Қазақ тілі бойынша шеберлік сынып 5-сыныпқа

Шеберлік – сынып жоспары

Тақырыбы: Белсенді оқудағы тиімді әдіс – тәсілдер

Сабақ тақырыбы: Денсаулық. «Ең үлкен байлық» ертегісі

5 сынып

«Балалардың білгені, тапқан-таянғаны өмірге жанасып,

жарыққа шығып отырып, барлық жұмысты балалардың

белсене, құлшына істеуі шарт. Өзі еңбектеніп, өзі бейнеттеніп

тапқан білім берік болады.

Өмірінше ұмытпайды»

(Ж. Аймауытұлы)

Шеберлік – сыныптың мақсаты мен міндеттері:

Жаңа әдіс-тәсілдерді қолдану барысында оқушыларды белсенді жұмысқа тарта отырып, өз бетімен білім алуға мүмкіндік беру

Оқушылардың оқу үдерісіне қызығушылығын мен сыни ойлау қабілетін арттырып, өзара ынтымақтастық орнату.

Күтілетін нәтиже:

Білім беруде оқушы қажеттілігін ескерудің, шағын топта жұмыс істеу әдістерін тиімді үйлестірудің маңыздылығын түсінеді, қолданады.

Жаңа әдіс-тәсілдерді үйренеді.

Мақсаты бағытталған аудитория: Жаңартылған білім беру мазмұны курсынан өткен аудан мектеп мұғалімдері

Тәсілдер: Оқу, сөздікпен жұмыс , зерттеу, жұптық, топтық жұмыстар, сұрақ-жауап, диалог, кері байланыс.

Әдістер: Ширату жаттығуы, «Акростих», «Сәйкестендіру», «Эмоция графигі», «Қабырғадағы рөл», «Шығыс базары» әдістері.

(өткен сабақта өтілген тақырыпты пысықтау) Денсаулық – зор байлық Денсаулық – адам өміріндегі ең үлкен байлық. Денсаулықтың арқасында адам еңбек етеді, жетістікке жетеді және бақытты өмір сүреді. Денсаулық – адамның өмірге қанаттанып, өз ағзасының жағдайын жақсы сезінуі. Денсаулықты сақтау, оны нығайту әрбір адамның өзіне ғана байланысты.

Топқа бөліну. Ширату жаттығуы. «Ресторан» әдісі. Өткен сабақ бойынша алған білімдерін еске түсіріп, пысықтау әрі өзара диалогке түсу. Ресторанға барғанда жұптасып екі орынды үстелге барып сөйлеседі, сосын үш орынды үстелге үшеуден, сосын төртеуден бөлініп сөйлеседі. Осы төрттік бойынша екі топқа бөлінеді.

«Акростих» әдісі. «БАЙЛЫҚ» сөзінің әрбір дыбысына басталатын сөздер қатарын жазады, оқиды. Б А Й Л Ы Қ

Ең үлкен байлық

Ертеде бір жас жігіт өзінің кедейлігін айтып, әрдайым мұңын шағудан жалықпайды екен.

Шіркін-ай, егер менің байлығым көп болса, жақсы өмір сүрер едім, - деп зарлауын қоймапты.

Бір күні жігіттің лашығының алдынан қарт тас қашаушы өтіп бара жатып, зарлап отырған жігіттің қасына келеді.

Саған не болды сонша жыланып? Сен нағыз бай адам емессің бе? – дейді.