Қазақ тілінің жүйріктері 7 сыныпқа арналған ойындар

“Қазақ тілінің жүйріктері” атты сайыс

Сайысты өткізудегі негізгі мақсатым:Мемлекеттік тілді жақсы меңгерген топты анықтау.

Сайысқа үш кластан алынған 3 топ, әр топта 5 оқушы қатысады. Әр топ өз бақтарын сынайды.

«Қазақ тілінің жүйріктері» атты білім сайысымыз негізінен 6 кезеңнен тұрады:

1 кезең. Топты таныстыру, осы сайысқа түсудегі мақсаты. Әділ қазылар алқасы.

2 кезең. «Менің елім – Қазақстан» тақырыбына әңгіме жазу. Өлең оқу.

3 кезең. Бұл кезең «Бәйге» деп аталады. Мұнда оқушылар берілген сұрақтарға қысқа, әрі нұсқа жауап берулері керек.

4 кезең. «Елші» деп аталады. Бұл кезеңде мәтінді оқып, екінші тілде аудармасы мен мазмұнын айту.

5 кезең. «Жаңғырған салт-дәстүрлер» деп аталады, яғни салт-дәстүрлерге байланысты сұрақтарға толық жауап беру керек.

6 кезең. «Тапқырлық» деп аталады. Берілген мақалдағы жасырын сөзді тауып, мақалды жалғастыру.

І топтың сұрақтары:

А.Байтұрсынов кім?

Неміс елінде айтылатын қазақ әнінің авторы кім?

Қазақ тілінде неше септік бар?

Оңтүстік Қазақстан облысының әкімінің толық аты-жөні кім?

Жүз жасаған ақын?

«Шаһар» сөзінің синонимі?

Сан есім қандай сұрақтарға жауап береді?

Тұрлаусыз мүшелерді ата?

М.Әуезов кім? Роман-эпопеясын ата.

Әл-Фарабиді неліктен «Екінші Ұстаз» деп атаған?

Қазақ тілі қай жылы мемлекеттік мәртебе алды?

«Ақылды» сөзінің түбірі?

Абайдың қанша қарасөзі бар?

Ата Заң күні қашан?

Қазақтың тұңғыш алфавитін жасаған кім?

ІІ топтың сұрақтары:

«Бес Арыс» деген кімдер?

Жалғаудың неше түрі бар?

Қазақ халқының батыр қыздары кімдер?

Қазақстан қай жылы тәуелсіздік алды?

Қазақ тілінен тән дыбыстар нешеу?

Тіл туралы Заң неше баптан тұрады?

Қазақ әдебиетіндегі алғашқы роман?

Дауыссыз дыбыстар нешеге бөлінеді?

«Көксерек» әңгімесін кім жазған?

Қазақстан Республикасында Тілдер мерекесі қашан?

«Қазақ хрестоматиясын» жазған кім?

Білім және Ғылым Министрі кім?

Қазақстан жерінен өткен жол.

«Қазақ вальсінің королі» атанған композитор кім?

Әнұранның авторларын атап бер.

ІІІ топтың сұрақтары:

Бір жылда туып, бір жылда қайтыс болған үш бәйтерек кімдер?

Қазақстанда зиялы қауымды қуғындау қай жылы басталды?

Қазақ халқының тұңғыш романисі?

«Оян қазақ» кімнің шығармасы?

Түркістан қазақ халқының қандай қаласы?

Жаза алмайтын атақты ақын кім?

Шоқанды не үшін «сегіз қырлы» дейміз?

Абайдың туған жылы.

Абайдың қандай өлеңдері бар?

ҚР-ның астанасы қай қала? Бас қаласы қай қала?

Құлагер кімнің аты?

ҚР-ның рәміздерін ата.

Әл-Фараби өмірге келген қала.

«Домбыра» өлеңін кім жазған?

Шахмат ойынына ұқсас қазақтың ұлттық ойыны.