Қазақ тілі пәнінен қуыршақты күту ашық сабағы

Білім беру саласы: «Коммуникация»

Ұйымдастырылған оқу қызметі: Сөйлеуді дамыту

Тақырыбы: «Қуыршақты шомылдырып ұйықтатамыз»Мақсаты :балаларға дұрыс жуу ережелерін үйрету, киімдерді ретімен шешуді, киімдердің атын атай білуге үйрету. Қимыл-әрекетті білдіретін сөздерді меңгерту. Еңбекқорлыққа, тазалыққа баулу.Көрнекілік: шомылдыруға арналған заттар: су, сабын, сүлгі.

Қызмет кезеңдері

Тәрбиешінің қызметі

Балалардың қызметі

Мотивациялық-қозғаушылық

Балалармен сәлемдесіп, шаттық шеңберін жасайды.

-Топ, топ басайық,

Жалаудан күн жасайық!

Жаса, жаса алтын күн!

Жаса, жаса жарқын күн!

Балалар шеңбер бойымен бір-біріне қарап тұрып қимылдар жасайды.

Ұйымдастырушылық-ізденістік

-Балалар бізге қуыршақ Айгүл қонаққа келді. (Қуыршақ Айгүлдің үстінің кір болып кеткенін айтып, менен өзін шомылдыруды өтінеді).

-Кәне, балалар, Айгүлді бірге шомылдырайық. Киімін шешіп, таза суға шомылдырайық. Алдымен бас киімін, сонан соң аяқ киімін шешейік.

Киім шешу ретін көрсетеді. Шешіп отырып, киімдерінің аттарын айтып отырады: баскиім, аяқкиім, көйлек. «Айгүлге қуыршағын жуындыру үшін не керек?» дидактикалық ойыны.

Жуындыру үшін қандай заттар керегін суретке қарап айтып, артық затты сызады.

Киімін шешуге, шомылдыруға көмектеседі. Қамқорлық көрсетуге ұмтылады. Киімінің шешу ретін, киімінің аттарын білуге, үйренуге талпынады.Ойын ойнайды. Көрсетілген қимылдарды қайталау.

Қойылған сұрақтарға дұрыс жауап беруге тырысады.

Рефлекциялық-түзетушілік

Сұрақ-жауап әдісі арқылы оқу іс-әрекетін қорытындылайды.

Шешінерде, бірінші неден бастап шешеміз?

Киінерде бірінші неден бастап киінеміз?

Жуыну үшін қандай заттар керек?

Қандай киімдерді білесіңдер? т.б.

Сұрақтарға жауап беріп үйренеді. Киімдердің аттарын атап үйренеді. Жуынуға қажетті заттарды біледі.

Күтілетін нәтиже:

Біледі: киімдердің аттарын;

Игереді: тазалық туралы түсініктерді;

Меңгереді: киінудің, шешінудің ретін.