Қазақстан Республикасының рәміздері бойынша 4 сынып тәрбие сағаты

Сабақтың тақырыбы: "Қазақстан Республикасының рәміздері."

Сабақтың мақсаты: Оқушыларды отан сүйгіштік қасиеттерін дамытып, ҚР рәміздерімен таныстыру және оларды құрметтеу керектігін түсіндіру.

Сабақтың көрнекілігі: ҚР рәміздерінің суреттері, плакаттар.т.б.

Сабақтың пәнаралық байланысы: Қазақстан тарихы, қазақтілі және әдебиеті.

Сабақтың барысы:

Ұйымдастыру кезеңі.

Оқушыларды түгелдеп, назарын сабаққа Қазақстан Респубикасының әнұранын айтқызу арқылы аударамын.

Қазақстан Республикасының әнұранын оқушылармен бірге айтамыз.

(Оқушылардың әнұран айту кезіндегі әнді дұрыс айтып тұрғандығы мен оң қолын жүрек тұсына қою реттілігін қадағалаймын.)

-Ал кәне кей оқушылар біз еліміздің әнұранын жатқа айтқанмен оның қандай мағынада айтылғанын білеміз бе ?

-Алтын күн аспаны- Күнді алтынға теңеп тұр екен я.

-Алтын дән даласы- арпа, бидай сарғайғанда қандай түс болады? әрине сары түс яғни алтынмен түстес болады. Ия егістік даланы мұнда да алтын дән даласы деп алтын түсті даласы деп тұр.

-Ерліктің дастаны,

Еліме қарашы!

Ежелден ер деген

Даңқымыз шықты ғой.

Намысын бермеген

Қазағым мықты ғой

-деп Қазақ елін, жерін ата-бабаларымыздың ақ білектің күшімен, ақ найзаның ұшымен қорғап, бізге дейін ежелден аманат етіп келген тарихымызды еске түсіріп тұр. Осындай жерімізді жаудан қорғау үшін қаншама батыр ата-бабалырымыздың құрбан болғанын айтпасақ болмас. Кең байтақ жеріміздіге ежелден көз салып келген қаншама жауларымыздың бетін қайтарып, аман есен осы күнге дейін жеткізген ата бабаларымызды еңбектері еш кетпегеніне көзіміз жетіп отыр. Қазақ елінің өз жері бар екеніне, жер астындағы байлығымыз мол екеніне мақтанышпен айта отырып, Қазақ елінде туылған әр бір азаматтың жерімізді қорғауға, елімізді қорғауға міндетті.

Менің елім, менің жерім,

Гүлің болып егілемін,

Жырың болып төгілемін, елім!

Туған жерім менің Қазақстаным!

-Мұнда әр бір Қазақ елінің тұрғындары мақтанышпен Қазақстан менің туған жерім, Туған жерім үшін гүлің болып егілемін, жырың болып төгілемін деп айтып жігерлендіретінін көрсетіп отыр.

Ұрпаққа жол ашқан,

кең байтақ жерім бар.

Бірлігі жарасқан, тәуелсіз елім бар.

Тәуелсіз елім бар

-Кең байтақ жерім ұрпақтан ұрпаққа мұра болып жалғасып келе жатқанын, Қазақ елінің бірлігі жарасып тәуелсіз елде өмір сүріп жатқанын сүйреттеп жатыр.

Қарсы алған уақытты,

Мәңгілік досыңдай.

Біздің ел бақытты

Біздің ел осындай!

-Қазақ жерінде тек қазақ ұлты ғана емес бірнеше ұлттардың қазақтармен досындай болып бірге өмір сүріп жатқанын. Досқа адал халық екенін мақтанышпен айтып тұр.

-Балалар көрдіңдер ме, Қазақстан Республикасының әнұранын тек жаттап айтып қана қоймай әнұрандағы әрбір сөздер мен сөйлемге мән беру керек. Әнұрандағы айтылған сөздердің бұданда кең мағынасын ашып қарауға болады.