Қазақстан картасы мектепалды тобына арналған материал

Әңгімелесудің тақырыбы: «Қазақстан картасы»

Мақсаты: Өз Отаны –Қазақстан Республикасы туралы мағлұмат беру. Әр түрлі ұлт өкілдерінің достастығы туралы айту. Достық қарым- қатынасты нығайту. Өз еліне ,тұған жеріне деген сүйіспеншілігін артыру. Тілдерін дамыту.

Шаттық шеңбері:

Туымыз көк

Аспан көк

Туту-тәтті тұрамыз

Біз достармыз, біргеміз!

Балалар өлең жолдарын айта отырып қимылмен көрсетіп, соңында бір-бірін құшақтайды.

Балалар назарын тақтада ілінген суреттерге аударады.

-Біз қай елде тұрамыз?

-Қазақстанда тұратын қандай ұлт өкілдерін білесіңдер?

-Біздің топта қандай ұлт өкілдері бар.

-Ал сендер тату –тәтті бірге ойнайсыңдарма?

-Өте жақсы балалар бір топта болғандықтан барлығымыз дос болуымыз керек. /Глобус немесе картадан көрсету

/ -Қазақстанда қандай үлкен қалалар бар.

-Қазақстанның бас қаласы қалай аталады.

-Қазақстанның бас қаласы Астана қаласы көрікті әрі әдемі. Онда үкімет үйі, Елбасымыздың қызмет орны –Ақ орда, ескерткіштер ,ғимараттар бар. Жасанды мұхит океанариум бар. Бәйтерек бар. Ал біз тұратын қала –Петропавл қаласы. Қаламызда қандай ғимараттар бар?

Сергіту сәті: Көтеріліп шаңырақ

Уықтары шаншылар.

Керегелер керіліп

Бәріміз жүрсек айналып

Киіз үй болып көрінер.

Тақпақ жаттау. Бірнеше рет қайталап айтақызу, аудармасын айтқызу.

Отан – Ана!

Отан – Әке!

Отан – ту,

Отаным менің - Қазақстан.

Қимылды ойын «Бөлмеде не жасырынған» балалар бөлмеде жасырынған суреттерді іздеп табулары керек. Олардың атауларын атау керек. Тауып алған сөздерді сабақпен қатысын анықтау.

- АНА

- ӘКЕ

- ТУ

-ҚАЗАҚСТАН

Қандай суреттер тауып алдыңдар?

Бұлар бүгінгі сабақта қай жерде кездесті?

Балалар жауап бергеннен кейін, суреттерді өлең жолына қойып айтамыз. Бірнеше рет қайталап айтамыз. Жекелеп айтамыз.

Отан -

Отан -Отаным менің -

Жиынды қорытындылау: Бүгін қандай тақырыпта әңгіме өтті?

Еліміз қалай аталады?

Рәміздерді кім атайды?

Тақпақ жолдарын кім айтады?

Қазақстан қандай?

ЖҰМЫСТЫ ОРЫНДАҒАН УРАЗАЛИНА ГУЛЬЖАН ЖАМБУЛОВНА.