идеясының өміршеңдігін мысалдар арқылы дәлелдейді.

ҚБ. «Туристік жолдама» арқылы жүргіземін. («Тарихшылар» тобы келесі қалаға жету үшін дескрипторға сүйене отырып бағалайды).

«Тарихшылар» қаласына Ақтамберді жырау (қосымша №2) мен Махамбет ақынның (қосымша №3) өлеңдерінің ерекшелігін анықтату мақсатында «Ақыл-ой аллеясы» стратегиясын ұсынамын.

Дескриптор:

1.Үзінділерді түсініп оқиды.

2.Ерекшеліктерін анықтайды. (Ерекшеліктерін ішіне жазады)

3.Салыстыру арқылы тарихи тұрғыда баға береді. (Тарихи құндылығын сыртына жазады)

ҚБ. «Туристік жолдама» арқылы жүргіземін. («Әдебиетшілер» тобы келесі қалаға жету үшін дескрипторға сүйене отырып бағалайды).

«Әдебиетшілер» қаласына мәтіндегі (қосымша №2) көркемдегіш құралдардың құндылығына баға беру үшін «Көркем сөздер кестесін» толтыртамын.

Көркемдегіш құралдар

Мәтіннен мысал

Түсініктеме (құндылығына баға береді)

Теңеу

Эпитет

Қайталау

Өлең құрылысы (буын, бунақ, ұйқас, тармақ)

Дескриптор:

1.Үзіндіні түсініп оқиды.

2.Толғаудан эпитет, теңеу, қайталауларды теріп жазады. Өлең құрылысына талдайды.

3.Көркемдік құндылығын бағалайды.

ҚБ. «Туристік жолдама» арқылы жүргіземін. («Жыраулар» тобы өз қаламызға қайту үшін дескрипторға сүйене отырып бағалайды).

2-тапсырма.

Оқушылардың бүгінгі сабақта нені меңгергендіктерін «1 минут» стратегиясы арқылы қорытындылатамын. Әр оқушы берілген дескрипторға сәйкес топпен ақылдасып, әрқайсысы өз ойларын 1 сөйлеммен ауызша жеткізеді.

Дескриптор:

1.Бір оқушы бір сөйлем айтады.

2.Айтылған ақпаратты қайталамайды.

ҚБ. «Одағай сөздер» («Тамаша!», «Па, шіркін!», «Неткен керемет!», «Жарайсың!» сөздері) арқылы бағалаймын.

«Қалаларға саяхат»

«Радиалды диаграмма»

«Ақыл-ой аллеясы»

«Көркем сөздер кестесі»

ҚБ «Туристік жолдама»

«1 минут»

Сабақтың соңы

5 минут

Кері байланыс: Құрметті оқушылар! Біздің бүгінгі саяхатымыз аяқталды. Алған әсерлеріңізді «3-2-1» стратегиясы арқылы кері байланыс жазып кетсеңіздер болады.

Сабақта алған 3 маңызды ақпарат;

Қиындық келтірген 2 мәселе;

Сабақта ұнаған 1 аспект.

Үйге тапсырма

«Артық болмас білгенің». Ақтамберді жырау туралы қосымша дерек көздерінен өздерін қызықтырған мәліметтер бойынша сұрақтар дайындап келу

Саралау – Сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз?

Бағалау – Сіз оқушылардың

материалды игеру деңгейін қалай тексеруді жоспарлап отырсыз?

Денсаулық және қауіпсіздік техникасын

сақтау

1. Дарынды оқушыға тапсырма:

Бейнежазбадағы батыр бейнесін мақал-мәтелмен суреттеңіз.

«Маңызды аймақ» стратегиясы

https://www.youtube.com/watch?v=AgBs-ONvpEc. Ф.Оңғарсынова «Қазақтың батырлары» өлеңін тыңдатамын.

Дескриптор:

1. Бейнежазбаны көріп, тыңдайды.

2. Бейнежазбадағы батырдың бейнесін Ақтамберді жыраумен байланыстырады.

3. Мақалмен қорытындылайды.

ҚБ. «Отшашу» арқылы бағалатамын.

«Ескерткіш орнату»

2. Дарынды оқушыға тапсырма: «Жыраулар» қаласына «Өлеңнен ескерткіш» орнатыңыз (қосымша №4)

Дескриптор:

1. Мәтінді түсініп оқиды.

2. Берілген мәтінге сәйкес 2-3 шумақ өлең шығарады.

3. Өлеңде оқушы өзіндік көзқарасын бүгінгі күнмен салыстыра суреттейді.

ҚБ. «Отшашу» арқылы бағалатамын.

3. Ерекше қадағалауды қажет ететін оқушыға тапсырма:

«Мәнерлеп оқудан ескерткіш» орнатыңыз.

Дескриптор:

1. Мәтінді түсініп оқиды.