Қазақ ертегілері тақырыбындағы ашық сабақ, 4-сынып

Сабақ жоспары:

4-сынып. Күні: 17.01.2019

Мектеп:

И.П.Шухов атындағы жалпы орта білім беру мектеп-гимназиясы

Мұғалім:

Жабаева Сұлушаш Үкіметқызы

Сабақтың тақырыбы:

«Қазақ» ертегілері.

Сабақтың мақсаты: 1. Оқушыларға ертегілер жайлы ақпарат беріп, түсініктерін кеңейте түсу. Оларға қызықты тапсырмалар орындата отырып, ертегілер арқылы тілін дамыту

2. Оқушының тілін, ойлау қабілетін дамыту; сөздік қорын толықтыру;

3. Ертегі арқылы халық ауыз әдебиетіне деген қызығушылықтарын ояту; ой ұшқырлығы мен тапқырлық арқылы кез келген жағдайдан шыға білуге икемдеу.

Сабақтың түрі: Ашық сабақ

Сабақта қолданылатын әдіс-тәсілдері: Мәнерлеп оқу, сұрақ-жауап, көрнекілік.

Көрнекіліктер:

Тірек сызба, суреттер, қосымша материалдар, таратпа қағаздар, интерактивті тақта.

Сабақтың барысы:

1.Ұйымдастыру кезеңі.

-Сәлеметсіздер ме балалар!

-Сыныпта кім кезекші?

-Қазір барлығымыз мына тақтадағы өлең жолдарын бірге оқиық!

Фонетикалық шынықтыру:

Күндей жадырап,

Айдай нұрланып,

Жұлдыздай жарқырап,

Судай таза, мөлдір қөңілмен

Сабағымызды бастаймыз!

Ал енді балалар тақтада ілініп тұрған мына суреттерге назар аударайық.(әртүрлі ертегілердің суреттері)

Балалар бұл ненің суреттері?

Бұл - ертегінің суреттері, дұрыс айтасыңдар. Ал бұл қандай ертегілер?

(Оқушылар ертегілердің аттарын айтады)

Ал сендер қандай ертегілерді білесіңдер?

Оқушылар ертегілер айтады.

Ендеше,балалар, бүгінгі біздің сабағымыздың тақырыбы -Ертегілер, соның ішінде «Қазақ ертегілері».

Қазір мына бір ертегіге назар аударайық. (интерактивті тақтадан ертегіден үзінді көрсетіледі)

Тақтада ертегіден үзінді көрсетіледі

Балалар осы ертегіде басты кейіпкерлер кімдер? Бұл ертегі не туралы ертегі?

Дұрыс таптыңдар! Ал қазір біз жаңа тақырып бойынша жаңа сөздермен жұмыс жасаймыз!

Сіздердің алдарыңызда жаңа сөздер берілген. Осы сөздерді бірге оқиық.

Ертегі – сказка

Тиін – белкаӨмір сүреді –живетБұтақ – веткаАшуланады – злитьсяЖалынады – умоляетЖіберші – отпустиҚорқамын – боюсьҚорқытасың – ты пугаешьЗалым – коварныйҚұлау – упастьҚапалы – печальный

Ал енді балалар осы сөздермен сөз тіркесін құрайық. Жарайсыңдар!

Енді осы сөздермен сөйлем құрастырамыз.

Сөйлемдерің мағыналы болды, жарайсыңдар!

Тапсырма:

-Ал қазір балалар біз жаңа көрген «Қасқыр мен тиін» ертегісіндегі кейіпкерлерге сипаттама береміз. Сіздердің алдарыңызда көмекші сөздер берілген. Осы сөздерді пайдаланып, «Қасқыр қандай? Тиін қандай? екеніне» сипаттама беріңдер.

Тиін

Қасқыр

Бұл тапсырманы орындауға 5 минут уақыт беріледі.

Жақсы балалар қаламдарымызды қоямыз. Ортаға шығып әр топ өздерінің кейіпкеріне сипаттама берсін.

Ал екінші топ әр сөздің аудармасын айтады.

Жақсы, жарайсыңдар.

Ал енді келесі тапсырмаға назар аударайық. Алдарыңызда берілген мынадай мәтін бар. Осы мәтіннің негізінде алдарыңдағы кестенің 2-бағанында «+» не «-» белгісін қоямыз. Бұл тапсырмаға 5 минут беріледі.

Мәтін: «Ақ тиін мен қасқыр»

Ақ тиін бұтақтан бұтаққа қарғып жүріп, ұйықтап жатқан қасқырдың үстіне құлайды.Қасқыр қарғып тұрып, оны жегісі келеді. Ақ тиін жалынып:

— Мені жеме, жібер? – дейді.

— Жарайды, жіберейін, бірақ сен маған айт: неліктен сендер әр уақытта көңілді болып жүресіңдер?

Сонда ақ тиін:

— Мені жіберіңіз, сонан соң айтайын, әйтпесе жүрегім дірілдеп, сөйлей алатын емеспін, – дейді. Қасқыр ақ тиінді босатады.

Ақ тиін ағаш басына шығып алып:

— Сен қасқыр, залымсың, залымдық ішіңді жандырады. Сондықтан әрқашан қапалы жүресің. Біз ешкімге жауыздық істемейміз, сол үшін де әр уақытта көңілді болып жүреміз, – дейді де, cылқ-сылқ күліп, ағашқа өрмелеп шығып кетіпті.

-Ал енді дайын болсақ, бірінші топ оқиды екінші топ «+» болса, қол соғады, ал қате болса, «-» аяғымызбен тарсылдатамыз.

Тапсырма:

Тұжырым

Шын-жалған

 Тиін бұтақтан бұтаққа секірді.

 Тиін түлкінің үстіне құлады.

 Қасқыр оны жегісі келеді.

 Мені жібермеңіз,- дейді тиін.

 Қасқыр тиінді босатады.

 Тиін тау басына шығады

 Біз тиіндер көңілді болып жүреміз.

 Тиін сылқ-сылқ жылайды.

 Қасқыр әрқашан қапалы болып жүреді

 Тиін ағашқа өрмелеп кетеді

Ал қазір балалар дәптерлерімізді ашып, бүгінгі күнді жазамыз. Қазір сіздер жеке-жеке мынадай жазбаша тапсырма орындайсыздар:

Тапсырма: Көп нүктенің орнына керекті әріптерді қойып жазу (7 минут уақыт беріледі).Ти...н ұйы...тап жатқ...н қасқырдың ...стіне құлайды.Қ...сқыр тиінд... же...ісі келед....Қасқыр ақ т..інді босат..ды. Б...зәр уа...ытта кө...ілді болып ж...реміз. Тиін ағаш...а өрм...леп шығып кете...і.

-Қаламдарымызды қоямыз, енді қазір бір-бірімізбен дәптерді алмасамыз. Қате бар ма, жоқ па тексереміз. (Қатесіз болса - 5, егер 1-2 қате болса - 4, 3-тен көп болса -3 деген баға қоямыз).

-Жақсы, балалар, енді қаламдарымызды қоямыз да, мені мұқият тыңдаймыз:

(Сергіту сәті)

Монета – тиын, белка -....

Ювелир-зергер, врач-....

Народ-халық, рыба-.....

Орнамент-ою, медведь -.....

Родинка –қал, мед-....

Спрашивать – сұрау, упасть -....

Симпатичный – көрікті, веселый –.....

-Қазір балалар біз сіздермен тағы бір тапсырма орындаймыз. Бұл тапсырманы жұп болып орындаймыз. (Бұл тапсырмаға – 10 минут беріледі).

Тапсырма. Сөздерден сөйлем құрастыр.

Секіріп, бұтақтан, жүреді, бұтаққа тиін.

Басына, ол, өрмелеп, ағаш, шығады.

Әрқашан, жүреді,қасқыр, қапалы.

Өмір,тиіндер, сүреді, ағашта.

Аң, жабайы,қасқыр.

Дұрыс нұсқасы: Тиін бұтақтан бұтаққа секіріп жүреді. Ол ағаш басына өрмелеп шығады. Қасқыр әрқашан қапалы жүреді. Тиіндер ағашта өмір сүреді. Қасқыр жабайы аң.

Тақтаға сөйлемдердің дұрыс нұсқасын шығарамын. Әр жұп өз сөйлемдерін тексереді. Кім неше сөйлем дұрыс жазғанын айтады.

Үйге тапсырма: Жаңа сөздерді жаттап келу.